[poem=font="Simplified Arabic,5,crimson,bold,normal" bkcolor="transparent" bkimage="backgrounds/ا.gif" border="double,4,gray" type=1 line=0 align=center use=ex num="0,black"]
صه وفارق روح والله لايردك = ماورى هذا التنائي من تداني
ودي لكن ودي ماهو مثل ودك =ودي صافي ودي صادق ومتفاني
[/poem]
[align=center]أبيات حلوة يابو حمود ..
وتبي الصراحة .. العنوان جنى عليها !
أنا أصلا دخولي قليل هنا وإلى دخلت طليت طلتين وطلعت
وأشوف العنوان ولا يشدُني .. همّن أعدي لغيره
يوم دخلت لقيت القصيدة حلوة والعنوان ـ حسب ذوقي طبعا ـ أشين ما فيها !
المهم القصيدة يابو حمود كنها تبي تكميل .. أولى ! كمّلها يامال الغنيمة
وما أخفيك أنا ضد توظيف المفردات الفصيحة في الشعر النبطي
لأنها بصراحة تضعفه ولا تفيده .. وبعض الشعّار التالين قام يستعمل
هالأسلوب حتى يلفت النظر .. وما أخفيك هو يلفت النظر صوتا فقط
لكن ما له قيمة في المعنى .. وبعدين (صه) مهوب فصيحة وبس ..
إلا متعدية الفصاحة لدرجة إنها تلفت النظر في القصائد الفصيحة مهوب النبطية !
والغريب إن بعدها كلمة (فارق) ! .. ياكبر الفارق !
وبعدين أجيك يا أحمد وأقول عبارات (صه ـ فارق ) ما تقال ـحسب ظني ـ للحبيب
حتى ولو صار حبيب سابق , مهما جرى منه .. اللي يحب ما يكره
وكلمة (فارق) سوقية مع احترامي .. شف يا أحمد ترى لو ما لي تجربة سابقة معك
كان ما قلت هالكلام .. لأني بصراحة لقيت صدرك واسع , ويهمك النقد الموضوعي
وهذا دليل على الثقة بالنفس , والثقة بصفاء قلوب الآخرين ..
الله يعطيك العافية .. وسامحنا على هالمداخلة اللي ما تقلل من روعة الحس
الشعري وجودة التعبير في القصيدة .. تقبل أعذب تحياتي[/align]
العرض العادي
