تعبت أنثر همّ قلبي .. علـى النـاس
و تعبت أدوّر للحقيقـة .. حقيقـة
يلعن أبوه شعور .. لا بوه إحساس
لا جيت أسوي من جراحـي .. حديقـة
شف لي طريقة .. لا غدى دربنا يـاس
تعبت .. أنا ترديد .. شف لي طريقـة
ما عاد .. ياسع للحزن أي .. كرّاس
و ما عاد .. قلبـي يحتمـل أي ضيقـة
شفني رشفت من الغرابيل .. كـم كـاس
و الصبر .. ما بلّت أمانيه .. ريقـه
أكبر مصيبة .. طيحة إنسان حسّـاس
تسوى بعيني .. مـوت كـل الخليقـة
أكذب على نفسى إذا قلـت .. لا بـاس
و الباس أصلا ً من زهوري .. رحيقـه
يا ما تعبت أشحذ من عيوني .. نعـاس
ما مرّ ( النوم ) .. عيني .. دقيقـة
صعبة .. تشوف بعينك الحلم ينـداس
كنّك تطفّي .. من دموعـك .. حريقـة
الموت .. ماهو لا إنحنى .. للتعـب راس
الموت .. نفسك .. لا إنحنـت .. للخليقـة
العرض المتطور
