حبيبي.. وحياتي ونور عيني.. لاعمرك تقولها...!!!!

[Miss Tala]

اقتباس:  المشاركة الأصلية كتبت بواسطة هنري     أهلاً، آنسة. أنا أتصور أن العلم والثقافة لاتعني أن نتنازل ونتخلف بنواحي أخرى!؟ إذا كنتي تقيسين بتلك الأمور، فقد كنت مع طبيبين أمريكيين درسا مع بعضهما من الثانوية حتى بلغا من العمر أشدة ، وفترة معايشتي لهما، لم أرى أحداً منهما يقول لصديقة honey, baby, sweety وغيرها!؟ لإنها ألفاظ مبتذلة جدا جداً جداً!؟؟ دعينا من الغرب ولنتطرق لأنفسنا، أن أسلم على أحدهم وهو صديقي، فأقول له: كيف الحال إن شاء الله تمام ، من زمان ماشفناك؟ فيرد: حبيبي والله؟؟؟! أنا بخير! بصراحة إنها لاتليق أبدً أبداً، وأكرر الأمر لايدخل في صنف الثقافة وغيرها ولكن يدخل في صنف اللباقة والأدب والذوق.

لاعاد الزود مثل النقص ..حتى انا وانا بنوته مو كل شوي على لساني ..
لكن احيانا نحتاجه لو على سبيل المزاااح ..حتى المبالغه فيها غير مطلوبه ..
عموما تدليلك بالاجانب مايهم على الاقل اقوله يااخي ياصديقي الكلماات اللي تزيد الود بيننا ...
الثقافه والعلم كلاهما طريق لاكتساب ادب ولباقه وذوق والاستزاده منهن ..لانهن لازم يجتمعن لانهن لو انفصلن الانسان مايقدر لايفيد اللي حلوه بعلمه ولايستفيد منهم ..
الاالفاظ المبتذله مبتذله مافيها نقاااش ..ولاهي محور حديثنا ولابالضروره الا الكلمات المكتوبه هنا نقولها ممكن حنا نجرب شي ثاني كان اقول لزميلتي ((يااخيتي ياحبيل قلبك ويابعدي يابعد امي ومن هالكلمات كلماات مافيها مبالغه وغير كذا مو مبتذله ....
وبعدين احنا كلامنا عن الناااس المقربين كصديق مقرب جدااا مو احد تشوفه بالدوام تقوله او زميل لك سنه ماشفته فيه فرق يعني ...
انا اشوف الكلمات لها وقع كبير يمكن البنات يبالغون فيها لكن حتى الرجال بشر يحتاجون لجو رطب احيانا بينهم ...

بس هذا لايعني اني انقص من علمك شي او من ثقافتك بالعكس ...
ولكني استغربت الصراحه ....

على قولة دكتورنا ايمن على علم واسع ...كان يقول يابنتي يابيبا كلكم بنوتاتي
....والصراحه هالكلمه مريحه جداا ...زي بالمستشفى لما احتك بالمرضى واشوف الحريم الكبار تنادي يابنتي تزداد راحتي واشوف اني اقدر افحص باريحيه معه ..اناماقصد اننا نتلفظ بالكلمات اللي فوق حرفيا لكن نقدر نستبدلها بكلمات ثانيه ....
حتى الرجال نفس الشي ...بس ماادري يمكن انتم يالرجاجيل تحسونه شينه تطلع منكم ....؟!

عموما تشكراات افندم ..

[لعيون دودي]

مدير..

اجل الرسايل واصلتن الكل!!

الجفاف العاطفي هو من الجم المشاعر وكتمها .. وربما العادات التي جعلت كل شي"عيب"
جميل تناقل مثل تلك العبارات في صباح كل يوم تنبعث النفس فيه على العطاء وتحس بروح العمل مع غيرك وكذا هي اجمل بين روحين جمعهم الود والالفه والاجمل مخاطبه الابناء بتلك العبارات واشدد بتكررها ففيها القرب والانس والتالف ..
دعوه لنطلق مشاعر الحب وكلمات الود لمن نحب ولنصفي نفوسنا من "تفسير" الكلمات كما يشائها البعض للاسف..
دمت بخير..

