نوم وعلى الله يامعينين / أجري !!
غضوا بصركم .. صدر الأيام عاري
ناحل وعودي من ردى الحظ مَبري
راحل ( وأغرق وابل الياس داري )
لاتسرق الساعه ترى الوقت : بدري
خل الأمل يفرغ حموله / يساري !!
شفني فرشت ( الفقر ) ماهزك أمري
شفني على موعد مع حلم / ساري !
مليت .. أساوم ضيقتي مين يشري ؟
كم لي أشرق بالمواجع .. نهاري
الحر جمره .. وأنت زودت جمري !
والجمر رمّد .. ليش شبيت ( ناري )
نويت : أصافح بالأمل كف / فجري
صفيت صبري وإمتلا به / جداري !
جيتك ابي تلويعة الياس .. تسري !!
قفيت وأقفى معك ( طِفل إنتظاري )
محتاج / راحة / ظل / أحلام / مدري
عن اذنكم ياناس [ نوم إضطراري ] !