سجل حضورك ببيت من الشعر

[الفتـ الذهبي ـى]

كان المسافة ترفض إني أشوفك
خل اتصالك غصب عنها يجيني
وكان اتصالك تمنعه ظروفك
يكفي رسايل شوق بينك وبيني
وإن كان مالي حظ حتى بحروفك
خلك بعيد ومسكنك وسط عيني

[بريداوية وأفتخر]

××

جايز انك في غيابي تقلب الدنيا علي
بس انا من قبل اعرفك قالب الدنيا عليك،،!

××

[الفتـ الذهبي ـى]

كل الوجود أنساها لاصرت وياك ؟ وتتصور إنك كل شيء بحياتي
أفرح بذكرك كيف لاصار لقياك ؟ تصفالي الدنيا وتضحك شفاتي
حبك تجسد في حياتي وذكراك ؟ طول العمر بأهواك حتى مماتي

[المخمليه]

وكلّك يابلد كنتي ملامح
كنت كلّي عيون
كبرتك : صعبي وسهلي
كبرتك : وحدتي واهلي
تشخبطتك
قريتك
لكن الأجمل :
( تعلمت بترابك يابلد جهلي !! )

[’ ŚĀM]

بالك تماشي واحد لك يرديك =طالع بني جنسك وفكر بممشاك
رابع اصيل في زمانك يشاكيك =والى شاف خملاتك عن الناس غطاك

[سيــ بريدة ــف]

على بالي طريت وكيف ماتطري على بالي

وأنا اللي مستحيل أنساك في حلك وترحالك

على بالي تجي غالي وترحل دائمـاً غالـي

عزيزٍ عزك المولى وصار العـز مدهالـك

تدلل دامـك الأول ودامـك يابعـد حالـي

وهبك الله مشاعر مـن تخيـرك وتعنالـك

تعال ولايهمـك هـرج عذالـك وعذالـي

تعال اجلس قبالي لاتكـدر صاحبـي بالـك

ترى ماكل شخص استقبله وأشرحله أحوالي

ولا كل البشر عندي مثل قـدرك ومنزالـك

[™ Miss 7oor ❤]

لي سالفه مع صاحبي فيلم هندي

دايم وانا وياه فهواش ودموع

وده يسامرني على تيس مندي

وانا رقيقه ودي بأزهار وشموع

[بريداوية وأفتخر]

يابايع الرفقة ترانا غنين

...........................عن كل من شاف نفسه وقفى

الي يبينا مرحبا فيه وإهلين

............................. والي يقفي حاسبينه توفى

[™ Miss 7oor ❤]

ابكي على فرقاك مثل الوراعين

لامروا الدكان واسرع ابوهم

[’ ŚĀM]

لو كان الاول يغيب ويغني الثاني
ماكان بين الغرايز رغبة وشفا

[المخمليه]

ليه مستغرب ؟ عشاني جيت حافي !
........ انطبخ راسي .. قبل تطبخ [ رجولي ] ..!


اي ضربة شمس .. يا عمّي عوافي
....... زين قادر .. اصلب من الهم .. [ طولي ] !

[جناان]

من راح يستسلم من أحزان وهموم..
يموت حي وحاجته ماقضاها..
واجه هبوب الوقت بإيمان
وعزوم..
لابدماربك يهدي هواها..
وأصبر إذا شمسك حجب
نورها غيوم..
الغيم يتفرق ويشرق سناها

[& جمال الطفوله &]

صحيح قلوبنـا،، تعبـت ولكـن ][اجمـل التعذيـب][..

عذاب اغلى البشر،، لاصرت ][تتعذب][ لراحتهم..

[سيــ بريدة ــف]

لا تستحي من ضمّة الرّوح للرّوح

دايمـ يضموّن الحبايب حبايب

هي لهفة(ن) فيها الغلا دومـ مسموح

حتّى ولو كانت من أشواق ذايب

ضمّة غلا ماهي تعابير ومزوح

لا تحسب إن ضمّة غلانا مصايب

لو تكسر ضلوعكـ بتحيي بكـ الرّوح

صدّقني أدري في ألمها عجايب

[المخمليه]

كلن يشوف الناس في عين طبْعَـه
وأناْ بعيون الناسْ اناظـر لطبعـي
وكلن يقيس الحزن في حجم دمْعَه
وأنا بحجم أحزاني آقيـس دمعـي
وكلن يعيش الحب في حسْب شرْعَه
وأنا أعايش حبي ابحسْب شرعـي
والكل يوقد لا فـرح ضـو شمْعَـه
وأناْ اوقد الفرحة على ضو شمعـي