سجل حضورك ببيت من الشعر

[النغم الحــزين]

اترك غلاك ياحبيبي على جنب

غير الغلا تعجبني بزود طيبك

كلك على بعضك تجنن وتنحب

حظي كبير اللي جعلني رفيقك

مااقول غير الله يخليك بااارب

ويعمي العيون اللي تحاول تصيبك

[الفتـ الذهبي ـى]

ماكنت أحسب الصدق ساس الخطايا
ألين شفته في ذرى الكذب مصفود

وقتٍ به الطعنات مثل الهدايا
ورفض الهدايا شرع ماهوب محمود

أتعبت رجلي بدرب حسـن النوايا
وأتلى التعب لوحة بها قف ومسدود

ياصاحبي لاصـرت كلي شظايا
وشلون تلقى ظلي بالارض ممـدود؟ " !

[& جمال الطفوله &]

اذا قصدك تعذبّنـي فديتـك ريّـح اعصابـك
تراك فناظري اصغر من انك تحرق اعصابي

[إلينـ اليوم]

دير بالك على حالك عسى دنياك تحلالك
واذا بتطول الغيبه فال الله ولافالك

[& جمال الطفوله &]

شفت وشلون خلق الله تحب الكلام
قلت لكـ لا تصدق حكيهم ماقتنعــت
لين ضيقت صدري بالعتب والملام
وانت ياما حكولي عنكـ وما سمعـت
جيتني وانت ودكـ بالزعل والخصام
باين الي يبي السبه ولو مندفعــــت
غيروكـ العواذل .. طعتم يا حرام
عقب ما كنت مقبل بالمحبهـ رجعـــــت
خلهم ينفعونكـ لا تزيد الأتـــهام
من عرفتكـ مضرهـ وانت عمركـ نـفعـت
وين كلمت احبكـ وين ذاكـ الغرام
ليش نزلت قدرت عقب منت ارتفعـــت
آآههـ ياقو قلبكـ لكـ عيونـ(ن) تنام
تجرح الي يحبكـ بالكلام وقــــطعــــت
كان لكـ قدر عدي انتهى والسلام
غـلطـتـي جـيـتـكـ يلي بالمحبه وضعت

[إلينـ اليوم]

كثيـر اللـي يخـون الــود ويعـنـي لــو تخونيـنـي
أنـا أدري وش ضيعنـي شعـوري وطيـب نيّاتـي

لعبتيـهـا معـايـه صــح عرفـتـي كـيـف تنهيـنـي
عرفتـي للأسـف وشلـون أبــدأ فــي نهايـاتـي

تعالي وإحسبـي ويـاي .. بكـم مـرة جرحتينـي
وربـي مـا عرفـت أرتـاح وينـي وويــن راحـاتـي

إذا بــه جــرح ناسـيـتـه جـديــد ولا هديتـيـنـي
وفيـتـي وحـيـل كفيـتـي تفنـنـتـي بصـدمـاتـي

طرفت العين بصباعـي صحـت وقلـت يـا عينـي
تبيـن أقطـع يـدي مـن شـان ورتنـي معانـاتـي

تبين أضحك على نفسي وأقول إنك وحشتيني
صحيت وصار من حقـي أراجـع فـي حساباتـي

وعـدت وليتـنـي مــا جـيـت الله كــم بهرتيـنـي
طــرت وكــن هالعـالـم ولا شـــي إبـمـداراتـي

همـت بوقتهـا والـنـاس مــدري وينـهـا وويـنـي
مشيـت لخاطـر العشـرة لأبعـد مـن مسافاتـي

أنـــا أدري ويـــن هـالأيــام والطـيـبـة تـوديـنـي
على الله تضحك الدنيا وتصـدق بعـض هقواتـي

[& جمال الطفوله &]

الله معك .. ماعاد لك في فوادي
ذرة غلا .. مالك سوى جرحك الني !!
بنساك .. والمعذار ( كبوة جوادي )
وبستأصلك .. واطويك من واقعي طي !!

[إلينـ اليوم]

كبيـرة حيـل فـي حقـي طفلـة ولعـبـت فيـنـي
ولكـن وش نقـص أو زاد غلـطـة فــي ملفـاتـي

خسـرت وهـذي الدنـيـا ويعـنـي لــو تخونيـنـي
أجل بعدين كيف أربح لو ما أحسـب خساراتـي

[& جمال الطفوله &]

لا صد عنك من توده وجافاك ... خله وجازه بالجفا مثل صده
خلك عزيز النفس والعز مأواك ... وكلن عطه تفصيل ثوبه بقده
خص الرفيق اللي إذا جيت حياك ... وان غبت عنه ياصلك بالموده

[ŋŌuƒ]

