لاضاق صدرك اعتبرني من اهلك
تعال فضفضلي عن همومك وشف
اصير لك مثل السحابه وابللك
مع ان جوفي من مطر ضيقتك جف
ما كان قصدي اني بهمي اشغلك
بس حولنا اشياء في قمه السخف
المجتمع والظلم واني ما اوصلك
تجبرني اخنق معظم انفاسي ب اف
من كثر ما اعرفك احس اني اجهلك
ياللي سكوتك حد ذاته تفلسف
تدري وش احسك وانا اتاملك
طفل مهذب جالس ف أول الصف
تعال نغفي وسط دفتر السلك
تعال نسمع همسه الرف للرف
تعال ننفخ شمعه الهم داخلك
تعال نعطي وجه الاحزان كم كف
تعال نرسمنا على جدار منزلك
تعال نشطبنا من جروح تنزف
وان كان جيتك ذات ليله ابسألك
عن حبل بعدك ليه عنقي التف
اضحك علي وقلي معقوله اقتلك
وانا ابضحك لك واقول ايه صرف
يا حلم عمري وانت اقبحك اجملك
عن عرقله ركض الاحاسيس بي خف
وان كان جيت من الوله ودي اكلك
اصرخ علي وقلي احبك بعنف