تكفؤؤن اذبحوني بس لاتزوجوني مطوع

[الجنـرآل $]

اقتباس:  المشاركة الأصلية كتبت بواسطة روح لايسعهآ جسـد     هذاك اول الحين البنت متنازله تبي اي واحد اهم شيء تتزوج مطوع سربوت مو مهم اهم شيء تركب قدام بالسيارة اعرف لك وحده محلله ومطلعه فصيلتها وتقول اذا تقدم لي الرجل بدخل بالمجلس واقول موافقه وهذا كرت التحليل رح حلل وتعال نملك تعرفين نهاية العالم قربت والكل ودهـ يجرب الزواج مافيه وقت لتشرط خلاص

على اي اساس قلتي نهاية العالم قربت هذي من امور الغيب اللتي لايعلمها إلا الله ...[/color][/size][/font]

تحياتي ..

[طايرتن بوهته]

^^^

ولكن حدد لنا علامات تظهر عند إقتراب قيام الساعه والغالب منها حصل ابحث في ذلك

[oldman]

السلام عليكم

ماعاد تسأل الناس وتتأكد عن الخاطب إللا نادراً
يسألون عن الاهل والأب وشهو من لحيه !! الاب هو اللي يبي يتزوج أم الأبن؟
حتى إن سألت أحد أصدقاءه بالأستراحه أو زملاءه بالعمل البعض منهم يمدحه علشان يتزوج خويه وبباله إنه راح يتعدل بعد الزواج

وهذا اللي حصل مع زوج زميلة زوجتي
أصبح الآن خريج سجون[عافاه الله مما ابتلاه ] أثر أطلاق نار على أحد المراهقين سرق جهاز من محل صديق له !؟(الرجل فزيّع لغير أهله ). ومن قبل كان يُمدح من قبل والدهـ ومن زملاء عمله وأصدقاء أستراحته الآن لايجلس مع زوجته أبداً كل وقته يقضيه خارج البيت وأن عاد عاد إلى ملحقه الذي يغلقه على نفسه طبعاً مافيه داعي لذكر لماذا يغلقه ، يعود من السهر في الاستراحه الساعه السابعه صباحاً في وقت خروج زوجته للعمل وينام بملحقه حتى العصر [إن كان ينام طول هذا الوقت] لأن دوامه بعد العصر ان انتهى من الودام يذهب للإستراحه وهكذا حتى إبنته الوحيده والتي بعمر 3سنوات لايسأل عنها أبداً حتى حاجات الطفله تشتريها والدتها من راتبها عطفا عن حاجيات زوجته والتي لم تدخل حيز تفكيره يوما ما الفاظ بذيئه لايقولها رجل لعدوه فكيف بزوجته .
وأم أبنته يقول لها لا أحبك ، وزواجي منك علشان محد يقول ليه ماتزوجت!.

أيضاً رجل حافظ للقرآن الكريم ومعروف بأنه ملتزم في كل شيء
وقف فجأه قبل (طلعة الغاط) أثر شجار بينه وبين زوجته وأراد أن ينزلها من السيارة ليلاً غصباً عنها وتركُها لوحدها لم يراع العشرة التي بينهما ولم يراع أنها أنثى ولم يراع أنه إنسان محسوب على الملتزمين ولم يتقي ربه بالمرأة التي هي أمانه بعنقه لولا الله ثم أهل الخير الذين كانوا قريبين منهم ورأوا شيئاً لفت إنتباههم لتركها في رعب ظلام دامس وقريبه من طريق أصحاب القلوب القاسيه وعيون تتشوق لرؤية أنثى لوحدها مرعوبه محتاجه مكسورة . لم أكن أصدق تلك القصه لولا ثقتي بمن قالها لي .

فمن أجل ذلك لاتغتروا بالشكل الظاهري إن لم يكن مقرون بجوهره
فالأهم السؤال عنه والجلوس معه لمدة طويله ومعاشرته فأجزم بأن مايظهر بين الزوج والزوجه من سوء الخلق لم يطّلع عليه أحد من زملاءه ولا أصدقاءه إللا من خرجوا معه برحله طويله أو سفر طويل نوعاً ما .

أذكر احد جيران أهلي سابقاً كان ابنهم معنا في كل مراحله السنيه تقريباً حتى أني شاهدته بعد زواجه وأتى على أنه لايجلس مع زوجته إللا أثناء الغداء والعشاء وقهوة المغرب ورغم أنها أوقات محصوره إللا أنه لايتكلم معها إما يقرأ جريده وإما يأكل وإما نائم ويقول لي المرأة لاتعطيها وجه!
قلت له خلها ببيت أهلها أفضل لك وأفضل لها وجب لك شغاله تسوي لك غداك وتكوي ثيابك ، يا أخي هذي أمانه برقبتك ترضى ماتفعله بزوجته يفعل بأختك شعرة وجهك .
والله العظيم قلتها وانا أمون عليه لكن أظن كلامي كان ثقيلاً عليه ومن بعدها يمكن لي فوق الخمس سنين إذا شافني مايسلم ولايلتفت عليّ لكن أحسب إني أرضيت ربي وضميري ارتاح لما قلت ولايهمني هو راضي ولازعلان (ترى بنات الناس مهيب لعبه ).

