منتدى بريدة - إن غبت عني شعـرت بلـذة طعونـك..وإن شفت زولك شعرت بقيمه عيونـي

منتدى بريدة (https://www.buraydh.com/forum/index.php)

- ديوانية الشعر والأدب (https://www.buraydh.com/forum/forumdisplay.php?f=29)

إن غبت عني شعـرت بلـذة طعونـك..وإن شفت زولك شعرت بقيمه عيونـي

راقـــــــــــــــــــت لـيـ اتمنى ترقى لذائقتكم ... لكم الابيات

صوّت حبيبي وقبـل أقـول ياعونـك
......شكى جروحه ورحت أشكي له طعوني

يقول مقدر أعيش اليـوم مـن دونـك
......وأقول حتى ولو ماعشت مـن دونـي

يمكن أنا اكون أعز إنسـان فـعيونـك
......بس انت والله كـل النـاس فـعيونـي

لا صرت ربعي وداري فيّـة جفونـك
.......وش دخّل الناس خل النـاس يجفونـي

يكفيني إن انت لا من قلـت وشلونـك
.......تطيب كل الجـروح ويختلـف لونـي

وإن كان منتب مصدقني علـى هونـك
........تعال وطالـع دروبـي ويـن ودونـي

أصبحت أجامل عداي اللـي يحبونـك
.......وأكره مشاهد عـداك اللـي يحبونـي

ومن كثر ما احب واكره عنك واصونك
.......أصبحت دفتر مشاعر وأنت مضمونـي

إن غبت عني شعـرت بلـذة طعونـك
.........وإن شفت زولك شعرت بقيمه عيونـي

الشاعر..فهد المساعد

منقول

اقتباس:

المشاركة الأصلية كتبت بواسطة ألرايقـ (المشاركة 5062259)

يمكن أنا اكون أعز إنسـان فـعيونـك
......بس انت والله كـل النـاس فـعيونـي

رااائعه ..

وصح لســــــــــآنه .. :)

يعطيك العافيه ..

راااااااائع فهد المساعد
بكل كلمة يكتبها
ورايق أنت أيها الرايق
بكل قصيدة تتحفنا بها

شكراً لك

ذآئقه جميلـه .,
يعطيك آلف عآفيه ~
طآب يومك :for12:

شكرا لك على هالاختيار

ماقصرت

اسعدتني اطلالتكم هنا ...
الأروع انتم والاجمل احرفكم ..
اتمنى الوقت يسعفني لرد على كل حرف هنا
لكم ودي