بالمسجد ولد الجيران ضرب ولدي وش الحل

[هذام]

[align=center][/align]

والصلاة والسلام على سيد المرسلين
أخواني أخواتي في الله السلام عليكم ورحمة الله وبركاته

في فناء المسجد حدث بالأمس بعد صلاة العصر أن أحد أبناء الجيران ضرب أبني (11سنة)بعد الصلاة وخلو المسجد من المصلين إلا القليل أنتظرت الولد فلم يحضر عن الوقت المتوقع حضوره وبعد فترة حضر الولد وهو يبكي فقلت له مالك قال أبن الجيران(12سنة) ضربني فسئلت عنه فقالوا أنه الولد الذي نصحته قبل اسبوع وهو يضرب أبناء الجيران برجلة من الخلف وهم سجود في الصلاة فعرفته فما رايكم بهذه المشكلة وما هو الحل ...و لو كان المضروب أبنك أو أخوك أو أي قريب لك فماذا تفعل ؟
فمن له راي في هذة المشكلة يسعدني أن يدلي بدلوه ولكم مني جزيل الشكر و الثناء
أخوك هذام

[تفاؤل]

أقرب وأفضل حل هو أن تكلم والد هذا الطفل

وتشرح له الموضوع بإسلوب طيب ومحبب وصدقني سوف يتصرف مع ابنه

بما يردعه..

أسأل الله لك العون والتوفيق

[مستحيل آنسآك]

يوم انك ماتعرف تربي وتصرف لاتعرس ياخي وتجيب بزران

[إلينـ اليوم]

أسطرو ولاوه ناطن هناك
وقله مره ثانيه ابمسح بك الارض
اذا هي على ابوه بيقوله لاتعودله ونتهت السالفه

[أبو الريش]

والله ودي أقولك وش تسوي ,,,

لكن, لاصار عمر ولدي مثل عمر ولدك وأنضرب وأشوف أنا ردة فعلي أعلمك

لكن , ظاهرة البزران بالمساجد واللعب والضرب والإزعاج موجوده بكل مسجد

والمشكله الكبيره أن أبائهم تاركينهم على كيفهم,, ولا كأن المسجد له مكانته العظيمه



الله يصلح الجميع

[ميرنون]

الجار ولو جار...
حاول ان تحلها بعيد عن الكبار
خذ بالولد جانباً وحذره ..
واذا كررها اشدد عليه بالكلام بدون ضرب او انقل الملاحظة لإمام المسجد او المؤذن
ليشدد على الأباء بلا تخصيص او يكلم الأب بدون ان يبين أن الشكوى منك ..
وتذكر أن الأطفال سرعان مايتصالحا بل ويصبحان صديقين حميمين
والكبار يؤثر فيهم تأثر دائم ولو لم ينطقوا ..!
تقديري..

[هذام]

ماشاء الله ردود جميلة وأفكار نيرة
الشكر للجميع على المرور و المشاركة
واتمنى المزيد
شكرأ

[بسومة بريده]

المشكله اذا ضرب ولدك وهو جالس قدام الباب ...!!!!

بصراحه كنت اسكت واقفل الباب على عيالي واقصر الشر ...

لكن احيانا ملل الاولاد يحتم علينا الخضوع لهم وصرت اسمح لهم بالوقوف قدام الباب...

واذا تعرض لهم احد شعثته بس مليت من هالطريقه تعبت من الهواش مع ا لبزارين...

فلجأت لفكره افضل وهي كسبهم وفعلا صرت اعطي ولدي هدايا وحلويات يوزعها على الاولاد

بالحاره وانحلت المشكله فبدل مايحقدون عليه ويضربونه صاروا يحبونه....

والي يلاحق البزارين وهواشهم بيتعب ...

هذولا جيران لازم نتحملهم ومافيه مانع من نصحهم وتوجيههم....

[سيف وفيصل]

اقتباس:  المشاركة الأصلية كتبت بواسطة هذام     [align=center][/align] والصلاة والسلام على سيد المرسلين أخواني أخواتي في الله السلام عليكم ورحمة الله وبركاته في فناء المسجد حدث بالأمس بعد صلاة العصر أن أحد أبناء الجيران ضرب أبني (11سنة)بعد الصلاة وخلو المسجد من المصلين إلا القليل أنتظرت الولد فلم يحضر عن الوقت المتوقع حضوره وبعد فترة حضر الولد وهو يبكي فقلت له مالك قال أبن الجيران(12سنة) ضربني فسئلت عنه فقالوا أنه الولد الذي نصحته قبل اسبوع وهو يضرب أبناء الجيران برجلة من الخلف وهم سجود في الصلاة فعرفته فما رايكم بهذه المشكلة وما هو الحل ...و لو كان المضروب أبنك أو أخوك أو أي قريب لك فماذا تفعل ؟ فمن له راي في هذة المشكلة يسعدني أن يدلي بدلوه ولكم مني جزيل الشكر و الثناء أخوك هذام

طلع من جيبك خمسة وإلا عشرة قدام أبوه وعطها إياه و قل له هذا مقابل
إني شفتك تنصح اللي يلعبون بالمسجد فكثر الله من أمثال،،
لازم تصنع هالفرصة،،،
ربما يكف أذاه عن أولادك وأولاد غيرك
وجرب بس هاه ابي دعواتك

[لمعةالألماس]

المشكلة أنهم بهذا العمر 11سنه و12سنه قد يكونون غريبي الأطوار
قد تتعامل معه بلطف فيتمرد !
وتتعامل معه بقسوة فينتقم!
وتتعامل معه بتجاهل فيحقد!

