من يبحث عن زوجة (تسعده وتدلــله) فليتفضل هنا .

[الفتى السمنسي]

سبحان الله الحقيقة تضل حقيقة والسعادة بين الزوجين هي إكسير الحياة الزوجية ودوام السعادة بينهم .
إذن من يريد زوجة تسعده وتدلــلة وتضعه في عينيها فليتزوج من زوجة (متفرغة) يعني ربة بيت وبس .
ومن اراد التعاسه والشقاء والأكل من المطاعم فليتزوج من من (موظفة) .
أعلم أن كلامي سيغضب الموظفات وسيرددن مقولة (مو صحيح كلامك فالزوجه الموظفة اللي توفق بين عملها وشغلها ستنجح مع زوجها ) وهذا الكلام أساسا مو صحيح .
من بحث عن زوجة موظفة هو في الأساس لم يبحث عن زوجة بل بحث عن (صرافة) فقط وتجده يعيش معها بجسمه فقط ولكن عقله مع غيرها مع من وفرت له سبل السعادة والراحة والأكل اللذيذ والمداعبة الحقيقية.
اعرف اصدقاء متزوجين من موظفات هم يخبرونني بمعاناتهم مع زوجاتهم فهن يرجعن للمنزل مرهقات ونفسياتهن تعبانه وأنا كذلك اعود تعبان ومنهك واريد من يزيل همي وتعبي ولكني لا أجد احد وغالبيتهم تزوجوا زواجات مختلفه كل على حسب ظروفه .
منهم من تزوج (مسيار) ومنهم من تزوج زواج حقيقي من ربة بيت متفرغه ومنهم من تزوج عرفيا من فتاة مصرية مقيمة بالقاهرة ويأتيها كل اسبوعين ثلاثة أيام وهكذا .
الحقيقة دائما موجعة وسبحان من لم يجعل للمرء من قلبين .

[التنين الصيني]

ما علمتهم ان المسيار مشكوك بصحته .... ؟ !
.....

المرأة الموظفة تصلح للرجل ذو الدخل المحدود ....

فالوظيفة للزوجة سلاح ذو حدين ....

سي يو ....

[مشاغبة]

وظيفة الزوجة الاساسية هي زوجها وتربية اولادها...

لكن هذا لايمنعها من الخوض في مجال العمل..
حتى لو كان اي عمل بسيط مولازم دوام وكرف وتعب.. اي شي تدخل منه مال.. لان ذلك يعزز شخصيتها ويشعرها بطعم النجاح.. حتى لو كان 1000 ريال شهري يكفي لتشعر الزوجة التي غرقت في مسؤليات بيتها وزوجها واولادها بطعم النجاح وانها حققت لنفسها شيء في خضم هذه الحياة..

واما راتبها فهو لكمالياتها واغراضها الشخصية..فقط..!!
اما صرف البيت فهذا على الزوج..وليس له الحق ابدا في راتب زوجته الا اذا رضيت بذلك..

شكرا على طرحك فتى..

[اوكسجين بريده]

اقتباس: اعرف اصدقاء متزوجين من موظفات هم يخبرونني بمعاناتهم مع زوجاتهم فهن يرجعن للمنزل مرهقات ونفسياتهن تعبانه وأنا كذلك اعود تعبان ومنهك واريد من يزيل همي وتعبي ولكني لا أجد احد

هذي أشين نقطه , ولآ أتوقع الباقي كلوه تمام
لكن بينبي وبينك الاغلب صح لانه جد الموظفات ماعندهم وقت أبد 24 مشغوله
وعلى راسهم المدرسه ولا الطبيبه
سسسلام

[فديكا التميمي]

الله يرزقنا الوظيفه ولايمن علينا احد والباقي بقلايع وادرين ,,,,
بس استغرب الصراااحه من بعض المدرسااات يوخذ راتبه بالكامل
وماله اي احقيه باستعماله الا بالرجوع للباشااا به يرضى وبه مايرضى
وين حناااابه يدبِر ويعبِر براتبه ضربتن تضربه وآخرته يطق عليه مره من زينه هو
وتعااامله بعد ماتحملته لحالُه تحمله بضره ,,,,

بعض الرجال اللحين يبيلهم من يصيخهم خلااااص ماتنفع معهم الطيبه

[منتوشه]

معليش لاتعممممممممممم فيه موظفات حياتهم سعادة وهنا وفيه من ربات البيوت فاشلة
وهذا يرجع لشخصية المره اذا كانت تعرف تصرف امورها وتضبط اوضاعها
واذا انت تتكلم عن الدلال يكفي ان الموظفه المسيكينة تاخذ ع ظهرها قروض عشان حضرة جنابه
ينبسط ويكششششخ الجنة باالسيارة او بيت او ارض مااقول الا الله يخلف عليها باالجنة
تحيااااتي

[مدير خبرة]

المسيار وانا اخوك.... مثل بيض الصعو...
يسمع به.... ماله أثر...!!!!

