*.
على طــآري البحر ...
مرة من المرآت كنت أنا و أثنين من أصدقائي رآيحين لـ مكه
جلسنا يومين بـ مكه الله يعمرها بالطـآعه ...
وبعدها قلنا نبي نسير على جدهـ ,,, و أنا مشتهي أشوف البحر :$
المهم من الذهــآنه اللي بنا ,, رحنـــآ إستأجرنا سيارة ...
قلنا أرخص من التكــآسي و نبي نتمشى على رآحتنا ...
المهم مسكنا الخط لـ جده و وصلنا هنــآك ...
أنا أوةل مره أدخل لـ جده و أنا أسوق :/
و اللي معي أول مره يطبون جده ...
جلسنا نلف لف لنا شوي قلنا أغدينا نطب على البحر من أنفسنا بدون ما نسأل ..
ساعه و ساعتين و تقل أننا وصلنا ينبع و حنا ندور البحر :/
قالوا العيال ما ودك توقف عند مطعم ,, و لا بعد يبون البيك :/
يتشطرون بعد ...
ما يدرون أني يابسن ريقي :/ <<< همانا ضايعين بلش وشلون نبي نرجع لمكه ..
المهم وندور نبي مطعم البيك ,, يوم عجزنا نلقى شي حولنا ...
قالوا نبي نوقف عند أي مطعم ...
وصارت الدعوى كل من جاز له مطعم ,,, قال الثاني أنا ما ابيه :/
غدينا تقل بزرآن ,,, هذا يقول أبي و الثاني يقول ما أبي ...
و أنا بس أتلفت ابي لوحه مكتوب عليها مكه ...
و الله لا أمسك الخط ومايردن الا الصحن حق الحرم ههههههههههه
,,,,
ملينا و حنا ما أتفقنا ,, تعرفون عرب و العرب ما يتفقون أبد ...
و تصفى على عسكريم بــآسكن روبنز :/
صار هو عشــآنا ,,,,
و الله و يآخذون العيال لهم آيس كريم و أنا ميلك شيك ...
أريح لي و أنا أسوق ...
البلشه اللحين وش يبي يطلعنا من جده ,, نبي الطريق ...
و الله ويجي هـآك الشباب النشاما ,, ونسألهم وحن عند الإشاره ,,,
قلنا نبي طريق مكه ,, وشفت وجه اللي سألته ,, حسيت أني غلطت عليه ...
قال : أيش جــآبك هنا يا أبويا ,,,
قلت جابن اللي جابن ,,, تكفى أولاه و صف لي ,,,
قال : أنتوا قوصمــآن ...
قلت : ايه ما تسمع حتسيي <<<< يعني كلامي ههههههه
قال : أمشي ورآيا ...
و الله و أمشي بـ سآآقته و مليت و أنا ورآه حسيت أنه يلعب علي من قوة
أننا بـتلنا نمشي و نلف لف ...
آخر شي و قف على جنب ,, قال : شوف الطريق هذا .. أمشي معــآوهـ سيدا
ويوصلك لـ مكه ...
تشكرت منه و دعيت له و حطيت رجلي على البنزين و طيرآن ...
أحسب أني بـ الدآئري الغربي حق بريده مابوش أحد ولا دوريات و لا أمن طرق ..
و الله و أشوف اللي قدآمي السيارات كلهم يمشون بشويش ...
قلت وش عندهم النظآميين يمشون هدى هدى ...
و أثاري فيه أمن طرق يمشي قدآمهم ,,, و الله و أسقط عليه و انا سافط الطبلون =/
سفط الله وجه العدو ...
ويجي يولع السفتي و يشعثن شعث الله لا يوريك ,, تقل لآحقن له مطلوب أمنيا ً :/
انا وقفت على طول يوم سمعت القـــآق حقهم ذاك الصوت المزعج ...
و أنزل لـ العسكري :/
و أثرهـ الله يكرمكم أخلاقه صفر :///
مـــآدن بوزهـ شبرين تقل مسرعن بـ حوش بيتهم ههههههه
قال الرخصه و الإستمــآره ,,, و مين اللي رآكب معــآك ..؟؟؟
أنا عطيته اللي يبي ...
وقلت اللي معي أخوياي
قال : كيف .؟؟؟
دريت أنه ما يعرف وش معنى أخوياي ...
قلت : معــآي صوحــآبي <<< يعني أصحابي بس باللهجه الجدآويه هههههه
قال : ايوه قول كيذا من أول ...
يـ الله جهز نفسك لـ الحجز يا أبويا :////
قلت : وشو *_*
قال : الحجز نبغى نحجزك أنت و السيارة ,,, وقول لأصحابك يشوفوا صرفه ليهم ..
أنا وجهي غدا طمآطه من الكسل :///
و أقعد أتحببه و أترآجه تقل اطلبه الجنه ,,,,
قلت : أنا جآيكم ضيف من القصيم ,,,
قال : وإذا كنت من القصيم ,,, ما تنحجز يعني ...
و أنا وأياه جهــآد و تصفى على مخـــآلفه ,, أشوى فكن الله ...
و ارجع لأخوياي الجحلط ...
اللي لاهم خلون أشوف البحر بجده ,,,
وبغيت أسجن عشآنهم ,,, و أخذت غرآمه :///
و أرجع أمسك الطريق أمشي 60 هههههههه
الذله بنت حلال ...
و نوصل لـ مكه في أمان الله ...
وعقبها الى هـ اليوم ماطبيت جده :///
شكلي جتن صدت نفس والله العالم هههههههه
وبس
*,