...عامله بحكمة
إليكـ هذا الأسلوب الذي قد يفيدكـ

أولا حاول أن تمسك بيد ذاك الصبي , وأجلسه بقربك بهدوووء
وكلّمه وأنت مبتسم , بدون حضور أبنك أنت وهو فقط وأنت تكلمه حط يدك على كتفه أو أمسك يده وبصوت هادئ
أولا أمتدحه بقولك أنك أنت فلان إبن فلان وأنت أفضل واحد من الجيران
سمعت من الناس إنك فعلت كذا وكذا ...
وأنا ما أصدق إنك تسوي كذا أنت ماشاء الله عليك أعرفك ما تغضب ربك ..
بس قلت لك علشان أبيك تبيّن للناس إنك أحسن واحد بأخلاقك وأدبك وأنك تحترم المسجد والصلاة
وأبي كل الجماعة يشوفون تصرفك الطيب علشان ما أحد يزعجك بكلام مايرضي أحد...
وإذا إحتجت شي تراي مثل أبوك وولدي أخوك ,,
بعدين أدعو له ,,
وإن شاء الله تطلع بنتيجة ...

والله ييسر أمركـ

[هذام]

اقتباس:  المشاركة الأصلية كتبت بواسطة @جمرة@     المشكلة أنهم بهذا العمر 11سنه و12سنه قد يكونون غريبي الأطوار قد تتعامل معه بلطف فيتمرد ! وتتعامل معه بقسوة فينتقم! وتتعامل معه بتجاهل فيحقد! ...عامله بحكمة إليكـ هذا الأسلوب الذي قد يفيدكـ أولا حاول أن تمسك بيد ذاك الصبي , وأجلسه بقربك بهدوووء وكلّمه وأنت مبتسم , بدون حضور أبنك أنت وهو فقط وأنت تكلمه حط يدك على كتفه أو أمسك يده وبصوت هادئ أولا أمتدحه بقولك أنك أنت فلان إبن فلان وأنت أفضل واحد من الجيران سمعت من الناس إنك فعلت كذا وكذا ... وأنا ما أصدق إنك تسوي كذا أنت ماشاء الله عليك أعرفك ما تغضب ربك .. بس قلت لك علشان أبيك تبيّن للناس إنك أحسن واحد بأخلاقك وأدبك وأنك تحترم المسجد والصلاة وأبي كل الجماعة يشوفون تصرفك الطيب علشان ما أحد يزعجك بكلام مايرضي أحد... وإذا إحتجت شي تراي مثل أبوك وولدي أخوك ,, بعدين أدعو له ,, وإن شاء الله تطلع بنتيجة ... والله ييسر أمركـ

كل هاه الكلام قلته يوم أنصحه وأزود من ذلك لكن إبليس ماترك أحد حتى مع الرضاعين فرغ وقته واجتهد علينا كلنا ونجح وهذا من قلة الناصحين و الموجهين من آباء و آمهات و معلمين بآداب المسجد و وحق الجار و وأشياء كثيرة تدرون أخواني أن الطفل يأخذ 90% من القيم و والآخلاق و العادات و التقاليد وعمرة 7سنين ..يعني أن ما ربيناه وعلمناه من المهد إلى 7سنين راح الولد فيها ..ما أقول إلا الله يهدينا أجمعين لهدي سيد المرسلين ...آآآآآآآآآآآآمين

[ســمـويO]

[align=center]أولاُ أوخوي معنى هذا إن المسجد فيه لعب وأستهتارسواءاٌ ضرب ولدك اولد غيرك يعني ياحبيبي حل مشكلة العب والأزعاج في المساجد قد يكون همك ولد ولا كن ماشلت هم المصلين أمام رب العالمين
بختصار لو مافيه اي أستهتار في العب بالمساجد لاكان ما أنضرب ولدك أو أولادنا

فأرجو من الأخوه توعية أولادهم ان المساجد هي بيت طاهر لأقامة الصلاة ليست للعب أوتسلية للأولاد[/align]

[أوطان]

ولد جيران الهذام يخقل البزران بالمسجد!
الدعوى ياناس تخقيل وش هدايا ونصح .. والولد طعر ابو 11 مب صغير قوه!
هذي يبيلها تدخل فوري .. لك مره تغافل الجماعه واخقلوه حيل ماتقوى عشان يستادب!

[فديكا التميمي]

زرووووه بزاويه وامصع اذانه لحد مايزرقن اولاااه ابرد تسبدي..وصدقن بيذرق مايعيده ثانيه

[" TWIX "]

هذام

قلت ولد الجيران يخقل أولدي..
زين مضبوط ..
شف وانا أخوك رح يم الجاسر للرياضة وإلا الفالح
وأشتر له كورة أديداس وعطهياه وقل فك شرك شوتها لين تشطب رجليك ..!!
وإذا عاد أمسح به سراميك المسجد ..