راقـــــــــــــــــــت لـيـ اتمنى ترقى لذائقتكم ... لكم الابيات
صوّت حبيبي وقبـل أقـول ياعونـك
......شكى جروحه ورحت أشكي له طعوني
يقول مقدر أعيش اليـوم مـن دونـك
......وأقول حتى ولو ماعشت مـن دونـي
يمكن أنا اكون أعز إنسـان فـعيونـك
......بس انت والله كـل النـاس فـعيونـي
لا صرت ربعي وداري فيّـة جفونـك
.......وش دخّل الناس خل النـاس يجفونـي
يكفيني إن انت لا من قلـت وشلونـك
.......تطيب كل الجـروح ويختلـف لونـي
وإن كان منتب مصدقني علـى هونـك
........تعال وطالـع دروبـي ويـن ودونـي
أصبحت أجامل عداي اللـي يحبونـك
.......وأكره مشاهد عـداك اللـي يحبونـي
ومن كثر ما احب واكره عنك واصونك
.......أصبحت دفتر مشاعر وأنت مضمونـي
إن غبت عني شعـرت بلـذة طعونـك
.........وإن شفت زولك شعرت بقيمه عيونـي
الشاعر..فهد المساعد
منقول
العرض الشجري