قِد لي سنين أنساك واغتآب صمتك
........... واثري أكوّم بالحشا صوت وشْجون
تشرق .. وانا بك أنطفي لآ ذكرتك
......... وتْـفزّ في صدري مثل نَصْل مجنون !
إيه والله إني من رحلت افتقدتك
......... و البُـعْــد :
1- مُــرّ
2- ودون مبدا ..
3- وملسون !
من مِتّ مات العمر كله و مِتـك
............. حتى ولآ ادري وين بالأرض مدفون !
البارحه :
شفتك .. مثل ما تركتك ..
............. في عين غيري حلْم وبْحلمي : عْيون
البارحه :
لو كنت أقدر .. نطقتك ..
............ لو يطلع اسمك من فمي غير موزون
البارحه :
طآريك مَرّ .. وسهرتك..
......... في حِزْن ، و اذكر ضحكتك برْق ومْزون
البارحه :
لآذ اليباس بْشجرتــك ..
.......... وتْساقطت تحته .. عصافير و غْصون !
العرض العادي