لحظة / تذكرت شخص كان يلقي علينا محاضرات أثناء رحلاتنا البريه وأيضا يذهب للمدينه المنورة شهور ليتتتلمذ على أيدي مشائخ الحرم غاب فترة من الزمن عنّا ورأيته قد حلق اللحية ومسبل الثوب ورافعاً على صوت الأستريو طربان !! وإن عذرته اعذره انه بدأ شديداً على نفسه وعلى أهله حتى قيل أن دعوة والدته عليه أصابته فخر وتلقفته أيادي المحبين الهائمين للأصوات الناعمه.(يا مقلب القلوب ثبت قلبي على دينك)

ــــــ

كان عليه الصلاة والسلام أكثر دعائه : ( يا مقلب القلوب ، ثبت قلبي على دينك . فقيل له في ذلك ؟ قال : إنه ليس آدمي إلا وقلبه بين إصبعين من أصابع الله ، فمن شاء أقام ، و من شاء أزاغ)صحيح الجامع عن أم سلمة هند بنت أبي أمية .
يا مقلب القلوب ثبت قلبي على دينك.
ولا تملها عن الحق جهلا وعنادا منا اللهم اجعلنا مستقيمين هادين مهتدين فثبتنا على هدايتك وعافنا مما ابتليت به الزائغين .
والحمدلله رب العالمين .

طولت حبتين إن شاء الله فيها فائده ولايكون فيه ما يبعث للتشاؤم
والتوفيق بين الزوجين من الله سبحانه وتعالى.

[طايرتن بوهته]

.................................................. ....

[شاها]

.
.
شكلك عايشه بصومعه آجل مومقبول هه هه
مطاوعة هاليومين الطلب عليهم كثثير وماشي سوقهم لكن شكله مغيب عنك يامام
ومميزات مطاوعة هاليومين على الكيف تفرين الموجه كيف مابدك
وخاتم باصبعك ياحلوة لاتسيحين ويحشمون برا البيت وداخله
ومرنين مو زمن جدي مجاهد ماكو الا العصا لو ماطعتيه

[ع ـروووبة]

-

أجل أنا أبقول تكفون إذبحوني بس لا تزوجوني أي رجال

طبعا رجال هالوقت مطوع داشر مثقف كلهم سواسيه
إلا ما ندر وهم قله طبعا =‏/

يمكن يخلطون بين المطوع ( الملتزم صح )‏
والشديد المعقد اللي فاهم الدين خطأ

بالعكس يازينهم المطاوعه يطلع مع حلقته
ولا شلل الإستراحات اللي ما تخلص

بس بهم عيب واحد لازم يعددون
يعني لا أخذتي مطوع إعرفي فوق راسك ثلاث
هالكحايه قاضين منه ‏,,

[محمد عبده]

بعض الملتزمين ملتزم بالتقليد والمحاكاه لايتجاوز التزامه عن الديكور الخارجي من اعفاء للحية وتقصير للثوب , وبعيد عن العلم الشرعي . والابتعاد عن العلم الشرعي يقتضي البعد عن الدين وعن فهمه فضلا عن تطبيق الدين تطبيقا صحيحا كحياة ,فمثل هذه النماذج صارت سبب في تشويه الدين بما يرتكبونه من مخالفات تجردت من مشكاة النبوة , اخذين الدين كغطاء للوصول الى مآربهم الشخصية ! وافهمها ياذكي!!!!
فهذه النماذج كثرت بهالزمن .
فلا استغرب من اي بنت تخاف من ارتباطها بالملتزم .

ولكن تبقى نسبة كبيرة من الملتزمين على خير .

