يبــــه شلونك ,, ملل هالكـــون من دونك ؟؟ مرثيــه

& جمال الطفوله & · 25-06-06, 10:03 am

يبـه شلـونك
يبه شلونك...
ملل هالــكــون من دونك ..
يبه شلونك ؟؟
وتمضي رحلة الدنيا..بليا طلة عيونك..؟؟!!
يبه شلونك ؟؟
وشلون المرض وياك ؟؟
بعد ماهدك بدنياك..عساها تغمض جفونك ؟؟
تبي تدري عن احبابك ؟؟عن عيون تغنا بك ؟؟عن قلوب دفنها الشوق..واذا جاها الغفا جابك ؟؟..
يبه امي تخيلك دوم...تغني لك مع القمرا..
يبه واللي خذاك بيوم....خذا بنيتك بكرا..خذا.. وياماخذا.. وياما..خذا ناس يحبونك يبه حنا صرنا كبار..توفقنا وتخرجنــــــــــــــــــــــــا..

يبه ماعاد فيه صغار..
يموج بهالزمن كل شي..وحنا ماتموجنا..على ذاك العهد نسري..
نبيع العمر والدنيا..ولا تخلف بنا ظنونك يبه شلونك ؟؟تبي تدري عن اخباري ؟؟عن افكاري وتذكاري ؟؟
اشيلك داخلي جمره ..وبعيون الحزن عبره..
تغرقني ..
وتحرقني..اشوفك نجمة تجبر..مراعيها .. يراعيها..
واشوفك للرجوله اسم..اذا شد الزمن تقسى..واحلم من معاني الحلم..ا
حسك مقبل بكرى..وعيا لايجي بكرى !!
يبه تذكر زمان مر؟؟
يبه تذكر مجالسنا ؟
مقلطنا ومجلسنا ؟
وحارتنا ومسجدنا ؟
يبه تذكر هدايا العيد ؟
صلاة العيد؟
وبشت العيد؟
يبه تذكر سوالفنا ؟
لاجل هذا ..وكل هذا ..اقول اليوم يايبــه ..ملــــــــــــــل هالكون من دونكيبه وينك ؟؟
.... ولهت لنظره من عينك .... يبه وينك ؟؟ اشوفه طوّل غيابك !!
... و من ودّاك .... ما جابك !! قالوا ما يدوم الزين !!
... و انا عندي امل للحين .. و لكني اعرفك وين !! يبه وينك ؟؟ عسى الداعي يبه بس خير ؟!! عساك بخير .... مداين تكرم لعينك ... بس ارجوك علمني ... علمني .. يبه وينك ؟؟ سألت امي عن رجوعك ... ولا كني اعرفك وين !! و قالت .. ما يدوم الزين !! ... و انا .. عندي امل للحين .. في رجوعك !! .... يبه بس تكفى علمني .... متى رجوعك ؟؟ .... يبه بس تكفى علمني . وش احلى من طلوع اثنين ؟؟ طلوع الشمس .... و طلوعك يبه وينك ؟؟ سألت امي ...... غيابك طال ؟؟ ولا كنّي اعرفك وين !! و قالت مثل ما قالت .. حسافه ... ما يدوم الزين ... مع كل هذا صدقني .. انا عندي امل للحين !! سؤالي عنك يالوالد .. صار كما الموال و اشوفه طال ... والله طال .. حزين .. بلحنه و حروفه ... يخاف .. يموت من خوفه ... و قلب ٍ كان اقوى قلب ... ضعف .. من قسوة ظروفه .. يبه .. ارجوك علمني ... تشوف اللي انا اشوفه ؟؟ انا اشوفك نهار و ليل ... في وسط المجلس تصلي .. و تدعي الرب ييسر لي .. يبه .. ما عاد بي من حيل .. وين الحيل ؟؟ و انا اشوفك نهار و ليل .. مع اني ادري ما ترجع !! غريبه .. بعدها تدمع .. عيوني من هموم البين !! .... و ادريبه مكانك وين !! ... مع َ هذا .. ارد و اسأل !! يبه .... وينك ؟؟ و لا كني اعرفك وين !! شبكت العشر في غيابك ... على راس ٍ كساه الشيب .. و من وداك ... ما جابك .. و لا ادري وش يخبي الغيب !! ... و جرح ٍ عذ ّب احبابك .... يبه ..عيّا يخف و يطيب !! يبه.. كل جرح في الدنيا .. مصيره بالدوا يلتم ... و لكن البلا من جرح .. نزف فرقاك ... بليّا دم !! ... و هذا الفرق في جرحي ... عجز يلقا الدوا دكتور .. انا جرحي غريب الطور !!! ينزف ... بس بليّا دم .. و زاد الهم فوق الهم ... و دام انك يبه غايب ... جروح الغيبه ما تـلتم .. بس عندي امل للحين !! ... و لا كنّي اعرفك وين !! يبه .. ذكراك تفرحني .... في نفس الوقت تجرحني !! ... لا من جبت في طاريك ... دموعي غصب تفضحني .... يبه .. تذكر ليالي الصيف ؟؟ عرس الحي .. و رقص السيف ؟؟ و كرم قلبك معَ هـالناس .. كل ٍ كان في بيتك ضيف .. الا يا حيف .... الا يا حيف .. زمن قاسي .. زمن قاسي ... اخذ مني بلا رحمه ... اخذ مني اعز ناسي !! و خلاّ لي سهر هالليل .. في عيني ضيف .. الا يا حيف !! يبه وينك ؟؟ تعال و شوف ... كبرنا مثل ما تمنيت ... درسنا كل ما حبيت .. نصلي مثل ما وصيت .. و ندعيلك في كل ظروف .. يبه وينك ؟؟ تعال و شوف .. صحيح الدنيا ما ترحم .. تجرعنا التعب انواع ... و لكن الأمل ما ضاع .. و انا عندي امل للحين !! ... و لا كني اعرفك وين !! يبه تذكر شطانـتـنا ؟؟ انا و اخواني و اخواتي ... معانا عيال حارتنا .. نلعب في زوايا البيت .. يبه ... والله انا حنيت .. لذاك الوقت في وجودك ... الا يا ريت ... الا يا ريت ... ترجع .. يا يبه حنيت .. حسافه الدنيا ما ترحم ... خذت منا سعادتنا ... خذتك بعيد .. و خلتنا !!! يبه امي تذّكرنا ... بأيامك قبل ما تروح ... تناديها.. يا روح الروح .. تغازلها و تنظر لك .. مثل طفله ... ملامحها عشق مفضوح ... في ذاك الوقت .. كنا صغار ... معَ هذا ... كنا نغار .. عليها .. او بعد منها ... كنا نغار نحبك يا يبه ... ارجع .. مثل شمس الفجر .. اطلع حزينه الشمس في غيابك .. و نفس الحزن في احبابك .. واخاف الشمس من حزني .. تغيب و ما بعد تطلع !! .. يبه ارجع !! ... اذا لي خاطر فـ قلبك .. تعال و زورنا بس يوم ... مع انه ما يكفينا .. نشوفك يوم .. نبي حضنك يدفينا .. و نشوفك دوم .. لكن قلّت الحيله ... و يمكن مـ البطا ضاعت .. و قلنا يوم !! يبه سامحني بترخّص ... قبل ينشف حبر الأقلام .. كلامي بعده ما خلّص .. و لكن موعد الأحلام .. حان .. ولازم اوفي له.. بعد ما ضاعت الحيله .. اشوفك والوعد باكر !! اذا فكّر يجي باكر ..!! .. و برجع اسألك وينك !! بس لازم تجاوبني .. ترى عندي امل للحين !! .. و لا كني اعرفك وين ..!! يبه شلونك ؟ملل هالكون من دونكيبه شلونك ؟وتمضي رحلة الدنيا ... بليا طلة عيونكلاجل هذا ... وكل هذا ... اقول اليوم يابـيـي ملل هالكون من دونك ,,,,,,,,

