’’’كشف الطبيب على المرأه ’’’

[فديكا التميمي]

اقتباس:  المشاركة الأصلية كتبت بواسطة عاشق الخير     8 8 8 فديكا ممكن تبينين الضروره بالولاده الي يخليك تطلبين الدكتور اللي ترتاحيله .. وما هي الضروره بالنسبه لك ؟؟

شف والله الدكتورااات دبش ويولدن وايدينهن اتنااافض واذا بلشت والا تأخرت الولاده نادت دكتووور هذا هرج امي انا للحين ماجربت
هذي به حياة وموووت والله اجيب الدكتور وعيونهم طايره اهم ماعلي حياااتي اخااف لاطلعت القى مقص بمصراني وبعدين يالله يدهرون بي مرتن ثانيه.....
اي شي يحتاااج ادهااار افضل دكتور ...

[كنعان الرياض]

لا ارى مشكله اذا كان محرمها معها تكون طبيبه او طبيب ترا بعض الطبيبات خسيسات بعد

[لمعةالألماس]

اقتباس:  المشاركة الأصلية كتبت بواسطة فديكا بريده     بالعكس اهم شي الولاااده يكون رجل اجل اخلي دكتوره ماتدري وين الله حاطه واذا ابلشت نادت الرجل...اطلب الرجل وطلبيه بعد مااحتريهم .....

>> أنا عكسكـ تماما

أرفض الرجل يكشف علي (كشف نسائي) مستحيل

حتى لو يوافق زوجي وأبوي ...!! أنا أرفض

وحتى لو حلال ,,, حيائي واحتشامي يمنعني....



....وأخيرا كل شخص له أختيار واسلوب يرتاح فيه

[لمعةالألماس]

أها فديكا بريدة << ما تزوجتي

إذا تزوجتي وولدتي لنا لقاء معكـ بنفس الموضوع حتما ستختلف نظرتكـ عزيزتي....

[فديكا التميمي]

اقتباس:  المشاركة الأصلية كتبت بواسطة @جمرة@     أها فديكا بريدة << ما تزوجتي إذا تزوجتي وولدتي لنا لقاء معكـ بنفس الموضوع حتما ستختلف نظرتكـ عزيزتي....

وش يتغير لاتزوجت هي هي نظرتي للدكتور انه افضل بمليون مره عن الدكتوره؟؟وهالشي نفسي تقريبا خلاص انا حاطه ببالي ان ماارتاح الا بكشف الدكتوور خلاااص ماراح يقنعن غيره...

[سهاد]

اقتباس:  المشاركة الأصلية كتبت بواسطة فديكا بريده     ايه اطلبوووه الحين الوحده تطلب اللي تبي وترتاح له... ايه تقول امي تطرشين ويطلع البزر خخخخخ اعنبو بليسك تراااي طعره لاتحسبن بزقه مع الي هوهه ان بغى من اصاابعي دكتور يعني دكتووور الدكتوره بوفره لغيري... ايه انتبه خلك على الثنتين لايجيك اهبل منهن يشيبن براسك...

ههههههههه ..يقطع شيطانك لا ياالطعره أنا مااقبل برجل ...
طردت الرجل يوم لمحت زوله بس بالحلقه الأخيره ناديته وقعدت اصوت له بعد خخ
الشكوى لله
مشكلتنا انهم يغصون بالماء مثل ماقلت قبل ويجرعون ابو سنامين
وهذا دليل
بقسم الولاده موجود رجال دكاتره مايسألون اساسا ولايشكون بعد مايعرفون
ولايرضون يودون زوجاتهم لخاص حتى مايدفع فلوس
ويوم وقفت على الكشف التافه يخطرف لهم <<ياقدمه هه

لابأس ان كان على سنع ..

