حديقه قوافي خيمه الشعر

[pepsi]

ملح القصايد حدني لشي مابيه
ووردت له حمل الركايب لحالي
له هقوة(ن) فيني ولي هقوة(ن) فيه
والغالي مايشره على غير غالي
اموت والله قبل اخيّب هقاويه
لو احتمل شي(ن) يفوق احتمالي
انا من اللي ذراع الايام تلويه
جماعة(ن) مافرقتها الليالي
عمي وخالي للشرف راس ووجيه
من طيب مجنايه عمامي خوالي
ناس اتذكرها .. وهي ماهي هنيه
وناس اتناساها .. ولو هي قبالي
اشد طعنات الزمان وبلاويه
طعنت ضهر بيد الرفيق الموالي
بيت(ن) لفاه الضيف عيا يعشيه
يعل ماتلفي عليه الرجالي
الشعر تشتاق لخيالي معانيه
شوق القصايد للبيوت الجزالي
حقه علي .. مثل الخوي يوم اخاويه
ارفعه فوق النايفات الطوالي
لعيون من راسه على القلب راكيه
اللي فدا قربه حلالي ومالي
اني لسوي شي محد(ن) مسويه
ان شافه العاقل يصيبه هبالي
وان عودت يم الغلا شلون مغليه
لا صار له كل الغلا اول وتالي
يخطي على قلبي ولا قلت له ليه
وكل ماجرحني قلت له لا تبالي
فداه لو تل المعاليق بيديه
ثم حط له بين الحنايا مجالي
لجل يتخطا عروق قلبي برجليه
ويعضد يدينه بالضلوع متعالي
دامي احبه حيل .. واعشق طواريه
خله يتل القلب كل ما طرالي
ملح القصايد حدني لشي مابيه

ووردت له حمل

الركايب لحالي

[نـــزف اصيـــل]

صدري شجر واحلام قلبي عصافير == لاغابت الشمس ونويت الكتابه
يسيل حبري ماشكيت التعابير== لكن اسأل ..مالقيت الاجابه
==========
شعر : نزف اصيل

[صيـدلآنــي]

كم واحدن له غايتن ماهرجها
يكنها لو هو للأدنين محتاج

[pepsi]

وَقْتِيْ فَقِيْر وْحَكَايَا الصُّبْحْ تمْلانِي
............... والجَرْح شَرَّعْ شبَابِيْكَه و بِيْبَانَه
يمُرِّنِي العُمْر مُكْرَهْ ويْتَعَدَّانِي
............... ويملِّنِي الليْل لِيْن تضِيْقْ جدْرَانَه
صَمْتِي شَرَحْه [ البِكِي ] والحُزْن غَنَّانِي
............... أَشْعَلْ ذُنُوْب الحَنِيْن ومَلَّ غُفْرَانَه
كنْت أَبْذر الشَّمْس فِي كَفِّيْ وأَلْقَانِي
............... عَلَى جَنَاح السِّمَا أَخْتَار لِي خَانَه
كَنَّا نطَرِّزْ ثِيَاب المَوْعِدِ الثَّانِي
............... كَان الأَمَلْ طفْلِنَا ونْقَبِّلْ اجْفَانَه
مِنْ دَلِّنِي الليْل وَاحْزَانِي هِيَ أحْزَانِي
............... أَرْضِيْ يبَاس وْعُيُون الغِيْمْ عَطْشَانَة
تَبَّتْ يدِيْن الغِيَاب اللِّيْ تَحَدَّانِي
................ عَيَّا ينَام انْتِظَارِيْ والوفَا خَانَه

[pepsi]

