سجل حضورك ببيت من الشعر

[(*§ حـــــور §*)]

يا غياااابـه ..
كانت أنفاسه كفيله بالإجابه !

إنه هو ماي وهواي .. إنه الأرض وسماي

يا عماااي...

كيف عيني ماحكت لعيونه الحال وعذابه ؟

ليت أنا ياحال أمّه .. ليت أخته !

ليت لي منّه قرابه ،

بنت جيران خطبوها

وإلا لوحه علّقوها..!

وإلا قطعه من ثيابه !

ليت أنا يا حال " بابه "

وأنفتح لا طلّ وجهه كل يوم

وانقفل لا غاب عني بالكآبه !

ولو هو أهملني وسط كومة هموم ..

والله برضى بالرتابه !

والله برضى بالرتابه !

" شوف أحلام الغلابه" !!

[عزف الحقيقة]

احبك والقمر يشهد ونجم الليل ياروحي00 احبك تشهد الدمعه احبك تشهد اجروحي

[آبرآهيموڤيتش]

ما عرفتـك .!! و العذر أقبح من ذنوب الخطيّه

حتى شكلك صدقيني إن قلت لك : بعضه نسيته


أذكر عيونك حورها من الخجل .. زايد شويّه

( بس هذا أذكره ) و غيره من الذكرى محيته

لا بعد .. أذكر شعرك اللي يحب لعبة يديّه

سالفة شعرك لحاله .. لو أبشرح ما وفيته


و أذكر إن طعونك اللي بالظهر .. كانت قويّه

إيه أعرفك .. بس أخاف الجرح يكبر لا طريته


أنتي كنتي شي ثاني .. كنتي شي منّي و فيّه

أقرب إنسانة لقلبي .. حطمت قلبي في بيته


تذكرين .. الورد الأحمر يوم جبتي لي هديّه

قلتي : تكفى لا يموت الورد .. لك غالي شريته


مات قلبي قبل يموت الورد .. و جروحه نديّه

في يديني جبت ( دم القلب ) للورد و سقيته



كنت أحسّ إني أضحي .. ما دريت إني ضحيّه

كنت أحسب إن العطى .. يثمر بعين اللي عطيته


راحت أحلام العمر .. روحه كذا من غير جيّه

حتى زرعي اللي زرعته .. ما توفقت و جنيته



من عقب ما كان ليّه .. صار له .. ماهو ليّه

من خذاه .. و قلبي يسأل عنه لكن ما لقيته



دايم أسمع عن خوي(ن) خان في خوّة خويّه

موقف(ن) يمكن كتبته بالشعر قبل و قريته


المهم .. ماكنت أحسّه لين ما جتني بليـّـه

من يديك و حسستني و خاب كل اللي هقيته


يا بدوية .. مو كذا رد الجمايل يا بدويّه

البداوة .. علمتني كيف أرد اللي خذيته



في الزمن هذا .. محال الوافي يلقى له وفيـّه

الزمن هذا خذلني في محبتك .. و بكيته



كنت أقول : الطيبه أحسن من علوم الرديّه

كنت أقول .. وكنت أقول .. و لا نفعني ما حكيته


ما بقى عندي كلام و لا بقى بصدري بقيّه

من تفارقنا بصدري هالعتاب .. و لا شكيته


هذا كله اللي عليك .. و قولي أنتي ما عليّه

بسمعك للصبح .. يمكن أسمع ما بغيته


أما شكلك أعرفه عرف الموصّى للوصيّه

قلت ما أعرفه .. و في قلبي أقول .. إني فديته



إيه أعرفك ... و العذر أقبح من ذنوب الخطيّه

أنتي شكلك صدقيني ... راح أموت و لا نسيته

[آبرآهيموڤيتش]