[سهاد]

اقتباس:  المشاركة الأصلية كتبت بواسطة العالميه     من تجربتي جربت طبيبات عيون (الله يستر عليهن ) يتعلمن وجربت طبيب واحد بس ياسلام عليه وسعودي بعد ولحيه وسنع (الله يحفظه) شكرآ لكـ هموووسه

صدقتي الرجل تحسين انه واثق وهو يشتغل وتطمنين له اكثر
وشلون لاصار لحيه وسنع يالله من فضلك <<محرومين خخ
مشكوووره

[لمعةالألماس]

اقتباس:  المشاركة الأصلية كتبت بواسطة فديكا بريده     وش يتغير لاتزوجت هي هي نظرتي للدكتور انه افضل بمليون مره عن الدكتوره؟؟وهالشي نفسي تقريبا خلاص انا حاطه ببالي ان ماارتاح الا بكشف الدكتوور خلاااص ماراح يقنعن غيره...

يا أخيتي أنت ما فهمتي قصدي .!

ما أقصد من أفضل بالكشف العادي أسنان أو حلق أو عين

أنا أعني(الكشف النسائي) طبعا ماراح تعرفينه الا إذا ولدتي يا حلوة .!



....................... وليس من يرى كمن يسمع.
وتشكراتي لكـ

عفوا همووسه خطمنا عليك.!!

[≈ Śķőőŋ »]

انا اراجع عند دكتور للجلديه وين المشكله فيه عادي جدآ

ادخل والوالد معي جالس واحيانآ اخوي ..


شكرآآ همووسه

[فديكا التميمي]

اقتباس:  المشاركة الأصلية كتبت بواسطة @جمرة@     يا أخيتي أنت ما فهمتي قصدي .! ما أقصد من أفضل بالكشف العادي أسنان أو حلق أو عين أنا أعني(الكشف النسائي) طبعا ماراح تعرفينه الا إذا ولدتي يا حلوة .! ....................... وليس من يرى كمن يسمع. وتشكراتي لكـ عفوا همووسه خطمنا عليك.!!

لا يااحبيل قلبتس فاهمه عليتس((امثال عصمت واحلااام خخخ))
<<<بتوع الكشف المشهورات...
بهالكشف اكيد بتفضلين مره
قاضين منه وبعدين هذا كشف عادي مافي خطوره...

[سهاد]

اقتباس:  المشاركة الأصلية كتبت بواسطة ابو ريما الخالدي     لاأجد حرجاً في أن تكشف زوجتي لطبيب في مرحلة العلاج والاسلام أباح المحظورات والحجاب عليه خلاف والاسلام دين يسر وهذا الامر علاج يعني فيه صحة وعافية لزوجتي واذا تركتها سوف أخسرها والمسألة مسألة عقول وفهم للأمر لامسألة دين أو تقوى أنما مسألة عيب وقول(كنيبه تكشفين ويشوفك ) فمتى أرتقينا بعقولنا وفهمنا الامر بشكل واضح وكنا أشخاص متحضرين و ننظر الى الأمام لا الى الخلف أصبحنا في المقدمه أذكر في أحد المرات حصل لزوجتي الالم في بطنها فمن مستشفى الى أسعاف الى مستوصف أهلي بدون فائدة الالم تزدد يوم عن الاخر ولاأجد تحسن واضح حتى قيد الله لي شخص نصحني بذهاب الى أحد المستوصفات الاهلية والذي يوجد فيه طبيب مشهور دخلت عليه و شرحت له كل شي فقال لي يجب أن أفحص زوجك لأأري هل هذه أعراض الزائده فقلت له توكل على الله فقام بعمله أمامي فلتفت لي وقال بسرعه أذهب بها لى الاسعاف فزوجتك تشكو من الزائدة وهي في مرحلة خطيرة فذهب الى المستشفى وتم أدخلها غرفة العمليات وخرجت بصحة وعافية وحمدت الله أني وصلت بالوقت المناسب ولوأنا رفضت لاكانت زوجتي في رحمة الله رغم أن زوجتي رفضت في البداية أن يقوم بالفحص الذي لايتعدى تحسس منطقة الالم من خلف العباءه لاكني طلبت منها ووافقت وهي غير راضية وبعد أن خرجت وحست بالعافية قالت لي الحمدلله الذي عافاني والحمدلله أنك أصريت علي أن أقبل بالكشف وأعذريني أن أقول لك أن زوجك معقد الى درجة كبيرة