عَلَى حَدّ العَطَشْ والمَاءْ هَارِبْ واللِّيَالِي جرْد
ـــــ يجِفَّ الصُّوْت يَا دَلْو الكَلامْ ومَا لقِيْت رشَاه
تَأَرْجَحْ بِي رُمَاد الوَقْتْ أَنَا والطَّاولَة والنَّرْد
ـــــ خَذَتْنَيْ ضَرْبَة الحَظَّ البِخِيْل اللِّي نسَى مَمْشَاه
وَأَنَا طِفْلَة تَهَاب الأَمْكِنَة والمدْخَنَة و البَرْد
ـــــــ تحَاولْ ترْسِم الأَحْلاَمْ بالأَلْوَان والفُرْشَاة
أَصَابِيْعِي مسَاكِيْنَ الطُّمُوحُ وذَابْلاَت الوَرْد
ـــــــ تلَوِّحْ والنَّهَارْ أعْمَى يدُوْر ومَا لِقَى عَطْشَاه
وَأَنَا تَغْرِيْبَةَ العُمْرَ القِدِيْم اللِّي كتِبْنِي سَرْد
ـــــ عَلَى سجَّادِتِي ينْبَتْ أَذَانَه والفَجرْ يغْشَاه
وتِنْدَهْلِيْ مَلامِحْهم
وذِكْرَاهُم
وتخْفضْ لِي جَنَاحْ الهَمّ
يْعَزْف الضِّيْقْ فِيْ صَدْرِي
ويمْلاَنِيْ
صدَى غِيَّابْ
تَرَا [ كِذْبَة ] إِذَا قَالَوْا :
ـــــــ [ إِذَا ضَاقْ الفضَا بِكْ غَنْ ]
خَذَتْ صُوْتِيْ أَغَانِي الرِّيْحْ
وهَذَا الضِّيْق مِنْ يُوْمَه
تُوَحَّدْ بِيْ
وْغَنّانِيْ
وأَلْقَانِيْ ..
عَلَى ذِمَّة جفَافْ وْلِيْل ..
أَنَادِيْ مِنْ وِرَا صُوْتِيْ
عَلَى أحْبَابِيْ
ومِيْلادْ السَّهَر يرسِم
حَكَايَاهُم
عَلَى بَابِي
وَأَنَا مَـ اعْرِفْ
طرِيْق الصُّبْح فِيْ عِيْنِيْ
وَلا شَكْل السِّمَا وشْلُوْن
وهُمْ يدْرُوْن
- والعُهْدَة عَلَى ظَنِّيْ -
بِأنِّيْ – وإنْ كتَبْنِي الصَّمْتْ -
/
أَدَوّرْ فِيْ هَجِيْرِيْ ظِلْـ
ـــــــ يصُبّ العشْبْ مِنْ مزْنِيْ
وَأَأشِّرْ بَآخِرَ أطْرَافْ الْـ
ـــــــ جِيَاعْ اللِّيْ مَلَوْا حزْنِيْ :

[pepsi]

يمـّـه من سنين .. ماضرّوا / ولآ / سرّو ...!!
.. وأنا / لي سنين .. كآشخ / فيهم ( أحبابي ) ........!!

برّيت فيهم .. سنين العمر .. ما / برّو ......!!
.. و كظمت غيظ السنين .. و قسوة عتابي ...........!!

هبـّـت رياح الليالي ( همّ ) .. وأتعرّو .......!!
.. وقمت أنتخي بـ المواجع .. و أفصخ .. ثيابي .....!!

وأرمي بها .. ألبسوها ( عز ) و أتورّو ....!!
.. وأنا .. أبـ أبعد / بعيد هناك .. لــ ( غيابي ) ........!!

[>ريانه<]

ابكتب من بيوت الشعر حزن(ن) يشتهي حرفـي
أبرسم داخل أحلامي صـور تحكـي معاناتـي
أبصرخ داخل الوجدان أبنـدب حظـيَ التّرفـي
بقطَع حفنةَ أوراق(ن) تضم احساس مـن ذاتـي
تعبت أشكي الم حزني تعبتَ أغضّ من طرفـي
عرفت اني إذا سامحـت تجـدد كـل مأساتـي
في هالعالم عجزت ألقى ضمير مّقدر(ن)ظرفـي
عجزت ألقى يد(ن)تمسح على حزني وعذاباتـي
كرهت الحب والاحساس وصار الكره من عرفي

[pepsi]

