من يطعن حريتي .. قتلوني قتلهم الله

[عجوز سمنسي]

[align=center]في العقل الذكوري تسيطر أنفة وشموخ

ربما ليس كل عقل تسيطر عليه تلك الانفة لكني احدثكم عن عقل رجل يعتز بقيمة مايقوله ويكتبه

نحن في عالم المنتديات نكتب مانعتبره جزء من حريتنا ومتنفس لعقولنا وقلوبنا

احيانا يشطح الموضوع الى جوانب اخرى لو كنت مديرا لمنتدى ماء امررتها كما جاءت

اتدرون لماذا ؟ لاني اعتقد اننا مقهورون في هذا الزمن

نقوم صباحا لاعمالنا ونقابل ( وجية كشبارة ) ثم نمسي بطرقات وزحام مثير للنفسية والغضب

ونأتي لنكمل المساء في المنتديات لنريح اعصابنا

ياتي بعدها من يحدد وجهتك ويقول لك خلك بالموضوع
طيب الموضوع كذا يصير ممل وكسل ويجيب النوم

صدقوني نحن بحاجة الى من يمتص هذا الكم الهائل من زفرات النفس وآآآآآآآآاهات القلب

هل توافقونني؟[/align]

[ابوخالد382]

عجوز,,,الجميع مقهور فالدنيا مليئة بالمشاكل,,ولكن الشكوى لغير الله مذلة. دمت بخير

[شموع تحت المطر]

^
^
من الصبح وأنــــــــا انتظر ردت فعلـــــــــــــك...

خخخخ..توها تطلـــع...

والله ماله حق يقفل موضوعك.... بش وش نسوي بالتخلف....

ابوخالد حقرص..... لاتحذف ردي...

[شموع تحت المطر]

اقتباس: نقوم صباحا لاعمالنا ونقابل ( وجية كشبارة )

بجد ودي اشوف أهلــــــــك... من عرفتك وانت تطنز.. اللهم لاشماته..

امتص الزفرات والاهات,,وطلع اللي عندك... ترا الدنيا على اسمها دنيا...


ترا العنوان... فيه غلط..شوي..بس شكلك معصب معليش...

قاتلهم الله..>>بس منهم بالضبط..

[عجوز سمنسي]

[align=center]

اقتباس:  المشاركة الأصلية كتبت بواسطة شموع تحت المطر     ^ ^ من الصبح وأنــــــــا انتظر ردت فعلـــــــــــــك... خخخخ..توها تطلـــع... والله ماله حق يقفل موضوعك.... بش وش نسوي بالتخلف.... ابوخالد حقرص..... لاتحذف ردي...

شموع : ابحلف لك وقت قرب الافطار وقت اجابة الدعوة

والله الذي لا اله الا هو اني ابتسمت لما رأيت الموضوع مقفل

وارسلت رسالة لمن اقفل الموضوع وقلت له تراه حلالك

لان الكتابة بالنسبة لي شخطة قلم

انا لا اتكلم ورب الكعبة عن موضوعي وانما اتكلم بالعموم

عن تلك الاااااااااااهات في انيننا والحزن في صمتنا والحرف النازف

نريد ان نتكلم بحرية

نريد ان نتنفسها

انا لست ضد ايقاف المواضيع اذا خرجت عن نطاقها او تعدت حدودها المعقولة

لكني اريد فسح المجال اكثر فقط

اقولها مرة اخرى ياشموع والله ليس لموضوعي دخل فيما اكتب ولا اتكلم ابدا بردود افعال فانا العجوز السمنسي[/align]

[عجوز سمنسي]

[align=center]

اقتباس:  المشاركة الأصلية كتبت بواسطة شموع تحت المطر     بجد ودي اشوف أهلــــــــك... من عرفتك وانت تطنز.. اللهم لاشماته.. امتص الزفرات والاهات,,وطلع اللي عندك... ترا الدنيا على اسمها دنيا... ترا العنوان... فيه غلط..شوي..بس شكلك معصب معليش... قاتلهم الله..>>بس منهم بالضبط..

من قبل ماتقولين مرسل لابو خالد يعدل بالعنوان بس شكله مطنشنا

العنوان ياشموع لايعبر عن الصدق دائما فهو اثارة فقط

تراي اقصد بالكشابير اللي اقابلهم كل صبح الموظفين اللي معي وانا تراي اولهم هم بعد الله يعينهم يتصبحون بوجهي

يعني خربانه مع كل جهه

عن اذنكم ابروح افطر تفضلوا معنا يابو خالد والربع اللي معك
[/align]

[هدووء]

[align=center]انا اوافقك وبشـده
لكن كل شي بحدود
بعض المواضيع المطروحه يصير اثمها اكبر من نفعها
ويكثر الحذف بالردود وتكثر المشاكل .. كلله تحت مسمى التنفيس وتوسيع الصدر
عموما ماتستغني عن مواضيعك يالسمنسي لانها تدخل السرور على قلوب اللي نيتهم طيبه
تحيتي إلك يالسمنسي ,,[/align]

[جلوي العتيبي]

اخي عجوز سمنسي

اوافقك في كثير مماذكرت ..وعندما تكون آفاق الحريه أوسع وأرحب يكون للإبداع مكان لأن الحاله النفسيه لها الأثر الأكبر في مثل هذه الأمور.


لكن لايخفى عليك اخي الفاضل أنه حتى في أبسط أمور حياتنا هناك ضوابط وقوانين تحفظ لهذه الأمور إستمراريتها بالشكل السليم .

