الشهية العجيبة ...!

[وضوح]

صباح الخيرات ...،؛

وقفت على عدة أطباق
تكاد تكون أمنية للكثير..... ،،
أو فرصة جميلة لمن يحظرها ....،
أكلات يتقبلها غالبية الرجال بلاتردد
ويتفننون بأكلها ....،؛

واعتذر لمن تعثرت معدته في هذا
المتصفح .....!

؛

　

والأمثلة كثيرة كــ أكـل الــجراد مثلاً
وغيرها ...!

ترى../

ماسبب تقبل الرجل لأكل مثل هذه الأطباق .. ؟

لما لايؤثر ظاهر الطعام على شهية الرجل
هل يحمل شهية عجيبة أم مفتوحة ؟!

ثم هل لها تأثير على شخصية وتعامل آكلها ؟
وهل يجد في أكلها لذة أم هو تقليد وادعاءات لا أكثر ..!

تحيتي،؛

[تَمَرّدْ]

وضوح ياغاليه النساء كهم في مجتمعنا

اُسميهن بـ الشرسات

(عكر ضب وارانب وجراد !!! وش بقى ووش خلن للرجال !!

[عذبـــــة]

[align=center]آآآآآآآآآآآآآآآآآه ياوضوح
ماسويتي فيني خير ابد
وربي ميته جوووع جاية من زواج ولا اتعشيت يقالي اتيكيت ودايخه من الجوع
وكل شوي اقول برد واقوم اكل شي
خربتي علي الله يصلحك
وش هالبلاوي المتلتله آآآآآآآآآآآآآآه يالغثيان اشتغل

اقتباس: ماسبب تقبل الرجل لأكل مثل هذه الأطباق .. ؟

ياكلونه غصب لأنهم يحسون انهم رجل اقوياء وهم يتحدون الصعاب ويأكلون حيونات وحشرات غريبة
طيور ضبان جراد خرفان دجاج بط وز ضفادع خفافيش سحالي كل ماتبين

اقتباس: لما لايؤثر ظاهر الطعام على شهية الرجل هل يحمل شهية عجيبة أم مفتوحة ؟!

الرجل اذا جلس ( تربّع ) وتفسر خلاص انسي انه بيشعر بأي شي
لا باللي جوله ولا بطعم أو شكل الأكل قدامه
يعني لو تقربين كرتون الكلينكس كان لفّه مع هالضب المنسدح يحسبه عكره

اقتباس: ثم هل لها تأثير على شخصية وتعامل آكلها ؟ وهل يجد في أكلها لذة أم هو تقليد وادعاءات لا أكثر ..!

نعم لها تأثير ماتشوفين الشطوب اللي واصله خدودهم ؟؟
ولا اعتقد انه يجد فيها لذة لكن كما ذكرت انه فقط يحس بالرجوله والقوة وهو ياكله
ياربيييييي الحين وش يوقف الغثيان [/align]

[انتظرتك]

مو ياستي أحسن من ورق العنب
اللي يبلعنه الحريم بكل وقت << يارب لك الحمد

[احمد النجم]

حتى نوعيه الاكل تريدون (تعييب) الرجل فيه!

اتفق معك بعدم استساغت أكل الحيوانات الزاحفه!!

ولا اجد لها تفسير لتقبلها لمن يتلذذ بها!

لكن اللقطه الاخيره (قصدير الحمام) فهي أكله شهيه منتشره ومرغوبه
في غالبيه الاقطار العربيه! وخصوصا مصر!

الطيور بصفه عامه مما ورد فيه الترغيب في القرأن الكريم
لأهل الجنه نسأل الله ان يجعلنا من اهل الجنه

لكن : هل لها تأثير في تركيبه الرجل ؟
نفس السؤال : عن رغبه النساء بشكل عام بأستساغه ورق العنب!

وكلها من نعم الله...

[ميرنون]

[align=right]عرف عنهم حب البطن ،،،
ويكفي ان ارضاء الزوجة لهم عن طريق البطن



-- تعثرت معدتي وأمعائي


.


تقديري ‘[/align]

[عذبـــــة]

[align=center]

اقتباس: مو ياستي أحسن من ورق العنب اللي يبلعنه الحريم بكل وقت << يارب لك الحمد

اقتباس: نفس السؤال : عن رغبه النساء بشكل عام بأستساغه ورق العنب!

تتكلمون جد انتم ؟؟ولا تستهبلون ؟؟ مالقيتوا شي تعيبون على الحريم فيه وقلتو ورق العنب ؟؟
ورق العنب رز وورقه مثلها مثل البقدونس يعني مافيها شي يجيب القشعريرة
ورق العنب قبل تاكله ماكان يمشي ويطامر من جحر لجحر
ورق العنب ماله حراشف واجنحة وزعانف واذان طوال وشنبات
اكله حامضة ظريفه نموت فيها << تتشهوى لأنها مازالت جائعة جداَ[/align]

[انتظرتك]

اقتباس:  المشاركة الأصلية كتبت بواسطة عذبـــــة     [align=center] تتكلمون جد انتم ؟؟ولا تستهبلون ؟؟ مالقيتوا شي تعيبون على الحريم فيه وقلتو ورق العنب ؟؟ ورق العنب رز وورقه مثلها مثل البقدونس يعني مافيها شي يجيب القشعريرة ورق العنب قبل تاكله ماكان يمشي ويطامر من جحر لجحر ورق العنب ماله حراشف واجنحة وزعانف واذان طوال وشنبات اكله حامضة ظريفه نموت فيها << تتشهوى لأنها مازالت جائعة جداَ[/align]

قالت ايش مثل البقدونس
حرام عليك زر بايت وورق شجر !
اللي نخبره ان ثمر العنب هو اللي يوكل مو الورق
بس وش نقول ...

