مرحبا نزف...
اقول الله لايحرمنا من هالطلة ياشيخ ....
بس ماقلت لي ياشقيقي نزف !!
انا سألتك عن هذا النوع من الشعر وطلبت توضيحات متعددة حوله وقلت لك انا لا أقرأ الكتب فلا تحيلني الى الكتب ..الكتب يقرأها المختصين والمتبحرين في الشعر والقصيد من امثالك ...كنت ابغاك تشرح لي ماطلبت بطريقة مبسطة تناسب المنتدى وهو القناة الوحيدة التي يمكن ان اتعرف خلالها على الشعر ...
وبعدين ماقلت لنا ايش رايك بنصيحة الشادي وكلامه حول الاكثار من قراءة القصائد المشهورة لكبار الشعراء لتحسين المهارة في الوزن والقافية والجرس الموسيقي والرتم الايقاعي ؟؟
بالمناسبة نزف
لا تقعد تورطني كل شوي مع الناس !! ترى والله ماهو انا المعرف ضوء الروح ولا لي علاقة فيه !!
واذاكان عشان قوله (شقيقك الاكبر لمبة فامسحها في وجهي يا شقيقي) انت الاكبر وستظل كبير كبير ياسيدي بس لا يروح بالك بعيد!!
واذا على مدحي لمشاركته الي عنوانها (لو تشوفونها) فأنا غلطان ياسيدي وقصيدته وع وشينه ومافيها مازية وانا ما اعرف افرق بين الواحد والعرجون !!!
وبعدين تعال الله يهديك!!
وراك فشلتنا عند العضوة الجديدة ترنيمة بلقيس في موضوعها (من اجل ندى) ؟؟؟
هالحين انت ماتعرف معنى كلمة حبور؟؟؟
تحسبها حبر !!!
حبور ياخي مشهورة وشائعة الاستعمال واكيد عرفها بس يمكن انت حبيت تمزح!!!
تصدق يوم دخلت هناك وقريت ردك عليها وردها عليك استحيت و طلعت ماكتبت شي من الفشيلة!! بس عاد هي ماشا الله عليها عندها دبلوماسية مو مثلك ماغير تهاوش اللي يقول لك شي حتى لو هو بيتعلم منك!
شقيقي نزف ...
مواضيعك مدرسة نتعلم فيها الكثير فيكفي درسك اليوم عن احترام اهل البادية ...مع اني انا قروي ومن اهل البادية ويوم ذكرت لك حكاية بقالة المحطة كنت اقصد ان ماعندنا احد يجيب لنا كتب !!
مو مثلكم الواحد اذا طراله كتاب (نقز) للعبيكان او جرير وحاسب بالماستر كارد او الفيزا ومشى!!
حنا حدنا دفتر ابو اربعين وكراسة رسم نلقاهم في بقالة المحطة...