مــدونــــــة & حــي المــنــتـــزة & المــتـــواضـــعـــة

[حي المنتزة]

ترانا حاجزين بنتكم ريم لولدنا عبدالجبار !!

والله يابعض الناس ماعندهم ماعند جدتي منيره الله يرحمها

اول مايشوفون البنت تدخل الجامعه الا وتبدأ الحجوزات تنهال عليهم

حتى يختارون اجمل فتاة علشان يزوجونها ابو سنون طالعات هههههه

لحظه لحظه ياناس لابد من التوافق بينهم
يعني الوحده اذا صار اسمها ريم تصلح لواحد اسمه وليد او بدر او احمد او ريان

وعبدالجبار تصلح له البنت اللي اسمها فاطمه او ابتسام او بدريه

كذا يصير تناسق بينهم ولا احد يتطنز باسم الثاني لاطاح اللي بالراس !!

[حي المنتزة]

طيب نفرض ان عبدالجبار تزوج ريم
عبدالجبار لازم يدلع ريم ويقول لها (( ريومتي ))
طيب ريم كيف تدلع عبدالجبار ؟؟!
اهااا الحين طلعت المشكله
لان عبدالجبار يبي يزعل ويقول ليش ماتدلعيني زي ما ادلعك ؟

طبعاً كلكم الان جالسين تفكرون باسم عبدالجبار كيف يدلّع ..

الحل عندي
يروح عبدالجبار لأقرب مكان للاحوال المدنيه ويغير اسمه
من عبدالجبار الى بسام علشان تدلعه ريم (( بسومي ))

ويستانسون كلهم ويجيبون عيال وبنات

هنيالكم والله

<<< استانست كأنه صدق ههههههههه

[حي المنتزة]

منيره حبت ولد جيرانهم الدحمي
وقرر الدحمي انه يجي يخطبها من ابوها

طق الباب وسلم على الابو وحب راسه ودخل بالمجلس

[حي المنتزة]

الى الحين منداخل اذا طلعوا علمتكم !!
ههههههههههه

متحمسين شكلكم :-)

[حي المنتزة]

منيره قاعدة تسوي كيكه بالمطبخ وكاتبه عليه دحومي
وراسمه قلب حب وهي تضحك ومستانسه

وحنا ننتظر الدحمي اذا طلع من المجلس وش يبي يصير

[حي المنتزة]

طلع طلع الدحمي خل نسأله

بشر يالدحمي وش صار عليك ؟؟

الدحمي : لايهمك هالشايب بس !!
وانا قاعد اسولف عليه واوسع صدره علشان ادخل بالموضوع اتصل عليه واحد وقال تراي ابخطب منيره
قال الشايب : تم والله يوفق بينكم
وانا جالس اكل تمر وغصيت ودمعت عيوني عنده

مأساة :-((

طيب نروح نشوف منيره بالمطبخ

[حي المنتزة]

افااااا يامنيره !!

لقيناها مشخبطة على اسم دحومي بالكيكه وكاتبه عزوزي !!

وكاتبه بخط صغير
اهم شي اتزوج ولا على من أحد

[حي المنتزة]

عاد انا حمقت من السالفه هذي وشغلت السياره ورحت للاستراحه

يالله عن اذنكم :-)

هههههههههههههههه

[حي المنتزة]

ترقبوا
قصة حصيصه مع السواق الماليزي سوهاتو

[حي المنتزة]

رجعت المعلمه حصيصه ودمعتها على خدها المسيكينه
قالت امها : وش بتس يابنيتي ؟
حصيصه رقت لغرفتها وانفجرت من الصياح ونااااامت

نزلت عند اهلها وهي ماطه خشتها وقالت
الحين ليش ماتجيبون لنا سواق ؟!
صديقتي النوري علطول تمشي من المدرسه سواقهم واقف عند الباب
وانا دايم ارص الين يقوم عزيز من النوم ويجي ياخذن

[حي المنتزة]

وقرروا انهم يجيبون سواق واستانست حصيصه وبدت ترقص بشعرها يمين ويسار )
اركبت حصيصه مع السواق وهي مستانسه وتبي زميلاتها يشوفنها اذا نزلت
فتحت الدريشه وشافت الطريق وطارن عيونها !!
الطريق مهب الطريق اللي تعرف !
طريق مزارع قديمه وبيوت طين والمكان يخوف

قالت حصيصه : انتا فين يروح ؟!
وسوهاتو مسكت ولا يتكلم !!

[حي المنتزة]

نمت وانا قاعد اكتب القصه هههههههه

المهم نكمل
صاحت حصيصه وضمت شنطتها من الخوف
اخذت الجوال واتصلت علئ اخوها وقالت
عزيز تعااااااال انا مادري وين هوبه !! (من الروعه هههه)
وهي جالسه تكلم طفا الجوال
الحين يبي يذن الظهر وهي بالسياره
واهلها والمعلمات كلهم مختبين (

[حي المنتزة]

وقف سوهاتو عند بيت طين مهجور وفتح الباب ونزل
مسك يد حصيصه بقوه وجرها
حصيصه صرخت قووووووووووووووه

ومن قوة الصرحه قامت من النوم وانتهى الحلم المخيف وفتحت عيونها وشافت غرفتها وتسريحتها وسريرها وكأنها مو مصدقه :-))
وجاك يابو ريان العقال والكعب الاصبع مع الجبهه :-)

[حي المنتزة]

جيت لمكم وانا مختفي
اشوا مافي احد جلدن انا وخرابيطي :-)

[حي المنتزة]

ايهم احسن

قصة منيره والا قصة حصيصه ؟؟

http://ask.fm/Muntzh