[وضوح]

اقتباس:  المشاركة الأصلية كتبت بواسطة دفـئ     وضوح ياغاليه النساء كهم في مجتمعنا اُسميهن بـ الشرسات (عكر ضب وارانب وجراد !!! وش بقى ووش خلن للرجال !!

أهلاً دفىء

كيف تسميهن بالشرسات قصدك يآكلونهن ..!
والله شكلك غلطان

الجراد ممكن بس الحريم الكبار
أما غيرهن فأعتقد إنك بعالم غير عالمنا ...،،


تحيتي لك ،؛

[احمد النجم]

اقتباس: تتكلمون جد انتم ؟؟ولا تستهبلون ؟؟ مالقيتوا شي تعيبون على الحريم فيه وقلتو ورق العنب ؟؟ ورق العنب رز وورقه مثلها مثل البقدونس يعني مافيها شي يجيب القشعريرة ورق العنب قبل تاكله ماكان يمشي ويطامر من جحر لجحر ورق العنب ماله حراشف واجنحة وزعانف واذان طوال وشنبات اكله حامضة ظريفه نموت فيها << تتشهوى لأنها مازالت جائعة جداَ

طيب الضبان .. حاله خاصه ! وليست رغبه لكل الرجال .
حتى فيه نساء يتلذذن بعرمشه عكرة الضب!!
وفيه رجال أكلته المفضله ورق عنب 0تيمنا0 بأهل بيته!!

المساله ليست تبادل أسقاطات!

وضوح لم تكن حسابتها دقيقه! على غير العاده
فأدرجت وجبه الضب مع المذاق الطيب اللي هو الطيور

[وضوح]

اقتباس:  المشاركة الأصلية كتبت بواسطة عذبـــــة     [align=center]آآآآآآآآآآآآآآآآآه ياوضوح ماسويتي فيني خير ابد وربي ميته جوووع جاية من زواج ولا اتعشيت يقالي اتيكيت ودايخه من الجوع وكل شوي اقول برد واقوم اكل شي خربتي علي الله يصلحك وش هالبلاوي المتلتله آآآآآآآآآآآآآآه يالغثيان اشتغل ياكلونه غصب لأنهم يحسون انهم رجل اقوياء وهم يتحدون الصعاب ويأكلون حيونات وحشرات غريبة طيور ضبان جراد خرفان دجاج بط وز ضفادع خفافيش سحالي كل ماتبين الرجل اذا جلس ( تربّع ) وتفسر خلاص انسي انه بيشعر بأي شي لا باللي جوله ولا بطعم أو شكل الأكل قدامه يعني لو تقربين كرتون الكلينكس كان لفّه مع هالضب المنسدح يحسبه عكره نعم لها تأثير ماتشوفين الشطوب اللي واصله خدودهم ؟؟ ولا اعتقد انه يجد فيها لذة لكن كما ذكرت انه فقط يحس بالرجوله والقوة وهو ياكله ياربيييييي الحين وش يوقف الغثيان [/align]

أهلين عذوووبه

كنت ناوية أكتب يمنع دخول أهل الشهية والقلوب الضعيفة
لكن ..،
قلت مو حلوهـ بحقهم واكتفيت بالإعتذار قبل أول صدمة قصدي صورهـ ...!


رأيك هي لإثبات الرجولة ولتنمية الشطوب ...!!!
لحظه... بنشوف هي لها لذة فعلاً
ونآخذ رأيهم واجاباتهم للتسآؤلات
بعدها نحكم ..،؛


يمدحون حليب السعودية للغثيان

تحيتي،؛

[محاور]

[align=center]موضوع غريب نوع ما [/align]

[عذبـــــة]

اقتباس:  المشاركة الأصلية كتبت بواسطة انتظرتك     قالت ايش مثل البقدونس حرام عليك زر بايت وورق شجر ! اللي نخبره ان ثمر العنب هو اللي يوكل مو الورق بس وش نقول ...

يعني الحين انت اقنعتني اننا ناكل شي غريب !
من قال ان الرز بايت !
الرز طااازة وحتى الورق نشترية طازة اخضر ونطبخه ونتفنن فيه بالبيت وتعاال ذوق الطعم الصح

اقتباس: وورق شجر

تصدق احسبهن ورق دفاتر !!

[ولد الحسون]

شكل هالموضوع يبي ينتهي
بالضرب بغطيان الكواتم

لكن أبسأل ورق العنف يطبخ بكاتم مثل الضبان

[انتظرتك]

اقتباس:  المشاركة الأصلية كتبت بواسطة عذبـــــة     يعني الحين انت اقنعتني اننا ناكل شي غريب ! من قال ان الرز بايت ! الرز طااازة وحتى الورق نشترية طازة اخضر ونطبخه ونتفنن فيه بالبيت وتعاال ذوق الطعم الصح تصدق احسبهن ورق دفاتر !!

اجل الرز طازه والورق تشترونه بعد طازه ... كثري منها


اجل دفاتر
ولو صايرة تنكتين ياعذبه ,,,