السلام عليكم ورحمة الله وبركاتة , ابيات بسيطة عن الصداقة :
خويّ الحاجة يعلّك ليا منّة بغى حاجة
والا من خلّص الحاجة يروح بدربة وينساك
واذا دارت عليك الدايرة والنار وهّاجة
تناسى يوم وقفاتك ويوم تمدّ لة يمنــــــاك
واذا يبغاك في حاجة يمرّك باسط حجاجة
يقول انك عزيزٍ لي علامك طوّلت فرقاك
واذا نوّرت بــ إ سراجك ترى ماولّع إسراجة
واذا عانيت من ظلما تراهـ بحسرتك خلّاك
خويٍ صدتة فرحة مدام الكذب منهاجة
الا ياشين لا قالو صحيبك في طريقة جاك
تجارب وقتي الحاضر تعلّم نفس محتاجة
يدور الوقت والحكمة ترى للقادمات إ دواك
عن اللي مايفيد بيوم خل النفس هجّاجة
تشوف الصادق الوافي اذا ليل الحزن عنّاك
واذا وقت الرخا صابك تشوف الناس هرّاجة
ولا يصدق من العالم سوى منهو صحيح أغلاك
كثير الهرج لا يغرّك غدى للعرب صنّاجة
لجل حاجة غدى شاعر وبكرى يختفي ما جاك
عليك بخوّة اللي كاسب من الطيب ديباجة
يمرّك شاري (ن) قربك واذا زاد الحزن يفداك
هذاك اللي يسرّك دوم لا وصّيت في حاجة
خوي (ن) شوفتة فرحة واذا صديت ما ينساك
وسلامتكم .......
العرض العادي
