تبقى ترى في كل الأحوال غالي
حتى لو إني ضمن هامش حياتك
ياواصلن قطعي وقاطع وصالي
أرجوك تسمعني وكلمه وجاتك
إن كنت ماأهمك وخاطرك سالي
تعال صارحني وبرر سواتك
وإن كنت مأخذني قصيد وتسالي
مااحب أكون بيوم من تسلياتك
لكن تعال إسمع خلاصة مقالي
البارحه ياهيه فاتك وفاتك
في آخرة هالليل جالس لحالي
سهران أفكر فيك مع طياتك
أعطيتني إهمال وأشغلت بالي
علقت لأجل الحب ذاتي بذاتك
أغريتني وإزداد فيني هبالي
إهبال من حسنك وباقي صفاتك
أعجبتني من قلب أول وتالي
إسلوبك أولها وتالي حلاتك
يعني تراي أحيان جدآ مثالي
يهمني طبعك قبل مغرياتك
خليتني مبسوط عدة ليالي
وأحزنتني والحين وينك وهاتك
ياصاحبي ياأنت ياراس مالي
ياللي على قلبي فرضت بغلاتك
لو معك أنا أكذب وشعري خيالي
الله يأخذني وإدعي بصلاتك
حلالي أتوفى عشانك حلالي
وحلالك تهمس غلا بسكاتك
ياخي تراني ضقت وإرأف بحالي
إلى متى والصمت يلزم شفاتك
أبيك تفضى لي وتجلس قبالي
طالع بعيني زين وجمع شتاتك
لو يمنعك ظرفك فلا_لاتبالي
بصبر عشانك وبسمع وصاتك
لكن أبي أسأل وجاوب سؤالي
إن كنت شاريني شريتك بغالي
وإن كنت بايعني البقيه بحياتك"
أتمنى تعجبكم
تــــــــحيــــــــــاااااااااتي
العرض الشجري