(( رب النــــــــاس ولا قفـــــــرة عشــــــانا)) ...

[العبرى]

مثل أول مره أسمع فيه

بس حكايا توسع الصدر

وسوالفك ماتنمل

الله يرحم أمي لطيفه كانت كل ماصار بالأكل لحم

تقص سوالفهم وجوعهم!

رب أدمها من نعم وأحفظها من الزوال




تحيتي,,,

[فور يو]

الحمدلله على النعمه , اللهم احفظها من الزوال ...

بحر العطاء

موضوعك جميل , سرد مبسط يصل للقلوب قبل العيون ...

شكرا لك .

[بحر العطاء]

عبدالله 30

اقتباس: بحر العطاء00 أزال الله عنك الهم والغم00هذه المواضيع تسر وتبهج وتطرد الملل0

اقـر عينكـ .. وازل عنـكـ. غمام دنياكـ....

اقتباس: ظرافة00فائدة00معلومة00وتذكير بشكر النعمة التي نعيشها0

سلت يااخي وزادكـ نعمة

مشكور لاهنت على مروركـ الجميل

[بحر العطاء]

امرؤ قيس

اقتباس: شكرا لك بحر العطاء 00 بالرغم من مافي هذه المواضيع من بساطة الا انها تحمل فوائد وحكم تفيد المتلقي

هذا لجلكم ننقل للفائدة ... انقلها بأسلوب ساخر لجل عين الملتقى يستتمع لا يمل ولا يكل ...

اقتباس: ودائما ننتظر كل مايحمله قلمك اخت بحر العطاء 00

انا اعشق المثل الشعبي وابحث عنه لترجمتة ولو كلفني الكثير ...

كامواضيعي السابفة ... (الدباء)......(تسنك رضاح العبس )

وغيرها من المواضيع ...الشعبية هنا وهناك واحضرها متشوقة لحظوركم وروعة ردودكم ...

سلمت يااخي ولاهنت

[بحر العطاء]

جنااان

اقتباس: يارب لك الحمد والشكر الله يديم علينا مانحن فيه من النعم اما القصة ههههه دمتي بسعادة بحر العطاء

هلابكـ يالغلا وهلا بمروركـ
الله يخليكـ عساه دوووم هالضحكة

[البراق999]

بحر العطاء

فعلا انتي بحر وهذا البحر ملئ بالحكم والسوالف التي تطرب لها النفس .. امثال .. كلمات .. تبحري بنا في عالم الاباء والاجداد .. بصراحه اختي بحر يحتار الواحد كيف يرد عليك .

اقتباس: ياما عيوني أسمعوا كلكم من(ن) ياما عيوني وأنا عندي لكم وصية (( أفطنوا)) لخواتكم لابراء جسمكم الدين ياعل قلبكم ينعوي لهن وياوي ترأ معزتهن مع الناس تغنين أبدأ علي من العشاء(( والضحية))

بحر سلميلي على خالتك وقولي لها صح لسانك فعلا اذا الاخ كان عونا لااخوانه بعد وفاة الاب فهذي نعمة كبيره من الله .

اقتباس: ويكون معدودة القطع ((يعني كل واحد من العائلة له قطعه واحده صغيره )) ولي يخطي منهم أو يغلط ..عقابة الحرمان

بصراحه عقاب خطير وين ذيك الايام اللي يحرم فيها الواحد من الاكل او شي ماينوكل الا بالسنه حسنة .

اقتباس: تسعى للطبخ العشاء اللي يكون قبل يمسي الليل أي قبل المغرب بشوي تخبرون مهنا كهرباء ولا سهر تدرون لو حنا نسوي مثلهم كان الحين صحاتنا سليمة

صدقتي اختي بحر العطاء فعلا كانت حياتهم من اروع مايكون حركة وبركة عشاهم بدري ومن صلاة الفجر وهم يسعون لكسب قوت يومهم ... مب زي الحين العشاء بعد الساعه 12 بالليل لاوعاد لاحركة ولاشي نوووم وهذا اللي جاب لنا الامراض غير السمنة اللي جعلت الصغير كانه جمل من الشحوم اللي متراكمة عليه .

اختي بحر العطاء كل الشكر لك على ماقدمتي لنا من معلومات قيمه وخاصه فيما يتعلق بما كان يفعله ابائنا واجدانا فلا تحريمنا من هذه السوالف والحكاوي .

إدارة منتدانا الموقره :

اقترح لو يكون هناك زاويه مخصصه في المنتدى يطرح ويذكر فيها كل مايتعلق باعمال الاباء والاجداد في حياتهم اليوميه وش كانوا يفعلون وكيف كانت طريقة تعاملهم مع متطلبات الحياة ...لاننا فعلا بحاجه لمعرفة هذه الاشياء . وتكون باشراف بحر العطاء . اتمنى هذا الاقتراح يلقى استجابه من الاداره ويتم التنسيق مع بحر العطاء .