ثم وانا اخوك...
اذا راح ثلاث ارباع راتبك.. على كم قطعة قماش.. وكم كيس .. وكم خرابيط من حقات الحريم

ثمنت وعرفت قدر الموظفة..!!

لا ..
واذا جاء وقت السفر ...
شف الميزانية كم بتصير..

سكن.. وتذاكر.. وسوق.. وترفيه.. وهدايا لامه وخواته وعيال خواته....
والمسكين ماعليه الا انه يطلع البطاقة وينق... وغصب عليك بتدفع..!!!

يا اخي يكفي ان الموظفة تهتم بلبسة وشكله عشان اللي بتشوفهن كل صبح
واللي بالبيت ماغير حلا وفصفص ومتابعة هالقنوات.. وشوي وتصير زي هيا الشعيبي..!.!!

[الفتى السمنسي]

اقتباس:  المشاركة الأصلية كتبت بواسطة التنين الصيني     ما علمتهم ان المسيار مشكوك بصحته .... ؟ ! ..... المرأة الموظفة تصلح للرجل ذو الدخل المحدود .... فالوظيفة للزوجة سلاح ذو حدين .... سي يو ....

هلا بتنين قلبي ,
انبح صوتي وأنا أقول لهم (المسيار) مايجوز إلا إذا إكتملت شروطه ,لكن ماحولك أحد,
اهم شيء يلقى صدر حنون يضمه وماتشتغل زي زوجته اللي مشغوله ليل ونهار .
يقسم بالله رفيقي ,جتى الممارسه الجنسيه فقدت لذتها لأنها مرهقه ونفسيتها زفت هذا غير دفاتر الطالبات والتصحيح ورصد الدرجات والبزارين هايتين اللي نيم بالمطبخ واللي بالحوش يحوس بالوسخ وهي طاقتن نظاراتها تقل (بروفيسوره) .

[الفتى السمنسي]

اقتباس:  المشاركة الأصلية كتبت بواسطة مشاغبة     وظيفة الزوجة الاساسية هي زوجها وتربية اولادها... شكرا على طرحك فتى..

نعم هذه العبارة هي الصحيحة ولو طبقناها لخلقنا جيلا واعيا وراقيا وزوجا سعيدا لأن الزوجه في الأساس كما وصفها الله في القرآن بالسكن حيث قال جل وعلا (لتسكنوا إليها ) .
لكن الطمع وحب الفلوس جعلهم يفرطون بما هو أهم وهو تربية الأولاد والعناية بالزوج والبيت ,تلك هي وظيفة المرأة الأساسية . اشكرك

[طيرخير]

ماحدضربك على ايدك وقالك خذموظفه

[أشغلتموهــا]

ومن هي المجنونه اللي تبي تجلس بالبيت وتصير ربة بيت ولا تدرس ووتوظف
هذاك زمان اول يا فتى
الحين كلوه ينزل يشتغل عشان يجب فلوس ويصرف على نفسه وبدلل عمره
والشغاله موجوده
انت الظاهر دقه قديمه

[عاشق ديرتي بريده]

قرقر كثير مافيه فايده

كثير من الرجال متزوجين موظفات ومرتاحين مادياً وعاطفياً

وكثير من تزوج ربة بيت وبينهم مشاكل لان راتبه قليل وطلبات زوجته لاتنتهي !

[رمز الحياة]

الوضع الان تغير
المرأة هي اللي تشتغل والرجل هو اللي يجلس بالبيت ويربى الاولاد
يعني المفروض تتماشى مع العصر وتقول
من تبحث عن زوج (يسعدها ويدللها ) فلتتفضل هنا

[زمن الغرباء]

لا واللي والله يوجع القلب وشلون تضمن الخدامة وهي لحالها مع عيالها

لكن
المشكلة ان التعليم والمستشفيات
لازم يكون فيه حريم

بس المفروض يكون عمل ( المتزوجات ) مرتين بالاسبوع وساعاته قصيرة ( معليش يامعلمات )
خاصة اللي تكون متمرسة وتستطيع انها ترفع معاناة المجتمع سواء بطب او بعلم
لانه فيه حريم مو قصدها العمل قصدها اهم شي تطلع من البيت

واللي ماتزوجن والكبار شوي اللي عيالهن وازواجهن مايحتاجونهن كثير
يكون عملهن بشكل يومي

كذا يكون الوضع جدا ممتاز

تذكرت ام محمد السعوي امرأة كبيرة شوي في السن تطلب العلم كانت معلمة بدار الحكمة
تبارك الرحمن استفادت وافادت
وجدا متحمسة ونشيطة الله يثبتنا واياها


بالتوفيق

[أشغلتموهــا]

وابي ازيد
بأن ربة البيت لما يصير بينها وبين الزوج مشكله يطلع هو يغير جو وينسى وهي بالبيت تفكر بالمشكله يرجع تعيد السالفه من جديد لكن اذا موظفه تطلع تغير جو مع صاحبتها ترجع وهي ناسيه
يعني المراه اللي تطلع نفسيتها ازين من اللي بالبيت