أنا لا قلت لي شلونك و أنا ضايق .. أقول بخير

مدامك سائل(ن) عني أكيد إن ضيقتي .. راحت


أنا من كثر ما أحبك أشوفك في عيوني .. غير

تضيق النفس من غيرك .. و لامن شفتك إرتاحت


أحبك كثر ما تطري في بالي .. و تشغل التفكير

كثر ما أشيلك بعيني .. و ناس منها قد طاحت


أحبك كثر ما أحسّ بشعوري إني عليك .. أغير

كثر ما أزيح هالغيرة عن أفكاري .. و لا إنزاحت


أحبك كثر مالك داخلي .. حب و غلا و تقدير

كثر ماغبت عن عيني .. و دموع مفارقك سالت


تصدق من عرفتك صرت أحبك .. و أكره التغيير

و أنا اللي كنت أعشق .. كل نجمة بالسماء لاحت




تأكد كل ما تسأل عن أحوالي .. أكون بخير

مدامك سائل عني .. أكيد إن ضيقتي راحت

[(*§ حـــــور §*)]

عذبتني وياك صده و ردة
أبعد تقرب وإن تباعدت قربت


إن كان مالك خاطر ٍ بالمودة!!
إبعد لو إنك للمعاناة سببت

[(*§ حـــــور §*)]

مابيـــــــــك تستغـرب إذا قـلـت مابـيـك !
قلبـي مـن اللـي صـار غيّـــــــر كـلامـه


تـدري وش اللـي حدنـي يـوم اناديـــك
بـودعـك واقــوووول مــع السـلااااامـه


بودعـك وانسـى زمانـــك وماضـيـــــك
وداع مــن ذاق الجـفـــــا والـمـلاااامـه


لكـنّ , ودي أسألــــــك قـبــــل اخلـيـــك
وابيـك تعـــــطـي للـسـؤال اهتمـــــامــه


فـي ذمتـك... وشلـون غيرتنــي فـيـك ؟
وخليـــتنـي انسى غــلاك ونظـــــامـه


وانـا عشانـك كـل ماتطلـب يجـيــــــــك
رفعتـــــــلـك هـامـه و نـزلـت هـامــــه


ما عاد لـك فـي داخلـي حـــــيّ يبكيـك
صـدري قِبَـر كـل الحـوااااس بعظـامـه


اغليك ؟ صح اشهد إن كنت انا اغليك
والحيـن راس المـال مـنـك.. السـلامـه


لا تقول ليه..وكيف..وشلون..وشفيـك
ماضيـك يعطيـنـي لبــــكـره عـلامـــــــه


مـا ودي اضـيّــــع حيـاتـي بأيــــــاديـك
دام إن مــن عـــــزك تـنــــــزل مقــامـه


غـلاك \ ماعلمـــــك تكسـر تغلـيـــــــك ؟
وغـلاي \ اثبتـــــلـي الـوفـا والشهـامـه


كاااافـي نضيـع وقتنـا فــي بـلاويــــــك
مـا يِرجِـع اللـي راح كثـر النــــــــدامـه


وإن ضاقـت الدنيـا بزحمـة طواريـك !!
الليـل الأسـود , مايــــــــطـول ظــلامـه


والحين تعـرف ليـه انـا قلـت مابيـك ؟
و قلـب ٍ يحبـك ليـه غيـــــــر كـلامـه ؟


ودعـتـك الله لاتجيـــــــنـي ولا اجـيــك
ولاعـاد تسـأل خاطـري وش عـلامـه؟


ولا تنصدم فـي بسمتـي يـوم احاكيـك
أحيـان تلـقـى بالجـريـح ابتسـامـه!!!