من عقب ما مـرن سنيـن ٍ طويـلات
فـي صدفـة فيهـا حشـا مادريـنـا
ولاهقينـا نلتقـي عـقـب مـافـات
لاشـك جابتـهـا الليـالـي وجيـنـا
رغم الفراق ورغـم ذيـك المسافـات
فـي موقـفٍ بـان التوتـر عليـنـا
لحظة تليـن ابهـا القلـوب القويـات
قالـت شلونـك قلـت ربـك عوينـا
الحمـد الله عاضنـي عقـب لـوعـات
الله رزقنـي فــي هـنـوفٍ تبيـنـا
احيت خفوقٍ كان من اعداد الاموات
هي نـور عينـي فرحتـي والضنينـا
ألقابها عـن ظيقـة الصـدر سجـات
قالـت شـلـون وقـلـت لاتسأليـنـا
مافـات فـات ولا تفيـد الحسوفـات
قالـت تكلـم قلـت مهمـا حكيـنـا
الدمـع ماينفـع عزيـزٍ اليـا مــات
قالـت نسيـت وقلـت لا مـا نسينـا
لكن قنعنـا والقناعـه مـن الـذات
قالت أروح وقلـت وش فـي يدينـا
روحي عسى في كل خطـوه سلامـات
بصبـر علـى فرقـاك مهمـا حييـنـا
ولا تـشـوه صــادق الـحـب زلات
قلـت اسمحيلـي قـبـل لا ترحليـنـا
يـم الديـار اللـي علينـا بعـيـدات
تـراي ذخـرك لاحدتـك السنيـنـا
أجيـك مهمـا واجهتنـي صعوبـات
من اليـوم اخـوك وغيرهـا مابغينـا
كلي فداك أن صار بالوقـت ميـلات
وتبسمـت بإعجـاب مـدري حنيـنـا
وتهشمـت قـدام عينـي بعـبـرات
قالـت فـمـان الله قـلـت انتهيـنـا
واقفت تكلـم نفسهـا بـس بسكـات
وقفـت تقديـر لهـا ثــم مشيـنـا
درب مشوه أهل القلـوب العفيفـات
أمشـي واردد ليتنـا مـا التقيـنـا
وش جابها عقـب السيـن الطويـلات
ياليتنـا عـقـب البـطـا مالتقيـنـا

[pepsi]

ما ضيّعك من يديني .. غير هالطيبه
شف طيبة القلب يا خفّاقي وش جابت ؟

ما جابت إلا جروح و ( شبه تغريبه )
وأحلام .. مدري !! ولكن شابت وعابت ..

يسعى لـ بعدي وأنا أسعى لـ تقريبه ،
ثابت على مبدئي .. طول العمر ثابت !

يا قلب هو باعنا .. وما باقي بـ جيبه
إلا دعاوي لعين العاذل ..... وصابت !!

العام : كان بـ يدي .. يومي أماريبه
واليوم : كنّه ( جروح ) وللأسف طابت

ملّيييييت من كثر ما أغني على الغيبه ،
والظاهر إنه عجبها صوتي ... وغابت !

[pepsi]

يا ابن ادم لا يغرك طول الامل وكثرالتمني
تراك مقفي والنهايه قريبه
والــعــمــر مــــحــســـوب بــــالـــثــوانــي
لازود ولا نقص ولا فيه ريبه
ومــســئــول عــن الــقـاصــي والــدانــي
واصبر على ما جاك من مصيبه
ولا تـظــلــم تــرى الــحـــــق يــبــــانــــي
ودعوة المظلوم على الظالم مصيبه
تــجـرح شـعــوره بـكـلام مـا لـه مـعـانــي
تضيمه وجروحه تزايد لهيبه
امـسـك طـريـقـك ولا تـصـيـر عــدوانـــي
باسباب ظلمك وجروح القلب عطيبه
حــســبــي الله عــلــى اللـــي بــلانـــي
انا ارجي اللي من ترجاه مايخيبه
عــالــم الــظــاهــر ومــابــيـن ضـلعانـي
يجلي هم بقلبي تزايد لهيبه
ويـريـح بـالــي ولا يــفــرح عـــدوانـــــي
يبين الحق والظالم ظلمه يخيبه
ويــجــمــع قــلــوبــنــا بــود وحــنــانــي
نفرح بجمعنا والظالم ظلمه يعيبه

[عايشه غربه]

,,.




,’,
مابين لحظه وداعك واللقى بانت لي نوايا
ياكل النوايا ,ياكل السجايا ,ليه كل العذاب~

