وشوله العريسه تلبس تشريعه والعريس يبلس بشت !!!!!!!

[عاشق ديرتي بريده]

اقتباس:  المشاركة الأصلية كتبت بواسطة الفتـ الذهبي ـى     غريب امرك ياصاحبنـــا ..!!! واي شي نسويه تسأل ليه تسوونه ..؟؟؟

لان اكثر الاشياء اللي نسويها اخذينها من غيرنا !!!

[عاشق ديرتي بريده]

اقتباس:  المشاركة الأصلية كتبت بواسطة ابوخالد382     والله ياعليك طلعات ياعاشق...بس التمس لك العذر ربما أصبت بضربة شمس,,تخبر الحراره مولعه علشان التمر,,,,طباخ اللون وعمايله.....تحيتي لك.

اسالك بالله يابو خالد مقتنع بالتبويس اللي يصير بعد السلام !!!
ومقتنع بالزوجه متلبسه الخلاقين البيض ولاتقدر تمشي منهن !!!
ومقتنع بكل اللي نسويه ويسمونها عادات وتقاليد !!!

[فور يو]

شكل عاشق تورط بالموضوع وتجاوز بعض المداخلات ...

ما عليه عاشق معذور , متعودين منك الدرررر .

[عاشق ديرتي بريده]

اقتباس:  المشاركة الأصلية كتبت بواسطة فور يو     شكل عاشق تورط بالموضوع وتجاوز بعض المداخلات ... ما عليه عاشق معذور , متعودين منك الدرررر .

أن لم تستحي فاصنع ماشئت
قلتها واقولها الف مره لن انزل نفسي لك يا........!

[مــنــال]

مرحبا أخي عاشق ..

و لطالما الطرحه و الفستان مافيه تشبه بالرجال ولا بالكافرات و لا تقليد و لبس أعتدنا عليه في الأفراح

ليش ودك تعمل تغيير لما اعتدنا عليه ؟؟


هل هناك ضرر من لبس الشرعة أو الطرحة ؟؟


و أيضا ً ، الرجل كذلك هل هناك ضرر من لبسه هذا في ليلة زفافة ؟؟

[....الأمير....]

أخوي عاشق

العادات والتقاليد ما فيها شي

يعني انت الحين كاره انك تبوس الواحد مع خده

ياخي اذا سلمت على أحد لا تبوس خده وخلاص

مو لازم تنزل موضوع عشانك ما تبي تبوس أحد مع خده

[عازفة ألحان الليل]

اقتباس:  المشاركة الأصلية كتبت بواسطة عاشق ديرتي بريده     والله ياعندنا بعض الاشياء نسويها ومالها داعي ماادري وش طيحنا فيها الحين من اللي قال للعريس يلبس بشت ومن قال للعروسه تلبس تشريعه الزواج !! ومن طلع لنا ان قبل الزواج لازم تسوي بطاقات دعوة زواج وتبلش بتوزيعهن واخر شي تحط بالزباله !! الحين من اللي قال للي يسلم (يصافح شخص) يجيب خده ويبدا يحبه (يبوسه) !!! برمضان كنه غصب ناكل سمبوسه والا شوربه منين جت العاده هذي وصار الفطور معروف عندنا ببريده !!! هذا غير الخرابيط اللي تصير بالزواجات والاعياد والحياة اليوميه !! فيه اشياء كثيره دايم نسويها وحنا نقدر نستغني عنها بس مازالت موجوده !! وراه حنا طبعنا التقليد والمشكله نقلد وحنا مااقتنعنا فيها !!

ياليت تكون القرآن والسنه هي عاداتنا وتقاليدنا

[عاشق ديرتي بريده]

اقتباس:  المشاركة الأصلية كتبت بواسطة Oo ManaL oO     مرحبا أخي عاشق .. و لطالما الطرحه و الفستان مافيه تشبه بالرجال ولا بالكافرات و لا تقليد و لبس أعتدنا عليه في الأفراح ليش ودك تعمل تغيير لما اعتدنا عليه ؟؟ هل هناك ضرر من لبس الشرعة أو الطرحة ؟؟ و أيضا ً ، الرجل كذلك هل هناك ضرر من لبسه هذا في ليلة زفافة ؟؟

هلا منال
بالتشريعه فيه ضرر لانه اول شي تقليد
ثاني شي كم تكلفته الماديه
حتى لو مافيه ضرر اقول ليش تلبسها مالها داعي !

[عاشق ديرتي بريده]

اقتباس:  المشاركة الأصلية كتبت بواسطة ....الأمير....     أخوي عاشق العادات والتقاليد ما فيها شي يعني انت الحين كاره انك تبوس الواحد مع خده ياخي اذا سلمت على أحد لا تبوس خده وخلاص مو لازم تنزل موضوع عشانك ما تبي تبوس أحد مع خده

ليتي اقدر ماابوس احد بس غصب هو يجرك
وبعدين منين جبتو عادات وتقاليد
كل اكثراللي نسويه الحين تقاليد فقط

[عاشق ديرتي بريده]

اقتباس:  المشاركة الأصلية كتبت بواسطة الفنانه والمبدعه     ياليت تكون القرآن والسنه هي عاداتنا وتقاليدنا

هلا الفنانه المبدعه
اتمنى ان تكون عاداتنا من القران والسنه
شكرا اختي على الاضافه هذي

[هين هين]

عاشق ديرتي بريده

التشريعه عشان تبلش

ام التبويس ارفضه ريحه شينه لصار اكل ثوم طازه ولا كله سعابيل

الله يعينك

تحياتي

[الذاهـبـة]

مرحبا استاذ عاشق بريدة ..

تقدر تبتكر ( زي ) جديد و ( عادات ) جديدة ..

و إن جازت لنا .. نبي نصير نقلدك و نترك هذي القديمة ..

وش تقترح مثلاً .. للعروس و العريس .. ؟

[عاشق ديرتي بريده]

اقتباس:  المشاركة الأصلية كتبت بواسطة الذاهـبـة     مرحبا استاذ عاشق بريدة .. تقدر تبتكر ( زي ) جديد و ( عادات ) جديدة .. و إن جازت لنا .. نبي نصير نقلدك و نترك هذي القديمة .. وش تقترح مثلاً .. للعروس و العريس .. ؟

هلا استاذتي الذاهبه
موضروري ابتكر عادات
بس نترك العادات الشينه اللي عندنا ونصير تخلصنا من الاشياء هذي

[الذاهـبـة]

طيب المشلح مو شين !!

حتى بدلة العرس و الشرعة مو شينة !!

مممممممم

ليش مو عاجبينك يا استاذ عاشق ؟؟

[عاشق ديرتي بريده]

اقتباس:  المشاركة الأصلية كتبت بواسطة هين هين     عاشق ديرتي بريده التشريعه عشان تبلش ام التبويس ارفضه ريحه شينه لصار اكل ثوم طازه ولا كله سعابيل الله يعينك تحياتي

والله انك صادق ياهين فعلا تبلش بخلاقينها وشف اذا جت تركب السياره نصف التشريعه طالعه مع باب السياره !!!

والتبويس هذا محوم سبدي والمشكله بعضهم يبتل يبوس !!!