[آبرآهيموڤيتش]

يا للي وراك ظلوع و من دونك ظلوع

متمركز(ن) بــالصّدر كنّك ... وداعـه


ودّي أناقش مع سعادتك .. موضوع

و أبغيك تعطيني .. فقط نص ساعـه


صار إتصالك فيّ من إسبوع لإسبوع

حرّمت وصلك .. و إستبحت القطاعه


و تغيّرت فيك إنطباعات .. و طبـوع

و تجدّدت في نظرتك لي ... قناعـه


عيّشتني في كل .. مرغـوب ممنـوع

و حرمتني من كل .. سمعاً و طاعـه


و علّمتني إن الجفى لـه .. كـذا نـوع

و إن الهجر بالـذّات .. أكثـر بشاعـه


أوّل .. تجي يمّي من الشّـوق مدفـوع

و مَحلى من المشتاق .. غير إندفاعـه


إن غبت عنك .. تصيح و دموعك دموع

ما فيك للصّبر الجميل .. إستطاعه


مجنون فيني و " القلم " عنك مرفوع

همّك رضاي و مجتهد .. بــإتباعـه


و اليوم لا .. حبل الرجى فيك مقطوع

مشيت درب اللّفلفـه .. و اللّكاعـه


و اللّي تسبّب في تغيّرك .. مجمـوع

عدم ثقة فينـي .. و بـث الإذاعـه


خل الكلام اللّي من الكذب .. مصنوع

و إخذ الكلام اللّـي تـذوق إنتفاعـه


ما كل هرج يمر أذانيك .. مسموع

أربع أرباع اللّـي يمـرّك .. إشاعـه


لو الحكي بفلوس أو .. شيك مدفوع

يمديك ضامي للكلام .. و سماعـه


يا شينها لا جاتك همومك .. جموع

و لا عاد عندك للمواجه .. شجاعه


و يا شينها لو كان لك حق مشـروع

و أقربهم لقلبك سعى فـي ضياعـه


هذا الكلام الليّ من القلب .. مطبوع

إقرأ كلام القلب و شـوف إنطباعـه


و إسمع .. ترى الجوّال ماهوب مقطوع

شغّال .. له أربـع وعشريـن .. ساعـه

[عزف الحقيقة]

حبيبي على الدنيا اذا غبت وحشة00فيا قمري قل لي متى أنت طالع؟

[(*§ حـــــور §*)]

كان {ودك} ماتزيد [الصدر] ضيقه .. }~
لاتسمع للدعاوي و {الشكاوي}
وش يهمك وش [صديق] من صديقه
ما .. مشالك .. بالمحاسن و [المساوي]
رافق اللي فاهم {واجب رفيقه}
لانخيته [جاوبك] راعي نخاوي .....}~

[(*§ حـــــور §*)]

أنا ما كـنـت أبي ا كـثـر
من اللي " فـيك " لاقيتـه


حـنـان / ورقـة / وطيبـة


و " قـلـب " يا كبــر بيتـه ..


تسكنـي وسط صدرك


وبيدينك " جـرحــي داويتـه "


كفايـة بسمتك
هذي تنسينـي اللي عـانيتـه ..


كفايـة طلتك
تملـى حـياتـي .. ياللـي حـبيتـه


بعد ما جـيتنـي بـ حبك


بعد " كل اللي سويتـه "


بيبقـى حـبـي لك " وحـدك "


وغيــرك " رحـت وخـليتــــه "



أنا مابي سواك إنت .. وبعدك ..


" بابـي .. رديتـه "


رفضت الكـل على شانك !


وقـلبي اليوم وصيتـه ..
يظل يوفي لك .. ويوفي ..


يـا " أغـلــى انسان " عـزيتــه



تـصــدق .. ؟!



أنا ما كنت ابي ا كثر .. من اللي فيك لاقيتـه ..!

[(*§ حـــــور §*)]

, جيت المكان . .
اللي بدأ ( حبنا ) فيه !
وأمطرته عيوني بدمع / الحنيني ,

وشكيت له قسوتك ..
. . . . . . ~ وإنكار مافيه
يوم العهد , و ايديك تحضن يديني
تعتب على معذور / بس الزعل ليه !