الشوق لبى قبل لايزورني طيفك وشقايا
والمرايا مابها مزايا ,غير دمعة الأهداب~


عودتني لاغبت بمهميه آجيك وكلي مزايا
وتعودت اكون لك زهرة منها الشوق ذاب~

ذكراك المستبده مابين ضلوعي والحنآيا
وامسيت أعد ليالِ أخفى قمرهآ الغيآب~

بنت نجد مابين قلبها والعقل رب البرايا
ربً جمع قلوب نقيه,ياعسى الحظ طاب~

وأن دارت بي الأيام وصارت الصور بقايا
مالنا بالبعد خيار كود شمعةِ بسكتها تذوب~

وياهذيك الليالي ياصدفه يأأجمل مطايآ
ياعساني عقبها عن درب الهوى اتوب~

وأن وردت حبل الغوى ومتاهات المنآيآ
نافحت عن خافقي من سمومك والهبوب~

وذباحه الحايل لطامة العايل هم لي طرايا
هم عزوتي لاصكت بوجهي دنيا غضوب~

الله اللي وهبني يوم اكثر النآس عرايا
ونذرعلي نذر ماتدنس بيدي دنيا لعوب~

ونهايه النهايه دمعه وتذكار ورد وعطآيآ
يوم أنك تواريت يوم مت يالوجه الشحوب~

مافقدتك ياحزن ربي يجازيك بذي السوايآ
واسيت الجرح مامات منه وماكان بأطباب

لا بكت الأحلام راغمه وصلتنيي بالهدايا
هذاحزن! ياهل كيف وفينا مخطيٍ مصيب ~

,.,

[pepsi]

المظهر اللي ينخدع به كثيرين
انا يساوي في حياتي ولاشي

ماينخدع قلبي بما يعجب العين
هذي حقيقه مذهبي دام انا حي

والناس كلن له بفكري موازين
اميز الصايب واميز هل الغي

كم واحد نفسه دنيه ومسكين
وهو يغرك باحسن اللبس والزي

يحسب سواليف الرجال سباحين
يرجي ثمر زرع قطع دونه الري

اوصيك ياسامع كلام الموصين
لا استعصت العله ترى طبها الكي

وان صادفك في وقتك الموقف الشين
فاصبر ترى درب الصبر يورد المي

والحق مايفرض بوضع القوانين
الا بدين يفرق الحسن والسي

ولايراوي الضامي كلام متمنين
ولاصار ماشرع بكفه على الطي

وان بار بك صاحب وهو يقدر الزين
فاطو الرجا واختر لشمه على الفي

تبقى عزيز النفس لو عشت بالطين
ولامنهً توصل قراره جبل طي

المظهر اللي ينخدع به كثيرين
انا يساوي في حياتي ولاشي

ماينخدع قلبي بما يعجب العين
هذي حقيقه مذهبي دام انا حي

والناس كلن له بفكري موازين
اميز الصايب واميز هل الغي

كم واحد نفسه دنيه ومسكين
وهو يغرك باحسن اللبس والزي

يحسب سواليف الرجال سباحين
يرجي ثمر زرع قطع دونه الري

اوصيك ياسامع كلام الموصين
لا استعصت العله ترى طبها الكي

وان صادفك في وقتك الموقف الشين
فاصبر ترى درب الصبر يورد المي

والحق مايفرض بوضع القوانين
الا بدين يفرق الحسن والسي

ولايراوي الضامي كلام متمنين
ولاصار ماشرع بكفه على الطي

وان بار بك صاحب وهو يقدر الزين
فاطو الرجا واختر لشمه على الفي

تبقى عزيز النفس لو عشت بالطين
ولامنهً توصل قراره جبل طي

[>ريانه<]

عندما أبدأ بالكتابة
أجد نفسي وأجد ذاتي
أجد نفسي تنطق بالحروف المقهورة
التي تأبى أن تتوراى بين السطور
أجد ببعض الأحيان
أدمعي تنساب على ورقتي تبللها
فتبقى حروفي هي ذاتي الخجول
الذي تريد التحرر ولكنها تأبى
وأحياناً عندما أكتب
أنسى أن لي أبجديات ومقاييس
المفروض لا أفرًط بها
أما عندما أكتب عن حبي
أجده يتجسد بمعاني ضعيفة بين السطور
لأنني أجد حبي بداخلي
نابع بكل حساسية

[خــــا لـد]

شفتك هناك وترمي القش في النهر
وتظللك من لطف ربي غمامـــــه

المح طيوفك سر واقولها جهــــــر
ان اللقاء بيكون يوم القيامــــه ـه

خــــا لـد

[آلكآبيتآنو]

^
عوداً حميداً يَ خالد = )

كل خير و له مصب .. و له منابع
أعمل لِ خير رمضان من البدايه !
لا تقول : اليوم مدري وش بَ أتابع
قول : كم بَ اقرأ من القرااان آيه !