كرة القدم هوايه نمارسها ونواجه فيها الإنذار والكرت الأحمر وغيرها فهل هذا الشيء يفسدها ؟

تملك قلماً قوياً لكن ردة الفعل ياعجوزنا المبدع يجب أن لاتجعلك تخالف شيء مما قد يؤيده واقعك.

دام حرفك

[توتي]

يارجال هذي الدنيا يوم لك ويوم عليك
بس اهم شي انك ماتحط حرتك باحد

[عجوز سمنسي]

[align=center]

اقتباس:  المشاركة الأصلية كتبت بواسطة ابوخالد382     عجوز,,,الجميع مقهور فالدنيا مليئة بالمشاكل,,ولكن الشكوى لغير الله مذلة. دمت بخير

صدقت ياعريس

>>> ترى ابو خالد ماخذ ثانية

<< يبي يورطك عند الفرافير

الشكوى لغير الله مذلة

كتبت الموضوع لكثرة المواضيع المغلقة فقط[/align]

[ملاك الحبر]

ههههه موضوعك السابق اتخذ مسار غير مساره ..! بس لعلمك أنت بهذا الموضوع تكمل المسار اللي براسك اليابس يعني انت اعلنت امام العالم ذولا اجمع سيطرة افكارك عليك وانها احيانا تكون مطروحة للتسلية وهذي من أحد صفاتك المتلازمة مع شخصيتك ،، بس كلمة قهر قوية ..وأحس انها تسخط يعني الحمد لله الواحد عايش بنعمة وخير وبكامل صحته <<بتعطيك عين
ولاقي ناس حوله تحس فيه ...
عندها لازم يشعر بالحياة ..أو بمعنى اصح يُشعر نفسه بالحياة..ويوفر لنفسه اسباب السعادة الي تغيب عنه
شايب رح اشتر لك مصيصة
واترك عنك القهر اللي ناتج عن اللامشكلة...
او اقولك عندي لك حل خل نكمل سالفة السوق هنا !!

<<ودها يتقفل هذا بعد

مارسوا طموحاتكم وأحلامكم وهواياتكم !!! لن تشعرون بالملل

شكراً

[عجوز سمنسي]

[align=center]

اقتباس:  المشاركة الأصلية كتبت بواسطة هدووء     [align=center]انا اوافقك وبشـده لكن كل شي بحدود بعض المواضيع المطروحه يصير اثمها اكبر من نفعها ويكثر الحذف بالردود وتكثر المشاكل .. كلله تحت مسمى التنفيس وتوسيع الصدر عموما ماتستغني عن مواضيعك يالسمنسي لانها تدخل السرور على قلوب اللي نيتهم طيبه تحيتي إلك يالسمنسي ,,[/align]

والله ياهدووء اذا اصبح اثمها اكبر من نفعها المفروض تتقفل من اول مثل تلك المواضيع اللي تقدح في الدين والعادات

لكن مواضيع عامة يحورها بعض الاعضاء الى سوالف وش دخل صاحب الموضوع بلف الموضوع عن مساره

ابضرب مثل لموضوعي اللي لفوه وانا مش موجود
انا وش دخلني فيهم يقفلونه ؟ طيب يحذفون الردود

على الاقل يبلغوني مهب اجي والاقي الدكان مقفل

عاد وربي ماهمني تراه موضوع سوالف يالله استانسوا يامشرفين

اشكرك هدووء على ثنائك العطر وعسى ابتسامتكم دووووووووم ودوم[/align]

[عبدالله الحلوه]

اقتباس: نقوم صباحا لاعمالنا ونقابل ( وجية كشبارة ) ثم نمسي بطرقات وزحام مثير للنفسية والغضب ونأتي لنكمل المساء في المنتديات لنريح اعصابنا

عجوز سمنسي

وحتى نكفل لك وللجميع وجود مناخ مريح ومهدئ للأعصاب وجب التدخل وازالة السوء في بعض المشاركات حتى لايصبح كل يومك قبحاً في قبح

إذا كنت تنقم من ذلك القبح وذلك الزحام فالمفترض ان لاتفعل هنا مايجعل هذا المكان مشابهاً لما هو هناك حتى لاتجعل غيرك يعيش مساءه ماعشته انت في صباحك


تقبل تحياتي

[عجوز سمنسي]

[align=center]

اقتباس:  المشاركة الأصلية كتبت بواسطة عبدالله الحلوه     عجوز سمنسي إذا كنت تنقم من ذلك القبح وذلك الزحام فالمفترض ان لاتفعل هنا مايجعل هذا المكان مشابهاً لما هو هناك حتى لاتجعل غيرك يعيش مساءه ماعشته انت في صباحك تقبل تحياتي

قبلنا تحياتك بس على مضض

وش فيك علينا يابو فهد

يعني انا اللي مسبب التعاسة للاعضاء هنا ؟ ومخلي مسائهم تعيسا كصباحي؟

ايه زين يابو فهد ماهقيتها منك

بس مقبولة غصب عني انت عمنا ياعم [/align]

[فور يو]

اقتباس:  المشاركة الأصلية كتبت بواسطة عجوز سمنسي     [align=center] ابضرب مثل لموضوعي اللي لفوه وانا مش موجود [/align]

الأخ سمنسي

موضوعك لفوه وانت موجود و للأسف سايرت هذه اللفه والدليل على ذلك ردودك الأخيره على شموع تحت المطر ...!

اعذب تحيه للكل .