وأنا أعترفت بـ غلطتي لك
. . . . . . . . . . ,/ بحيني . .
لو قبلك أحد قال حبيت . قلت : ايه

شف كيف (( حبك )) ..
. . . . . . قادر يسوي فيني !

هذا الدليل / الساطع اللي لك ابديه ,
إنك تحكم القلب , حكمٍ متيني . .

إلى متى ناوي فؤادي تعنيه !
تحرم عيوني منك .. ياشوف عيني !

عمري بلا قربك ..
, وشوفتك ( مابيه ) !
من دونك الدنيا .. ملل ياضنيني ؟!

[ღ♥ همس الغروب ♥ღ]

ياعمري بسألك ليش الهوى منك وفيك
ليش المشاعر ماتعيش إلا بساعة شوفتك
ليه المحبة والوفا وأبيات شعري تهتويك
ليه إنت وبس اللي أموت ببسمتك
تدري لومرة قلت ببتعد وأخليك
يرجع صدى صوتي يقول ( الله ماأكبر كذبتك)

[آبرآهيموڤيتش]

كل ماجيـت أسألك عـن سـر دمعاتـك .. بكيـت

ما قـدرت أشــوف عيـنـك .. بالمـدامـع تختـنـق


لا تجاملـنـي و تضحـك .. واضـحـة لو ما حـكـيـت

لا تصـور لـي حكـايـة .. مــن فـــراغ .. و تختـلق


كـل ما فيـك يتكلـم .. حتـى فــي صمـتـك لقـيـت

إن سـهــم الـبـعـد نـافــذ و إبـتـديـنـا نـفـتــرق !!


ويش أقول لدمع عينك .. و القصور اللي بنيت ؟؟

و كيف أصبّر قلبي اللي بين إيديك .. و يحتـرق ؟؟


أدري إنه غصب عنك .. و أدري إنـك ما نويـت

و أدري إنـه فـي زمنّا .. حتـى حلمـك ينسـرق !!


بس لا تبكـي طلبتـكـ .. و سـوّ نفسـك ما دريـت

و إلا أنـا حظـي و أعرفـه مــع زمـانـي .. متـفـق !!


لا بغيـت أفـرح ثوانـي قلـت .. ليـت و ليـت ليـت !!

ليتني ... ؟؟!! و باقي كلامي وسط صدري يختنق


أمسح دموعـك فديتـك و إبتسـم لامـن طريـت

و جيت في بالك و قل لي ( كان لازم نفترق )

[(*§ حـــــور §*)]

//
دليل المحبه شوف عيني عليك تغار

ولا ودي الحاسد عيونك يطالعها

مع انك رحلت بعيد لاكن بقى التذكار

لياشاافته عيني تسابق مدامعها

دفنت الغرام بخافقي والقلوب أسرار

مشاعر هقيت أن الليالي تضيعها

فرحت برجوعك ماطلبت لخطاك أعذار

ونفسي تناست ماجرى من تواضعها

تهادت مشاعرها خاطري لك بلا معيار

تجاهلتها لو كنت خابر دوافعها

يقولونها قبلي يخون البحر بحار

والامواج لاهاجت خذت ماتبي معها

تكاثرت منك الصد وثر العلوم كبار

لقيتك على نفسي تقلب مواجعها

أقوله وانا اللي شفت ذاك الغلا ينهار

يشوف الندم رجال نفسه يطاوعها

مثل ماضرب جوٍ خلا غاديٍ محتار

يدوج ورجله مادرى وين موقعها
//

[أميرة الندى]

في عيوني ورد .. والخفاّق كادي ..

في شمالي عز.. واليمنى كريمه ..

داخلي فارس سبب كل اعتدادي

ضلع أعوج لكن امشي مستقيمه

الغضب واحساس مرهف غير هادي

هي عيوبي المستجده والقديمه

بالعقل أنداد واعلنها وانادي

أنا أنثى .. لكن آرائي حكيمه !!