[هنري]

اقتباس:  المشاركة الأصلية كتبت بواسطة miss tala     لاعاد الزود مثل النقص ..حتى انا وانا بنوته مو كل شوي على لساني .. لكن احيانا نحتاجه لو على سبيل المزاااح ..حتى المبالغه فيها غير مطلوبه .. عموما تدليلك بالاجانب مايهم على الاقل اقوله يااخي ياصديقي الكلماات اللي تزيد الود بيننا ... الثقافه والعلم كلاهما طريق لاكتساب ادب ولباقه وذوق والاستزاده منهن ..لانهن لازم يجتمعن لانهن لو انفصلن الانسان مايقدر لايفيد اللي حلوه بعلمه ولايستفيد منهم .. الاالفاظ المبتذله مبتذله مافيها نقاااش ..ولاهي محور حديثنا ولابالضروره الا الكلمات المكتوبه هنا نقولها ممكن حنا نجرب شي ثاني كان اقول لزميلتي ((يااخيتي ياحبيل قلبك ويابعدي يابعد امي ومن هالكلمات كلماات مافيها مبالغه وغير كذا مو مبتذله .... وبعدين احنا كلامنا عن الناااس المقربين كصديق مقرب جدااا مو احد تشوفه بالدوام تقوله او زميل لك سنه ماشفته فيه فرق يعني ... انا اشوف الكلمات لها وقع كبير يمكن البنات يبالغون فيها لكن حتى الرجال بشر يحتاجون لجو رطب احيانا بينهم ... بس هذا لايعني اني انقص من علمك شي او من ثقافتك بالعكس ... ولكني استغربت الصراحه .... على قولة دكتورنا ايمن على علم واسع ...كان يقول يابنتي يابيبا كلكم بنوتاتي ....والصراحه هالكلمه مريحه جداا ...زي بالمستشفى لما احتك بالمرضى واشوف الحريم الكبار تنادي يابنتي تزداد راحتي واشوف اني اقدر افحص باريحيه معه ..اناماقصد اننا نتلفظ بالكلمات اللي فوق حرفيا لكن نقدر نستبدلها بكلمات ثانيه .... حتى الرجال نفس الشي ...بس ماادري يمكن انتم يالرجاجيل تحسونه شينه تطلع منكم ....؟! عموما تشكراات افندم ..

إنتي تتحدثين بواقع الأنثى وهنا الفرق والفرق شاسع
وفي الحقيقة لقد تكلمتي عن ألفاظ نستخدمها لإظهر لطفنا أو لإبراز جانب أننا نهتم.
ولكن هل تفرقين بين، ( ياخي، ياصديقي) وبين ياحبيبي أو نظر عيني أو أو!؟

نعم تستخدم من قبل البعض لغرض التصغير ولربما التهكم، ولكن من يستخدمها بجدية فأنا أرى أنها تنقص من الإحترام وأنا بحياتي لم أتلفظ بها !؟

هناك ألفاظ و وتعابير كثيرة للتلطيف والمداعبة بين الرجال غير التي قيلت بالموضوع.

إلى اللقاء

[آنثى آستثنآئيّه]

ياكثر ما سببت لي هذي الكلمات من مواقف محرجه
لما يفهمها اللي قبالك بشكل خطا !!
في احد المواقف مسكوها علي بنات خالي وكل ما جاء طاريها يناظروني وتعليقاااات لدرجة اني كرهت الكلمه وصرت ما اقولها ابد

[مدير خبرة]

اقتباس:  المشاركة الأصلية كتبت بواسطة مريااان     هي كلمات جميله وتلطف الجو ولكن الناس صاروا حساسين حبتين من شان هيك اول ماتقول كلمات من هالقبيل تغير نظرتهم عنك اذا انت تكلم ولد يقولون قصده لعين واذا بنت اردء يتوقعونك خبث علشان كذا اسلم لنا نترك اللي يجيب لنا الشبهه ومع تطور ااالاجيال اصبحث هذه الكلمات مندثره او يتحسس لها البعض اقوى فبالتالي شبه انعدمت

هلابك اخوي مريان

شرفت الموضوع

معاك حق كثير الناس صاروا حساسين على كل الاشياء

بس انت ونيتك..