منقووول النص الذي في الاعلى هو احد أجمل نصوص الشاعر مسفر الدوسري هي قصيدة كتبها رثاء بوالده رحمة الله عليهأنا حبيت أنقل لكم هالقصيده لأنها تناسبني كثيييييييييييييير

د . سداح · 25-06-06, 11:05 am

[align=center]يبه تذكر زمان مر؟؟
يبه تذكر مجالسنا ؟
مقلطنا ومجلسنا ؟
وحارتنا ومسجدنا ؟
يبه تذكر هدايا العيد ؟
صلاة العيد؟
وبشت العيد؟
يبه تذكر سوالفنا ؟
لاجل هذا ..وكل هذا ..اقول اليوم يايبــه ..ملــــــــــــــل هالكون من دونكيبه وينك ؟؟[/align]

[align=center]بنت الرياض

الله يهديك بس والله قلبتي المواجع صراحه كلمات مؤثرة

و الله العظيم دمعت عيني

مرت سنه على وفاة والدي

الله يرحمه ( و جميع موتى المسلمين )

و يغمد روحه الجنه و يثبته عند السؤال

و يوسع له في قبر

اللهم آآآآآآمين

بس إخترت هالكلمات اللي فووووق

لأنها فعلاً مؤثرة

لكن ما أقول إلا هذا حال الدنيا و كلنا على هالحال

يعني الدنيا ممر

و السعيد اللي يستغلها في عبادة ربه

ما أدري وش أقوووول

لكن بنت الرياض

شكرا على هالموضوع [/align]

[align=center]( بيني و بينك ليتني ما طلعت من منتدى السوالف !!! )[/align]

& جمال الطفوله & · 25-06-06, 11:19 am

ســـداح

مشــــــــــــــــــــــــــــــكووووووووووووور على المرووووووووووووووووووور

ولو الدمع يرجع موتانا كان من سنه ليل ونهار أبكي ..
والمفقوووووووووود غــــــــــــــــــــــــــــــــــــالي ,,,, بس لا مرد لقضاء الله

والله يرحم جميع موتانا ويغفر لهم ويسكنهم فسيح جناته ,,,

سداح ( ليش الدنيا مو كلها لعب وفرفشه ) ..؟؟؟

ومشكووور مره ثانيه على المروووور

زهور العمر · 25-06-06, 11:41 am

بنت الرياض مرثيه مؤثره فعلا

والله يرحم والدك وجميع موتى المسلمين0000

& جمال الطفوله & · 25-06-06, 12:17 pm

مشكوووره ياقلبي يالاميره قوت على المرووووووووووووور

اللهم آميــــــــــــــــــــــــــــــــــــن ...

الأميره الناعمة · 26-06-06, 05:22 am

صدق مرثيه مؤثره
وتدمع العين من كلماتها

لكن الله يرحم اموات المسليمن جميعا
ويسكنهم فسيح جناته

البراق999 · 26-06-06, 06:57 am

سلمت يمينك اختي بنت الرياض على هذه المرثيه المؤثره وتسلمي
دمتي بالف خير

خـــــــــــــــالـــــــــد · 26-06-06, 08:45 am

اختي بنت الرياض

رحل والدي منذ زمن بعييييييييييييييييييييييييييييد رحمه الله واسكنه فسيح جناته

لكنك اثرت الاشجان والاحزان بهذا النقل

فتى العالم · 26-06-06, 08:59 am

والله صراحة كلام مؤثر جدا

الله يرحم والدك والله يجعل فبره روضة من رياض الجنة

شمس الرياض · 26-06-06, 10:36 am

عزيزتي بنت الرياض

مااصعب فراق الاب وسئل مجرب

ماقول الا نقل رائعه ومؤثر

والله يرحم والدك والدي وجميع المسلمين

قولي امين بقوووه

مستر كليجا · 26-06-06, 01:25 pm

يبه واللي خذاك بيوم....خذا بنيتك بكرا..خذا.. وياماخذا.. وياما..خذا ناس يحبونك يبه حنا صرنا كبار..توفقنا وتخرجنــــــــــــــــــــــــا..

مررررررره مؤثره ..

يعطيك العافيه اختي ..
وننتظر المزيد..