[سميتك ثالث والديني]

اقتباس:  المشاركة الأصلية كتبت بواسطة زين نجد     ما عاد فيه ملتزمون إلا من رحم ربي.. فقط شكلياً.. هذا ما نشاهده على الواقع.. غالب من يسافر للخارج هم الملتزمون ظاهرياً.. وإلا فالباطن لا يعلمه إلا الله سبحانه.. هناك من يعمل في الهيئة ويطاردون المباريات ويسافرون لبلاد الفسق والعري والظلال. الله يحفظنا بس والله هالوقت يخوف اختلط الحابل بالنابل صرنا ما نعرف الملتزم من غيره إلا بعد المعاشرة.. أما بالظاهر كذا.. فلا يمكن أن نحكم أبداً..! يارب سترك..يارب

عفوا يعني المطوع مايسااافر مثله مثل غيرة
واذا سافر لهذي البلدان
سيااااحة مثلة مثل اي شخص او تجارة او علاج
والاغلب مب مسااافرين للصياعة
استغرب صرااااااحة ليش هالنظرة

[سميتك ثالث والديني]

اقتباس:  المشاركة الأصلية كتبت بواسطة ع ـروووبة     - أجل أنا أبقول تكفون إذبحوني بس لا تزوجوني أي رجال طبعا رجال هالوقت مطوع داشر مثقف كلهم سواسيه إلا ما ندر وهم قله طبعا =‏/ ممكن يمكن يخلطون بين المطوع ( الملتزم صح )‏ والشديد المعقد اللي فاهم الدين خطأ فعلا هذا اللي غير وجهتم ان الشديد المعقد هو اللي سبب رفض الفتاة له انا عماااامي ملتزمييييين ومرة عاديييييين مافي هالتعقيد الشديد عندهم بالعكس يازينهم المطاوعه يطلع مع حلقته ولا شلل الإستراحات اللي ما تخلص بلاك هالاستراااحااااااااااات بس بهم عيب واحد لازم يعددون يعني لا أخذتي مطوع إعرفي فوق راسك ثلاث هالكحايه قاضين منه ‏,,

ههههههه هذي واضحة هههههه
بس والله مب كلهم
صح ان سبق تقدموا لي 2 ملتزمين بس سبب الرفض انة معدد
لان انا رافظة فكرة اني اكون الثانية او الثالثة سواء ملتزم والا غيرة
وليس لانة ملتزم

[حلاتي بعنادي]

ومن قآل آن آلمطآوعه معقدين كل شي لآ ؟

بـ آلعكسس فآلينه مطآعم وسفريآت وكل شي عندهم فري
آلمشكله بـ آللي مو مطوع شكآك وعآرف آلطبخه وكل مآهب ودب فيه .. !

,

[e7sas]

[align=center][tabletext="width:70%;background-color:black;"][cell="filter:;"][align=center]انسان بار بوالديه... وكل انسان بار بوالديه تأكدي انك راح تعيشين معه ملكه..
والله أهم حاجه يكون بآآر بإمه وأبوه..والصلاة ..وصــااادق
وماضن فيه أهم من هيييييكـ...
وع قولتكم أنا آشــــووف كثير بالمول معاه مطووع وعبايته كتف وع كيف كيفه..<<يعني يابنات الجيل التالي..بتاخذوون راحتكم
لان زمن آبائنا وأجدادنا ولا ورااح ..للأسف..
وآتمنى ماتكوون نظرتكم عن الزواج..طلعه مطعم مايخلين ع راحـــتي
الزوااج بحد ذااته راحه وصدقيني بالتفااهم والله كل الاموور بتزبط ويااك...
بس زينو نيتكم وبتلاقو خــــــــير,,
تقبلونيِ//
تعبت أشـــــــتاق[/align][/cell][/tabletext][/align]

[فـــارس]

للعلم حبيت انبهك شي يمكن يمكن تكونين غافله عنه
الطوع الحين مو طوع الشكــل طوع القلب والنيه الصافيه
ربما تحصلين رجل ملتحي ولكن لايصلي وعليه اكثر المعاصي
وخصوصا بالبيع والشراء ..
وتحصلين رجل غير ملتحي ويكون قلبه نظيف ويصلي جميع الصلوات بوقتها وهذا افضل ان شاء الله عند ربي

نرجع لمحور نقاشك المطوع الزوج
اعتقد انه غلطانه الي ترد مطوع (يمكن يكون فاتح خ ير لها
ولاابنائها
هذابرئيي

[الصيااد]

اقتباس: أن المطوع [[ الملتزم ]] إنسان يخاف الله

يعني اللي ماهو مطوع مايخاف الله ؟!

مطوع عن مطوع يختلف كما ان صائع عن صائع يختلف ...

# فيه مطوع بأدب و مطوع بدون أدب
# و فيه صائع بأدب وصائع بدون ادب

أهم شيء الاخلاق والأدب

[مجرد إنسانه]

المطاوعه اقل شي يخافون الله في حريمهم ويدلعونهم
والله اعرفه احيان يساعدها بشغل البيت

ام غيره عيونه زايغه ولاخوف ولا رحمه وقلب قاسي واناني

[شرقه بشطه]

آصلن حمضن على بوزه الي ماتبي مطوع
مافيه احسن من صفات المطووع لزواج .