واللي بينتبه لكل شي عشان الناس.. بيتعب..

[مدير خبرة]

اقتباس:  المشاركة الأصلية كتبت بواسطة الأرجوانه     انا اشوف انه منتشره اكثر من أول , أول كنا نستحي نقوله لكن اللحين عن نفسي تعودت مثل صديقتي كثير اقوله ي حبي وهي تقولي , ولا اذا تحمست اقول ي حياتي هي عآدي , وأغلب البنآت يقولونه لكن انتم ي رجال ماادري عنكم , بس أشوف خوآلي ب الرياض كثير يقولن للصغار حبيبي او حبيبتي لكن بحيآتي شفتهم يقولون الـ بعض o_o , مادري وش الدبره , لكَ ودي

نورتي الموضوع اختي الارجوانة..

ممكن كلامك بخصوص الانتشار صح..
خاصة وتأثير الاعلام واضخ في هذا الأمر..

وشي حلو انها موجودة بين البنات.. لان في هذا تربية للمستقبل مع الزوج والابناء

الله يديم الحب بين الجميع

وشكرا لمرورك

[مدير خبرة]

اقتباس:  المشاركة الأصلية كتبت بواسطة زمن الغرباء     بيننا حنا يالبنات نقولها عاادي جدا جدا وحتى الازواج تغيروا وصارو يقولون كلام حلو بيناتهم أعتقد ان بيئتهم الصحراوية غيرتها كثيير العوامل اللي حولها والله اسمعها انا من الناس اللي حولي انه الانسان يتأثر ببيئته لكن اللي يشاهد حياة الحبيب عليه الصلاة والسلام يجدها مليئة باللين والرومانسية والحنان مع ان بيئته صحراوية ولنا فيه اسوة حسنة موفق

هلابك زمن الغرباء

شي حلو انك تلاحظين ان هناك تغير ايجابي

وخاصة بين الازواج..

والتأثر بالبيئة التي يعيش فيها الشخص وارد وطبيعي

يعني لو واحد آخذ سورية مثلا فاكيد عياله وعيال عياله يبي يصير لسانهم يقطر عسل

واستشهادك بحياة النبي صلى الله عليه وسلم استشهاد جميل ولاشك

الف شكر لك

[مدير خبرة]

اقتباس:  المشاركة الأصلية كتبت بواسطة shahd2007     ماآشوف فيها شي ..وخاصه بيننا حنا يالبنات كثير نقووله مع بعض ..طبعا نوع من الذوق في الكلام ولا مافيه احد عمري ولا حياتي ..ولاقلبي ,, وطبعا الصغنونين لهم نصيب منها ..معقول ابحاكي طفل اناديه بآاسمه ..! لازم نقول له حبيبي ,, التربيه الدينيه تحثنا على ماهو صحيح ..وتبعدنا عن الشبهات يعني لما اقول لبنت مثلي حبيبتي اوقلبي ..بمنتدى مثل لما اقولها لشاب ..! طبعا وقوعها بقلب الشاب غير عن البنت .. لكن بين المحارم عادي مافيها شي من اللطافه بالكلام ..

هلا بك شهودي

المقصد ترقيق المشاعر ونشر الحب
وليس الخداع والغش

والواحد يقولها عشان يكسب الناس وياصل بسرعة لقلوبهم

ومشكورة على كلامك عن التربية الدينية
مع اني اشوف ان المقصد هو اللي يحدد ..
وتربية البنت هي اللي تخلي الكلام صح معها او غلط

الف شكر لك

[مدير خبرة]

اقتباس:  المشاركة الأصلية كتبت بواسطة طقاقة بدون مايك     شف ي نظر عيني آليمين :$ يآخي نآس قهلة و تنك مع أحترآمآتي ل نفسي :$ اجل به آحد يعآف آلريق آلزين الي يقوطر عسل.:$ مآر دآيم أقول هآلنآس تصآنيف و نفسيآت به نآسن تفرح .. و ناآسن مآ تأثر .. ونآسن تكفهر لمنك قلتله حتسي مأنتك و متنتك ..:$ به ردود كثيرة اتفق معه وفيه ردين ابد م أتفقت معه :$ تحيتي لك .

