اذكروا الله ياجماعه
لاتخربون موضوع الرجال..
كلكم ماقصرتوا بالمعلومات
جزاكم الله خير..
واللي رايح سوريا يلعب ذنبه
على جنبه مانب محاسبين
الخلق ولاانا مطلعين على النوايا..
الموضوع بيفيد اي واحد يدخله
فالرجاء ياخراب السفينه وصدى صوتها
لاتخربون معروفكم وتقلبون الموضوع هوشه.
[align=center] السلام عليكم ورحمة الله وبركاته [/align]
أخوي الجعد تبي الصراحه وبدون مجاملات سوريا زينه وطبيعة فيها جميله ورخيصه بس إنك في هالوقت وبعد الأحداث التي حدثت في العراق بصراحه تخاف على نفسك عاد وشلون معك أهلك الله يستر . وبرأيي المتواضع جرب ((عمان )) ((صلاله)) ودمتم سالمين .
صدى صوتها اسمحيلي أنت قاسية شوي والله السالفة ماهي محرزة
واعتقد إنك أرفع من السفاسف الصغيرة.............
تحياتي المفعمة بالود والاحترام لك يا صدى.
وعلى طاري السفريات عندي طرفة : فيه واحد راح لسوريا وبطته شوكه ومات..ها ها ها ها
ها ها هي هو ...(ما ضحك أحد)
أشكرك يا راعي فزعة ...فعلا اسم على مسمى
اخوي نصيحه منى لك ؛
سوريا لا تفكر تطبها :
قوللي ليش ؟
سوريا والله كلها مطاعم واخرتها ترجع وانت كريشتك قدامك وحتى مطاعمها تاكل من هنا تطلع طوالي على مشفى الشام (بسم الله عليك يعني) والمشافي هناك الله لا يوريك مو مستشفيات هاذي .. الاسواق ما في الا مولين تاون سنتر وسيتي مول وفرحانين فيه وغاليه على غير سنع وياليتها ماركات عدله زي الخلق والعالم والباقي اسواق شعبيه مجرد ما يشوفون خليجي يبققون عيونهم تقول شافوا خزنة فلوس تمشي , وملاهي وحده اللي اسمها الهابي لاند ا(على قولت خراب السفينه ) والله لوتشوفها تقول الحمد لله يارب وبعدين تعال تشوف الخليجين هناك وووع وقسمن يلووعون الكبد طايحين مغازل وقلة حيا ومصخرة والضواحي حالها حال الهابي لاند زي بلودان وغيرها
والطبيعه عندهم ما اكذب حلوة ......
يعني بصريح العبارة سلبيات سوريا اكثر بمليون مرة من ايجابياتها اللي تنعد على الاصابع وماتنفعشي للعايلة المحافظة وهذي نصيحتي لك لاني قد زرتها وياليتني ما زرتها
نصحتك والباقي عليك خوي مجعد
اقول ياخوي الجعد
بقولك شي بصراحة الاستغلال لابد تستغل في كل الدول العربية وبكل أسف
وبصراحة ماليزيا فعلا رااائعة جدا لكن يعني تعرف مكلفة شوي ولا هي والله تستاهل خصوصا اسمع عروض حلوه هالايام تعرف العالم طفرانة بالاسهم لذلك نازله عروض مشجعة ( حتى استراليا تروح لها بعرض بنظام التقسيط 9)سمعت والله الشي هذا
اما سوريا بصراحة اذا تهمك الثلاثة اشياء هذي
1- الهواء البارد
2- الماء االبارد من النبع
3- الفواكة الطازجة
4- المشاوي ولكن ( كن حذرا)
عليك بسوريا
وصدقني سوريا وخاصة في بلودان والزبداني فيها مزارع داحلها قصور لرجال أعمال سعوديين وبعضهم من بريدة يعني هم ما يعرفون ماليزيا وسنغافوره !
لكن نصيحتي لك المهمة جدا جدا اذا عزمت على السفر الى سوريا هذه السنة فتأخر قليلا لسببين
الاول حتى يشتد الحر هنا فتسافر هناك وتلقى البراد اللي يحيه قلبك
الثاني - تعرف كل سنة نسمع عن بعض المشاكل بسوريا خصوصا مع السياح فانتظر شوي وبعد ما تتأكد من الوضع هناك توكل علىالله ولن تندم ان شاء الله
ملاحظات بسيطة ياحبايبنا:
1-خراب السفينة................ممكن تقللين من حجم الخط تراك والله دوختينا
وبعدين ويش دخل حذف الموضوع بسالفتك مع صدى ( المستاذي يرحل)
2-صدى صوتها ..................ماأجمل الاعتذار ولو لم يكن هناك خطأ فكيف إذا حصل خطأ
3-أشكر كل من أفاد في الموضوع من خبرة وممارسة وليس توقع أو إذاعة ( يقولون ).
4- على العموم وخروج من الخلاف وعلى رأي أكثر الجمهور سوريا ما تصلح إلا من وراء الشاشة
مع احترامي لرأي الأخ القدير النسيان
المهم الموضوع بصراحه انقلب رأسا على عقب الرجال صاحب الموضوع يبغا رايكم بس انتم الله يهديكم طلعتو من الموضوع بتهام بعضكم البعض (وانا اقصد صدى وخراب) الموضوع ما يستاهل كل يقول رايه بس بدون تجريح وبغير اتهام البعض بأمور غير لائقه بل تزيد التوتر و البضغاء
وارجو من المخطأ الاعتذار وان يتأسف من الكلمات الغير لائقه وكل انسان معرض للخطأ ولاكن من الشجاع الذي يعترف بخطاه وكلام خراب هذا رأيه وما اجبر الناس انهم يروحون لسوريا ولا غيرها هذا رأيه وهو مجتهد واعطى الي عنده من معلومات بما عنده من خبره لهذه الدوله ( ومثل ما يقولون اسأل مجرب ولا تسأل طبيب)
وانا ودي اعطي رايي بس انا مشكلتي ما سافرت لهذي الدول حدي ابها وما جاورها
اعوذ بك من جلد الفاجر وعجز الثقه
القلوب :ندوووش:الساهية
العرض العادي
