حديقه قوافي خيمه الشعر

[طاري الشوق]

للهوى والشوق وعيون السهر
قصة تحكي معاناة الحنين
تستمع لفصولها دمعة قهر
تنتظرقصة بها الفرحة تبين
لكن الي ينتظر فجره ظهر
ياحكاية كل ليلة تبتدين
ياحكاية من حكايات الدهر
كم بقى لآخر سطورك من سنين

بوحي

[e7sas]

ياحكاية كل ليلة تبتدين
ياحكاية من حكايات الدهر
كم بقى لآخر سطورك من سنين
كم بقى لآخر سطورك من سنين !!!

.
.
.

بالصميييييييييييييييم 💘😣

[طاري الشوق]

e7sas
صح بدنك على اعجابك واهتمامك وتسلم على التعليقات الجميلة تحياتي لك

[طاري الشوق]

التفت وما لقيت الا انا
في متاهات الخطاوي والدروب
مابه الا ليل يتبع هالعنا
والقمرلونه بهالليله شحوب
وينه الي يشعل الرفقة سنا
خطوته صارت مع الطرقة تذوب


بوحي

[رباب]

مَـدري هي الموضة زَعَـل و الا الخواطر به بلاء
‏شيٍ يعالجه العَـتَـب و العذر .. ليه تكبّـره ؟

‏إن كان قلبك ممتلي قلبي يشيل و ما امتلأ
‏و ان كان صبرك منتهي قل لي و اجيك اصَـبّـره

[طاري الشوق]

قصة دموع الغيم احلى حكاية
تنزل على خد الثرى وتحكيها
تروي على نبت الربيع الرواية
الين عطشان الزهر يرتويها
وتسولف بعشق الفياض البداية
لاصار براق الحيا يبتديها
يازينها لاصار فصل النهاية
باطيب عطور ورودها منتهيها
بوحي

[كروومه]

عندي على بعض العلاقات تشطيب
‏بعض أصـدقاي اللي تغيّر شطبته

‏من لا حسبنـي في كبار المــواجيب
‏طـال الزمـــن والا قصـر ما حسبته

[طاري الشوق]

على هدوء الليل ياخافقي هد
تلقى بجو الليل جو السكينه
خذ راحتك ياقلب فيه وتنهد
واجذب ونينك لين يقضي ونينه
واترك نجوم الليل ياقلب تشهد
وابعدعن اجواء البشروالمدينه

بوحي

[كروومه]

في قلب ملهوفك من آلشوق دآعي
‏تســـوقه آلأفكـآر و آلشـوق يدعيـه

‏و إن كآن ضآقت في لقآك آلمسآعي
‏يبقــى خيـآلك شيّ مٰــآنيب نــآسيه .

[طاري الشوق]

امطري ياغيمة الطهر العفيف
واغسلي قلب من الهم امتلا
بلليه بهون يالمزن النظيف
وامسحي ضيق على القلب اعتلا
قلبي الملتاع احساسه رهيف
كم تجرح من سكاكين الملا
كم تحطم فيه من شوق عنيف
لين ماتت داخله روح الغلا

بوحي

[رباب]

‏مشكور ياللي عن غيابي تسألت
‏لعلني فــــدوه لمثلك وشرواك

‏.

‏ومعذور ياللي عن غيابي تجاهلت
‏هذا زمن فيه أقرب الناس ينساك

[رباب]

اقتباس:  المشاركة الأصلية كتبت بواسطة طاري الشوق     امطري ياغيمة الطهر العفيف واغسلي قلب من الهم امتلا بلليه بهون يالمزن النظيف وامسحي ضيق على القلب اعتلا قلبي الملتاع احساسه رهيف كم تجرح من سكاكين الملا كم تحطم فيه من شوق عنيف لين ماتت داخله روح الغلا بوحي

من نعم الله
المطر
يريح النفس بكل حالاتها

[كروومه]

بكره ليا منا توادعنا على ..خيـر ؟
‏وقفّيت عنك وعاد لك خاطرٍ .. في

‏وايقنت باني غيـر واقفايتـي ..غيـر
‏وما عاد باقي من دموعك .. ولا شي

‏تذكر ان لك قيمه وحشمه ..وتقديـر
‏ ومعزّةٍ في خافقي ( ماهي بشوي ) .!❗✋🏻

[عبدالله ون]

ياعطاشا عطاشا والموارد بعيده
والثريا حداها سهيل يم المغيب
واليا غابت من يرجي قلبي انه تعيده
قلبي اللي تولع ردى حظ ونصيب
من رمى سهم حب في عيون صديده
يقضي باقي حياته فالمحبه غريب
من طلع عالي يلقى رياض مديده
ومن وطا في مطامنها فأمره مريب

[كروومه]

يا كثر ما نعطي .. ولا ننتظر رد
‏وننسى عطايانا .. ليا من عطينا
‏'
‏قلوبنا : ما تعرف الحقد ، والصد
‏ونطيب فـ اللي .. ما يطيبون فينا
‏'
‏ونحبّ لكن فـ المحبّة .. لنا : حد !
‏لا وصلّت .. حدّ الكرامة .. مشينا
‏'
‏وان ضاقت الأيام .. نوقف لها ند
‏نضحك لها من قبل تضحك علينا