تسلمين يانظر عيوني كلهن

والله يكفينا شر الجهل يارب..
وعلى كلامك.. الريق الحلو ما احد يعافه
بس فيه ناس ثقيلة انفسهم على قولته..

تسلمين يابعدهم على ردك
والف شكر لك

[مدير خبرة]

اقتباس:  المشاركة الأصلية كتبت بواسطة ܔ ســـاندرا ܔ     بلعكس الكلمات هذي صارت عاديه ولا فيها حياء ولا ضحك واستغراب بس بعض الناس تحط من الحبه قبه وماتعودنا عليه وحنا ناس صحراووين مشاعرنا جافه والى اخرة من الكلام الي كله توقعات وتخيلات الي يبي يسمعهم يقول ساكنين بخيام ويرعون غنم والشمس على روسهم كل جيل يختلف عن الجيل الي قبله ويختلف اسلوبهم وطريقة حياتهم يعني شباب الحين زي شباب زمان على وقت بيوت الطين و لافيه تعليم ولا ثقافه ولا شي كل شي تغير الحين صارو يتواصلون مع كل العالم من خلال التلفزيون والنت والصحافه والمدرسه وغيره كل هالاشياء غيرتهم وغيرت طريقه معامتلهم وكلماتهم الا الانسان الجاهل وعديم الذوق هو يظل على حاله وعلى اسلوبه وينطبق عليهم المثل لكلِ داءٍ دواءٌ يستطبُ بهِ...إلا الحماقة أعيت من يداويها

هلابك ساندار

كلامك على راسي
بس تاثير الصحراء والحر والطبيعة هذا شي واضح
ولو شفتي بس الغربيين وشلون تعاملهم ورقتهم تعرفين الفرق
ا
صح ان عندنا تغير الوضع عن اول
بس هم مازال فيه جفاء شوي وثقل في المشاعر

وانا معك ان الاعلام أثر ايجابيا على الناس في تعاملهم
وهذي ابرز حسناته ولاشك

شكرا لك

[مدير خبرة]

اقتباس:  المشاركة الأصلية كتبت بواسطة ܔ ســـاندرا ܔ     بس الناس وش عرفهم بالاحساس الداخلي يعلمون الغيب ؟ كلن ماله الا الظاهر والكلام حنا من خلال الكلام نعرف الي لنا والي علينا يعني اذا نحب شخص نسكت ونقول احساسنا الداخلي يكفي هو يكفي لنا بس الي نحبهم شلون نوصلهم حبنا وشوقنا وغلاتنا لهم مانقدر نعبر لهم الا بالكلام

كلام سليم ساندار

الله ينور عليك يابعدهم..

[مدير خبرة]

اقتباس:  المشاركة الأصلية كتبت بواسطة miss tala     افا بس افا هذا وانت المتعلم والشرهه عليك تقول كذا وش خليت للشيبان والجهله ... بالعكس لاتنقص ولاشي يعني الرجال لو قالها لرجال في مواضع تستحقهالشي وش المشكله لو يبي منه شي مثلا ويترجاه يقوله عادي ((تدري انهم انووواع الجفاف .. ...

وراه افا بس..

وترا كلامي ما اقصد منه انها تنقص من قدر الشخص

شكلك قريتي كلامي وانا عجلة

لا يابعدهم

انا قصدت ان فيه جفاف في استخدام هالكلمات..

والرجال فعلا فيهم جفاف مع بعضهم ماحصلش...

الف ثانكيو لك

[مدير خبرة]

اقتباس:  المشاركة الأصلية كتبت بواسطة ما يهزني مخلوق     بالعكس حلوووه هالكلمات لو تطلع منك .. وفيه بعض الاشخاص مايتقبلون الكلام الا باللين واللين مايجي الا بهالأسلوب هذا .. لكن مو لأي شخص اقوله . يعني بالمنتدى اقوله لبنت لكن مااقوله لششاب .. لأنوو طبيعي راح يفهمه شي ثاني ’’’

هلا والله باللي مايهزها مخلوق

انتى أحلى وأحلى...

ومثل ماقلتي هي تسهل الدخول للقلب والنفس وبالتالي تحقيق المراد

وعلى قولتك لها بالمنتدى..

