زلـزال حبـك دمـر القـلـب تدمـيـر
وبركان شوقك امتهـن حـرق الأعصـاب
ورياح بعدك اصبحـت عصـف أعاصيـر
ومن الولـه شيبـت بـي وتونـي شـاب
اتخيـل انـي اسهـر اللـيـل ماغـيـر
انـزف دمـوعٍ اتعبـت سـود الأهـداب
تنـزف علـى خـدي بسرعـه وتكريـر
مثـل الـذي خانـوه ربعـه والأقــراب
يومـه بغـى فزعـه وحشمـه وتقديـر
لقـى الخيانـه تبـرز لعيـنـه الـنـاب
وإلا كـمـا بـنـت نـواهـا بتغـريـر
شخـصً حقيـر وعزوتـه حفنـة تـراب
طلع معاهـا وصـور الوضـع تصويـر
ودنـس شرفهـا هالنـذل بيـن الأحبـاب
وبـدا يـهـدد بفضـحـك بالتصـاويـر
وإلا تعالـي بجلـبـك يــم الأصـحـاب
وصـارت تفطـر كبدهـا اليـوم تفطيـر
علـى سنيـن مقبلـه كلـهـا أرهــاب
هـذا انـا فـي غيبـتـك دون تـزويـر
قلبي الشقـي مـن الولـه يالغضـي ذاب
وروحـي تراهـا يالغـلا منـي بتطـيـر
دامـك بعيـد وجيتـك ضمـن الأصعـاب
ادري ضروفـك قاهـره وصعبـه تصيـر
جيتـك عنـدي لكـن الشـوق ماغـاب
مـرات اتمنـى اتـحـول انــا طـيـر
واطيـر واقـف ياحياتـي علـى البـاب
اللـي مقابـل بابكـم يـاهـل الخـيـر
وأجلـس اطالـع طلـةٍ تخطـف ألـبـاب
وإلـى طلعـت تطالـع بنـظـرةٍ غـيـر
نظـره رهيبـه أنحنـت دونـه رقــاب
ومن ثم أغرد وارفـع الصـوت تصفيـر
لبيـه يانظـره سحـرت كـل الأشـنـاب
لكـن غـرورك يمنـع تلـدلـي مـيـر
مثلك غـروره يعتبـر ضمـن الأسبـاب
اللـي ذكروهـا نـاس صـارو مشاهيـر
بالزيـن وعلـوم المزايـيـن الأطـيـاب
وأتخيل إنـي صـرت فـي يـوم كاشيـر
بالمملكـه وكلـن نظـر لـي بالأعجـاب
وكنـك دخلـت وفجـأه تلخبـط السـيـر
والكـل طالـع مندهـش منـك مرتـاب
وقربت مني وقلت لـي ( بليـز ياسيـر )
( اي ود يو لايك بـق سويـت ) ياشـاب
وتلخبـط التفكيـر والـهـرج تكسـيـر
وقلـت بتـردد كلمـةً قالـهـا أجـنـاب
صدحت فيها بعالي الصوت ( كـم هيـر )
( ماي هارت ) كله يرقص لعينك ( الراب )
ادري وتـدري كـل هـرجـي تفاكـيـر
لكن شسـوي الشـوق ياصـاح غـلاب
مثلـك تـرى فـي دنيتـي لـه تأثـيـر
وحبك ملكنـي وأصبـح القلـب منصـاب
بسهـوم حـبـن سيرتـهـا المقـاديـر
جتنـا وحنـا ماحسبنـا لهـا حـسـاب
وتأكـد انـي مومثـل سـالـم الـزيـر
أعشق بنـات الكـون فـي كـل ترحـاب
ماأعتـقـد يالـخـل تحـتـاج تفسـيـر
والله فـلا انـي لهـوى الغيـر طــلاب
جسمي نحل واصبحت مثلـي مثـل سيـر
وحتى الأكل بعلن هـذا اليـوم الأضـراب
هـذا كلامـي وأعـذر إن جـاك تقصيـر
عده جنـون ولـو تضمـن لـك عتـاب
الشاعر القدير
سلطان الشوق
لاعدمنا هذا الطرح وراعيه
لله درك على جمال الأسلوب والمعنى
مبدع ورائع وجزل وعذب كعادتك يالذيب
صح كلك كلك ملياااااااااااااااار
تحياتي وتقديري وإحترامي لك
العرض الشجري