بكره تموتين من القهر لانسيتك
راسك علامك رفعتيه يوم احاكيك
الظاهر اني فوق حجمك عطيتك
لحظه نبي نرجع دقيقه لماضيك
بذكرك في أي حاله لقيتك
كان الضياع ودمعتين تخاويك
منهاره وفي عز انهيارك خذيتك
وارخصت عمري لأجل احبك واداريك
هدمت قصر الذل فيك وبنيتك
كان الغلا شمعه تنور لياليك
لو اظلمت دنياك جيت وضويتك
يا للأسف كنت امدحك وافتخر فيك
رفعت من شانك وعليت صيتك
كنت عندي غير وما أقدر أخليك
وأموت واحيا ان قلت سم و فديتك
اليوم اشوفك خنتي حتى مباديك
صغرتي في عيني أنا اللي هويتك
الضيف لو انه عدو معاديك
غصب عليك تقدره وسط بيتك
يا بنت بتموتين ماني براجيك
واشره علي ّان كان حتى طريتك
لاصار ذل النفس في قلب يغليك
اضحك حبيبي دام وقتك مسليك
بكره تموت من القهر لانسيتك
بكره تموت من القهر لانسيتك..
العرض العادي
