أقتباس :
عادل الحبيتر
البيت هذا حده نص ساعه وتكون الظهر بعز القوايل
تخيل انك قاعد باليل ويويز احد مع الدريشه ماتدري منهو خخخخخخخخخخخخخ
والله يانا اببتل اركض وادعي عليك
ههه بالعكس .. الظهر يبي يكون حر بعز القوايل .. وكود ما تقوم من المكيف الصحراوي .. وزينة البيت الطين بالليل .. علشان لو طلع جني ما تقدر تنحاش منه ههه
**********************
* الندم من صفات الشعر الأبيض ..!
* السعداء متشابهون , أما التعساء فعلى كل لون ..!
**********************
الأجيال القادمة تختلف كثيرا عن الأجيال السابقة .. وكل سنه تختلف عن السنة السابقة عند الناس ..
أخطر مرحلة في حياة الأنسان . هي مرحلة المراهقة .. في هذه المرحلة تحصل أشياء كثيرة سواء للشاب أو الفتاة .. بحيث أن أي شئ يسويه يسويه من غير تفكير بالعواقب .. في هذه المرحلة . ربما يواجه المراهق مصير مجهول في حياته .. لكن عندما يجتاز بسلام مرحلة المراهقة يكون بذلك قد نجا من العواقب .. في فترة المراهقة . تجد الشاب يخرج الى الشوارع ويمارس التفحيط . وتجده يجالس أحد الشلل وربما تكون شلة فاسدة ومنحرفة . وبذلك يكون قد يمارس أفعال سيئة .. وكثيرا من الشباب المراهقين . ماتوا أثناء ممارساتهم للتفحيط .. وكثيرا من الشباب تعرف على شلة فاسدة . وأصبحت يده خفيفة بالسرقات .. والمراهق عندما يسقط في مستنقع الأنحراف في بداية حياته . فحتما سوف يستمر أنحرافه عندما يكبر .. ولا ننسى أن لتربية الأسرة لها دور ...!
**********************
أشياء مستغرب منها .. وهي الأحكام الذي تصدر من بعض القضاة .. وأنا بدأت أسترجع بعض الأحكام الذي صدرت على بعض الناس .. لأن عندنا في المحاكم لم يطبقوا الأحكام الشرعية تطبيق صحيح .. وأصبحت الأحكام تصدر على حسب ما يراه الشيخ ...
أضرب لكم مثل .. تلاقي واحد دخل للبقالة على أنه يبي يشتري شئ . ثم يسرق ويمسكوه .. ثم يحكم عليه الشرع بالسجن لمدة سنه .. مع الجلد
وعادي تلاقي واحد في مدينة أخرى تلاقيه سرق مثل طريقة سرقت الأول .. ثم أذا مسكوه يحكم عليه الشرع بالسجن لمدة شهرين .. مع أنه طريقة سرقته مشابهة لسرقة الأول ..!
وكثير نقرأ في الجرائد .. أخبارا لبعض المختلسين اللي قضاياهم أشتهرت . تجد أن القضية تستمر لسنين وهم لم يحكموا عليها .. ثم أذا حكموا عليه تلاقي الحكم سجن سنه أو سنتين مع أن الحكم المفروض يكون أشد ..
وعادي تلاقي الواحد يختطف ويغتصب سواء شاب أو فتاة .. ثم أذا مسكوه تلاقي يحكموا عليه بالسجن لسنة أو سنتين . ثم أذا جاء رمضان يجيهم العفوا ... وبالمقابل لو ودينا القضية لشيخ أخر تلاقي حكمه بالقضية تختلف عن الشيخ الاخر ..
وأنا أبضرب لكم مثل اخر وأوضح لكم أن الأحكام الشرعية لم تطبق بالطريقة الصحيحة ...
* قضية الشاب اللي يدخل كل يوم لمطعم وياكل من عندهم . ثم ينحاش ولا يدفع فلوس الأكل ..