الله يوفق مثلك الله يخليه.
........................كانك نويت الصد والهجر وياه

غالي ولك بالقلب شي ومخفيه
.......................اكبر من اللي بالضماير تهقواه

في غيبتك قلبي ترى الهم صاليه
......................واسهرت ليلي بين ونه وويلاه

البارحه طيفك مع الليل احاكيه
......................يشهد علي الليل والنجم يصغاه

فكرت ويا الليل مبدع قوافيه.
.................. ...مسحوب طرقي والقوافي تقفاه

والحزن فوق القلب والهم مقفيه
...................و ليلي غدا ليلين والصبر مقواه

اكتب شطروالشطر الاخر نجاريه
........................شاعر تحد ه والليالي توطاه

اجزل بيوت الشعر وحكم معانيه
......................ولا هزيل القاف واضح ثناياه

ياللي حرقت القلب منهو يطفيه
.....................النار نار ٍ تتعب القلب واحشاه

يا مانسيت اللي من الناس نغليه
........................ولاعاد به شي ليا حل طرياه

[سيــ بريدة ــف]

تفضل اجرح مادام اسمك مجرحنـي
تفضل اجرح شعور وقلب محبوبـك
كان الوفا ذنب فاجرح يـا معذبنـي
انا خطاي الوفا والشاهـد دروبـك
تهدّ عرش الغلا وأثر الوفـا يبينـي
وأسري مع خافقي لاجل الوفا صوبك

[& جمال الطفوله &]

فمان لله سافر لنصيب وديرة المقسوم
فمان لله سافر للحنين وحلل اشواقي
فمان دموع عيني والغرام وحبك المرسوم
مثل نقش الحجر في وسط قلبي

[النغم الحــزين]

[align=center]
ياااه..كل هذا الموت فيك وانت حي؟..
ليه ساكت؟ياخي قل لي اي شي..
قبل تتقفل في صوتك كل ابواب الكلام..
وينفتح جرح في قلبك يستفزك للسلام..
السلام اللي يودي ومايجيب..
غير نفس كل مااشرق همها..عيا يغيب[/align]

[ŋŌuƒ]

خلي هجرني تكفى ياموت زرني
وان ماقدرت دلني مكانك وانا اجيك

مابي حياتي دام خلي هجرني
مابي حياتي دامه يقول مابيك

يدري بظلم الناس يدري وظلمني
واكد كلام اللي يقولون ناسيك

لكن قبل لاتاخذ الروح مني
باسأل حبيبي كم سؤال واخاويك

وشلون قلبك ياحبيبي تركني
وتد ري بخفوقي كم له سنين هاويك

وماتدري بعادك وصدك ذبحني
وما تدري عن دمع نثرته وانا ارجيك

اسال جميع الناس وش صار عني
اسال وش اللي صار في حال مغليك

لوعلموك وش كثر همي وحزني
من يوم حبي انتهى وصار ماضيك

لو علموك عن قلبي اللي يوني
مطعون يصرخ يشتكيلك يناديك

لو عاش عاقل عيشتي كان جني
حالي لو تشوفه بعيونك يبكيك

صار الحزن هو لعبتي صار فني
ابكي ندم والله الى حل طاريك

ضيقت صدر ويا الهموم اسكنتني
احكي واكمل ولا ماقلت يكفيك

اللي سمعته بسبتك انت جتني
عطيتني كرهك وانا الحب معطيك

ضاعت سنيني وانا بالحب أبني
قصوور وانهدت سبب فعلت ايديك

جاك الوفا والحب والعشق مني
حتى الوله والشوق والصدق معطيك

قلبي وفالك وانت قلبك خدعني
خدعت قلب كان بالحب شاريك

بكذب وخيانه وغدر قلبك حضني
في وقت قلبي فيه يسهر يداريك

ماكنت أظن قصدك بحبك تذلني
ذليتني من بعد مامت انا فيك

هذي حقيقة بعض مامنك جتني
وبعض اللذي اسقيتني انت با ايديك

ماكنت ساكت خايف بس لاني
ميت بحبك ما أقدر ازعلك واشقيك

حرّمت اقولك من محبتك عطني
مادام غيري في محبته مرضيك

ببعد بعيد واوعدك ما احني
ابشر اببعد ومع حبيبك بخليك


وبعده تجي وتقول حبيبى
وروحى وقلبي وكلي لك بس

اعذريني ؟؟!!
وردي لا ...ولالي خلقني عزيزة


خلصت هرجي الحين ياموت خذني
تاركلك الدنيا بها الله يهنيك

واذا سأل في يوم انا انسان عني
قله توفى والسبب طعن بيديك

[& جمال الطفوله &]

يلي على فرقاي تعطى البشاير++++ ابشرك فرقاك عندي بشــــــــاره

ترى غيابك ما يحمل خســــاير++++ اصغر خساره عند راعي تجاره