كل الشكر والعرفان لك اختي بحر العطاء والله يوفقك ويسعدك في الدنيا والاخره وان يجعل ايامك عامره بالسعاده والهناء .

دمتي لنا بالف خير وعافيه

سلالالام

[قهررررر أحبه]

بصراحه نكتة كلامك يوسع الصدر صرتي قروية وخبية بحتة يازينه من وين لقيتي هاالكلام طلع غبرات منك الله يعافيك ...
ايوه حنا بنعمه كبيره ماتبي ألا شكر االلهم أجعلنا من الشاكرين !!!!!
تحياتي لك يابحر على كلامك اللي يجنن ,,,

عزيل قلبن واقعن بين نارين
مابين نار الحب وبين نار قل المعرفة

[دروب السهر]

رائعه بحر العطا........ اذا تسالين عن البحر وعطائه فانت بحر العطاء لهذا المنتدى بالروايات القديمه والمفيدة



تحياتي

[بحر العطاء]

راشــــــد

اقتباس: (( رب الناس ولاقفرة العشاء )) غالبا ينقال هذا المثل ...إذا جاء الزوج إلى البيت تعبان من كدح اليوم ينتظر ام العيال تجيب التميرات واللبين ...وحلة القرصان ..! تسولف له ام العيال وش صار طوال اليوم بغيابه ...! وآخر شيء قبل ماتروح تجيب الأكل تقول له نسيت يابوفلان ...شف امطوع المسجد طق الباب علينا يقول ولدكم مايصلي الفجر يالمسجد ...ترانا نبي نشكيه على الهيعة !! ,,,,,,,,,,,,,, بعد تفكير عميق ...يرد عليها ...تشششششششششش همن عاد والهيعة (رب الناس ولاقفرة العشاء ) !! شكرا بحر العطاء

ايه دا ايه الحلاوة دي ايه الطروة دي ايه السواليف للي بترد الروح
اضافة جميلة اخوي راشد دمت بود..

[بحر العطاء]

لمبة الشارع
هلا ليموووو
دائمآ مرورك له معني واحد في عين بحر العطاء ..انك نهرآ يحمل تراب من ذهب ويصب على اجاج بحري ......؟؟

اقتباس: يازين جياتك يابحر ويازين سواليفك وعلومك ومجاليبك مثل عمتي رقية اللي اذا جت تزورنا من يوم تدخل الين تطلع وهي تشرّط !!!

كانها تجيب مثل هالسواليف خلها تتشرط بيديها ورجليها وخشمها ماعليك منها ..ياليت منهو قريبآ لعمتك ياخذ من حكيتها .....

اقتباس: عاد الله والعالم يابحر وانتي ابخص ان اهلنا ماشافو من النعمة الا لحمة الضحية او لحمة ناقتن عجوز شاخت وذبحوها قبل تفطس وفرقوها على اهل الديرة وكلن طاله من اللحم جنب...

ايه سبحان الله منول شفقة الحمه ..

اقتباس: تورمت محاجري يوم قريت...

بسم الله عليك محاجرك ومعليقهن انتبه لايجيك الخاز باز ...

اقتباس: الله المستعان ..!! هذا ماجاء في بالها من النعيم ..العشاء..والضحية...!! سقا الله قبورهم بوابل الحيا يابحر .... يقول ذاك وقد تمنى أمنية ووعد ربه بالطاعة ان استجاب له ... والله لصلي لربي فروضن تماما...واسجد لربي فوق روس الطعاميس وتقولين لافض فاك

إلا غصبآ عليك لا فض فاك
على كلمة
سقا الله قبورهم بوابل الحيا يابحر ....

اقتباس: ولا ادري ليش السجود فوق روس الطعاميس هو ذروة الطاعة عند اهلنا..وهل الطعاميس هي الطعوس أو المرافع او وشي يابحر...وهل ذلك لانها حارة التراب تؤلم الارجل والجباه..أم ان الامر له حكاية ؟؟؟

عشان مكان مرتفع وعور وغير مريح.. وحار ورمضاء تشوي.. او بارد صاقع

اقتباس: اما قبة رشيد يابحر فماعادت قبة ..!! صارت (خمسة بارك افينو)...صارت مبيعة الماركات العالمية ومعقل اساطين المال في بريدة لكن بوجه جديد..فلم يعد رشيد الدرابى ولا العرفج ولا الرشودي رحمة الله عليهم...صارت مافيا اليمنية تعيث فيها ...تحت اعين هوامير المال والموضة والذهب في بريدة والى الله المشكى...