ماشاء الله تبارك الرحمن <<منبهره من ردودك
اخوي اهني زوجك بك وأهنيك بأفكارك ومرونتك وتفهمك للأمور من عدة زوايا
الى الآن احس انك ماانت من اهل الديره هه
صراحه ماأقدر اوافقك انه معقد لأن أكثر الازواج نفس تفكيره
هل يعني انهم معقدين ؟!!!!! صعبه شوي
ولأني كذلك اشوف انه يتميز عن غيره بأمور كثيره يعني يعتبر من أفضل الموجود تقريباً
الله يخليك لهم ويخليهم لك
أشكرك

[العباس الشنقيطي]

يوم كانت المره حامل بولدي الدلخ الثالث
رحنا لأكثر من مستشفى مابين حكومي وخاص
وكلهم قالوا لازم الولادة تكون بعملية قيصرية
والسبب ان راسه حالف يمين ماينزل تحت
( ناشب فوق )
طبعا المره نفسيتها تعبانه واخلاقه h
فقلت تدرين مالنا غير الدكتور محمد خان
(برفسور سعودي في مكة عنده عيادة خاصة)
قالت يالله مشينا وأمرنا لله
والله ياجماعة الخير اني جلست اوسوس
والشيطان يقرقر على راسي
انت خبل انت ماعندك غيرة انت مجنون
خلها تولد بقصرية وش عليك منها..الخ
المهم
يوم قصينا تذكرة الكشفية ودخلنا عليه
طلب من الممرضة انها تسدحها على السرير
وتجهز مكان تواجد الدلخ
(طبعا بحضوري)
لكن الشيطان مافكني من الوسوسة
فجلست اغطي المره من هنا ومن هنا
والممرضه متعجبه مع انها مغطيتها تمام
لكن لقافة مني وشدة غيره حشرت نفسي
المهم
جاء الدكتور وقال بسم الله الشافي المعافي
قلت في نفسي اشوه الدكتور فيه دين
بعدها جلس يحرك الجنين وهو في بطنها
لحد مانزل راسه تحت بعدها قال بلهجة حجازية
اهو يابنتي سنترنا الراس في الراجحي سنتر<<مكان العيادة
بعدها كشف عليها بالتلفزيون علشان تتطمن
وقالها يالله الحين بعطيك طلق بسيط
تروحين المستشفى تولدين
والحمد الله ولدت بدون قيصرية ولا شيء
بفضل الله ثم بفضل خبرة ها الدكتور

خلاصة الكلام
كلنا بنغار على محارمنا لكن الضرورة تبيح الممنوع
أنا اقول الضرورة أي اذا استدعى الامر ذلك

[عاشق الخير]

اقتباس:  المشاركة الأصلية كتبت بواسطة العباس الشنقيطي     خلاصة الكلام كلنا بنغار على محارمنا لكن الضرورة تبيح الممنوع أنا اقول الضرورة أي اذا استدعى الامر ذلك

يغلق الموضوع للوصول للهدف المنشود منه خخخخخخخخخخ

يسلم بؤك يا ابوالدلخ..

[العباس الشنقيطي]

اقتباس: وأعذريني أن أقول لك أن زوجك معقد الى درجة كبيرة

عجيب الرجل اذا غار على محارمه اصبح معقد؟!
أنا أقدر أخلي الدكتور يكشف عليها
لكن قلبي ياكلني اكل ومولع
لأني مضطر،صدقني اذا الشخص حتى وهو مضطر
ماغار على محارمه هذا عنده خلل وظيفي

[سهاد]

اقتباس:  المشاركة الأصلية كتبت بواسطة رمانسي     الشيء بالشي يذكر والله بعد انا احب للي تكشف على امرأة لاني اشوفها الطف وارق وارحم من الرجل النغل بعد خاصة لمايكون تدليك للجسم >>هع هع لاتصيحين كل يختار اللي يرتاح له >>هع هع شكرا لك همووووووووووووووووووسه

خلاص كل واحد ينام على الجنب اللي يريحه
اهم شيء لاتوقفون لنا بالمرصاد خخ
عندك استعداد تخلي زوجتك يكشف عليه دكتور ؟؟
اذا كذا نكون متفقين
وخله تدلكك لين تطقق ضلوعك هه
الله لايحيج الا لوجهه
مشكوووووووور