هذي فلاتر وقيود انتي تحددينها.. مع انه برأيي.. ان الهدف اذا لم يكن عاطفي وفيه ريبة

فهي من اشاعة الكلمة الحلوة والتعود عليها

شكرا لك

[مدير خبرة]

اقتباس:  المشاركة الأصلية كتبت بواسطة هنري     أهلاً، آنسة. أنا أتصور أن العلم والثقافة لاتعني أن نتنازل ونتخلف بنواحي أخرى!؟ إذا كنتي تقيسين بتلك الأمور، فقد كنت مع طبيبين أمريكيين درسا مع بعضهما من الثانوية حتى بلغا من العمر أشدة ، وفترة معايشتي لهما، لم أرى أحداً منهما يقول لصديقة honey, baby, sweety وغيرها!؟ لإنها ألفاظ مبتذلة جدا جداً جداً!؟؟ دعينا من الغرب ولنتطرق لأنفسنا، أن أسلم على أحدهم وهو صديقي، فأقول له: كيف الحال إن شاء الله تمام ، من زمان ماشفناك؟ فيرد: حبيبي والله؟؟؟! أنا بخير! بصراحة إنها لاتليق أبدً أبداً، وأكرر الأمر لايدخل في صنف الثقافة وغيرها ولكن يدخل في صنف اللباقة والأدب والذوق.

ياساتر..!!

مبتذلة .. وجدا أخي هنري..؟؟

لم أعش ولم أزر حتى أمريكا...

لكن ماقرأته عن تلك الثقافة يجعل ماذكرت أمرا غريبا... بل مغرقا في الغرابة..!!

واستشهادك.. لا أرى فيه شيء..
بل بالعكس كلمة الرد من الصديق مما يقرب القلوب اكثر واكثر

ما ادري اخوي هنري..

لي تحفظ كبير على كلامك..

[مدير خبرة]

اقتباس:  المشاركة الأصلية كتبت بواسطة أشغلتموهــا     كيف اعود نفسي على شيء انا ماني مقتنعه فيه ؟ ماقدر غصب على ما اقولها الا لـ خواتي الصغار وبسسس او اي طفل صغير يعجبني اما لبنات كبري ماقدر والله الاحساس الداخلي يترجمه الاهتمام والتواصل والسؤال والخدمه مو ياعمري وياقلبي وياروحي وياحياتي (احس من كثر مانسمعهن صار مالهن اي معنى او طعم ) مجرد ماتناديني بأسمي وتسألني عن حالي وهي مهتمه وتنظر لي وانا اتكلم معها وتسمع لي هذا يكفيني

هلابك ثانية اشغلتموها

اي شي يسويه الانسان او يقوله هو شي يتعود عليه

ومشكلتك مو بالتعود مثل ماقلتي
مشكلتك بالقناعة...

ولو جربتي اول باستخدام الكلام الحلو مع الآخرين وشفتي النتائج
يمكن بتتغير قناعاتك..

اقتباس:  المشاركة الأصلية كتبت بواسطة أشغلتموهــا     انا عن نفسي اعرف اللي تحبني وتهتم لي بنظرة عيونها واهتمامها وكلامها معي بدون ماتقولي ياعمري وانتي قلتيها اذا حبينا شخص نقوله هالكلمات ... يعنى مو نقولها ع الطالعه والنازله ولكل من هب ودب انا مابعد حبيت بصراحه ولما احب الكلمات هذي راح تطلع اجباري مايبي لها تعود وتطبيق قبل الحب يعني انا لو عضوة بالمنتدى اقولها مع كل كلمه ورد ياعمري راح تقول اني انا احبها ؟ ؟؟ اللي ابي اقوله الكلمات هذي خلاص ملينا منها ومعروف انها مو طالعه من قلب يعني مجرد عاده لذلك المفروض مانقولها الا للاشخاص اللي فعلا نحبهم عشان نحس فيها من جوا وندري انها طالعه من قلب اما الصداقه بين البنات يكفيها الاهتمام والاحترام المتبادل ونخلي هالكلمات لمحلها للحبيب او الحبيبه وبس

احترم قناعاتك ...

مع كوني لا وافقها