* وقضية الموظف اللي لقوه بالصدفة أنه مختلس عدة ملايين من جهة عمله ..
بالنسبة لقضية الشاب اللي يدخل للمطاعم ويأكل ولا يدفع الحساب .. يوم مسكوه حكم عليه الشيخ بالسجن لمدة سنتين ..
وبالنسبة للموظف اللي أختلس عدة ملايين من جهة عمله .. يوم مسكوه حكم عليه الشيخ بالسجن لمدة ( 6 ) أشهر مع إرجاع المبلغ ...
أحكام تضحك .. وتخلينا غير واثقين بما يصدر من أحكام ضد من يخطأ ..
أذا بغيتوا تتأكدون من صحة كلامي .. أبي كل واحد منكم يتذكر قضايا متشابهه مرة عليه ويشوف أيش الاحكام اللي صدرت .. ومتأكد أنكم راح تشوفون أختلاف كثير بالأحكام ..
فيه ناس تقول هذا القاضي ابخص مننا بالأحكام الشرعية . وهو أذا أصدر حكم ضد أحد يصدر على حسب ما يراه الشيخ .. لكن أقول أنا هي ليست الأحكام على حسب ما يراه الشيخ .. لكن الأحكام الشرعية هي أحكام واضحه وصريحة من القران والسنة .. لأن الأغلبية بأحكامهم الشرعية لم تطبق الشريعة بالتطبيق الصحيح ..
ومن الأمثلة تلاقي واحد يعطي واحد شيك بدون رصيد . ثم أذا قدم شكوى ضده تلاقي قضيته تستمر كثير ولا يحكم حكم رادع ضد من يصدر شيك بدون رصيد
لكن في الدول الأخرى أي واحد ما يقدر يتجرأ يصدر شيك بدون رصيد .. لأن بعض الدول الأخرى عقاب من يصدر شيك بدون رصيد . عقابه السجن لمدة ثلاث سنوات ..
الدول الأخرى تلاقي كل جريمة لها مدة معينة بالسجن . لا تزود ولا تنقص ... لكن لو أحنا مشينا بأحكامنا الشرعية لأصبح كل شئ واضح من ناحية الأحكام الشرعية ضد أي جريمة ..!
************************
اللي بالصحن فوق يمين .. اللي جاية على شكل مثلث .. ما توقع أنه فيه أحد يعرف أيش نوع الأكله .. ولو قلت لكم أيش هي راح تستغربون . لان شكلها صاير تختلف عن شكل اللي نسويه حنا .. أنا أكلتها قبل فترة .. الصراااحة رووعة .. وهي أكله مو أكله سعودية .. لكن أغدين أعرف طريقة تصليحها . علشان أسوي مثل الأكله ذي ..!
************************
وين فلان .. والله فلان سافر الى بلاده اليوم الصبح .. ليه ليه .. يبي يروح يصلي على زوجته لأنها ماتت .. طبعا هذي سالفة واحد أجنبي من أحدى الدول العربية .. سالفته .. كان جالس بالليل مع أصدقائه يكلم زوجته بالجوال . وزوجته طبعا في بلادهم ,, وكان منسجم معها بالسوالف .. وكان يقولها .. أيش تبين أجيب لك أذا سافرت لمك بعد أسبوع .. ولما أنتهت سوالفهم .. كمل جلسته مع أصدقائه .. ولما جت الساعة ( 12 ) بالليل نام .. واثناء نومه رن جواله الساعة ( 3 ) بالليل . ولما ناظر لقى المتصل هو أخوه .. ولما رد عليه .. قاله أخوه تراه زوجتك تطلبك الحل لأنها ماتت بالسكته القلبية .. هم عجز يتمالك نفسه ولما جاء الصبح عالطول حجز لبلاده وترك أغراضه . وصار وفاتها وفاة طبيعية .. لكن فعلا راح يتأثر كثير بوفاة زوجته .. لأنه كان يكلمها ويضحك معها قبل وفاتها بساعات ..!