الله يعينكم وصولكم اليمينه ..ولا قبة رشيد بعد .. ياربيه والله ياهم ... بادين و مكوشين على الجملة ,بمعقلية ..والمرقب والسبالة والديرة..وغيرها ممن محلات الجملة عندنا بالرياض ولا تهون البطحاء
تجي له تقول بكم البضاعة يقول ماعندنا فطاعي عندنا جملة وشوال بعد
وجع .. انا وش ابي بجملة اقسمهن على الجيران ..او ابسط وابيع الفايض ..ولاااا يحلف ويمين انها اصلية وانها ماركة ..ويلحس المخك.. لا قال هاذي اخر قطعه لحق او تلحق ..خلصت من المستودع وهي مضيقة عليه

تسيفلهدين تسبدي
لادخلت الرياض واسواقها تحسبك بصنعاء ..

اي والله ... الله المشكي . المشكى
دمت ياخي لمبة بمرورك .. وخل لمبات الشوارع تولع لا تطغيهن

[بحر العطاء]

قصمنجية..والنعم الف

هلا بكـ يالغلا بمرورك

اقتباس: هلا ببحر العطاء .. و الله سواليفك ما تمل, أثاري القفره هي هذي , أنا من فرط الذهانه أحسبها ( الحافة) يعني موضعك من الأكل , لكن على حسب وصفك تذكرت... أذكر الوالد _ أطال الله بعمره على طاعته_ قد مرة عزم أنه يسوي هذي , وهو رجل كبير بالسن , المهم أتذكر جاب لحم و عمل عليهن و كان ينشرهن و مختب و متحمس , طبعًا لا تسألين سؤال بيئي ..لأن البيئة أنتحرت عن عتبات بيتنا أثناء ترجمة الوالد لحنانة لسالف أيامه , المهم كنا نتأفف و الوالدة تغمّز لنا و تعضعض على شفاته , يعني أنطموا " شوفي بس حرية الرأي " ما هي هنا المسألة المسألة أنه لم أنتهـى من شغلته و جاء بياكلها , قال : مااااش السفره هي السفرة " ويقصد بها القفرة " لكن الوقت ماهوب وقته ...

ياملحك انتي بعد وملح ابييك للي دحى اللحم ملح وخلص ملح اهل الشقة .. عاد كم قعد معلقهن بالحبل ...؟؟

مشاءالله على اميمك الدقرومطية عندها مطية خخخخ..

ماقولة ابوك السفرة هي السفرة...يقصد آآآآه وين السنون للي تقطع قفرة شاقي ..ياحياة الكسافة يوم جت القفرة راحت الصحة والسنينات ....

تسلمين يالغلا على تواجدك ومرورك دمتي بود وهلابك

[بحر العطاء]

الززززززززززززعيييييييييم<<من شدة التهلات

اقتباس: ياسلام رغم ضيق ذات اليد وظروف الحياة الصعبه كان هذا المثل: رب الناس ولاقفرة عشانا معلومه ومثل جديد لاتحرمينا بحر من مثل هذه المعلومات الأثريه الجميله بتواجد المخضرم راشد الصليحاني

اخوي الزعيم
مرورك وجودك اسعد النفس بحق

غريبه ياشايب جديد عليك المثل جديد عليكــ

والله ماقصر احوي راشد مروره كان جميل ورائع

[بحر العطاء]

تاج القصيم
هلا بكـ وهلا بمروركـ

اقتباس: ذكرتني بموضوعك القاص الشرهان سواليف ووسعة صدر والفوائد دائما في المواضيع مثل هذا تكون خافية لكن حلاوة الشي ببساطته وعدم التكلف أشكرك على حضورك الجميل

طبعآ في احدى المنتديات يطلق علي الشرهانية
الله يخليكـ ..يسلموووو
.ننقل الفائدة بطرقة مسلية وممتعة

[بحر العطاء]

مبحوحة الصوت
هلا بكـ يام البحات والشحطات

تسلمين يالغلا على مرورك دمتي يالغالية

[بحر العطاء]

عيون الصقر
ياعيون الشوق يانظرة صقر <<شف مشاءالله كتبتلك قصيدة...

مرورك له دعم خاص بنس بحر ودمت يااخي بود

اقتباس: مشكوره اضفتي لمعلوماتي شي جديد لان صاحب هالمعرف مبتلى جدا بحب التراث النجدي والمصطلحات الشعبية وما افوت شايب بمجلس الا امسك حلقه عن عادات وتقاليد وطقوس وقصايد زمان اول والموضوع حق القفرة صور احوال اهل نجد ايام الجوع والشقا وكفيتيني مسكة شايب.

اخي صقر هناك مواضيع لبحر العطاء.. شرحت بعض الامثال الشعبية وقصص شعبية بسلوب طريف..وكنت اضع مواضيعي .على بدايات ايامي بمنتدى . بقسم السوالف والطرائف .. ولكن لم اجد متابعة واهتمام فيها رفم المواضيع الهادفة
وكم كنت اتمنى يعنى بها من قبل الادراين ويفتحونها من جديد وتحمل الى المنتدى العام .. لجل الطرح والفائدة والمجهود

سلمت وغنمت وربيت ماجبت