هو فيه غير الهموم { يحس ّ } بغيابي ..!

[pepsi]

يا مشعل الياس صار اقرب من اهدابـي
000 و اشوفه احيان واقف لي على بابي

و الله لو ان الهموم اصحاب يا مشعل
000 كان اكثر اصحاب بالدنيا هم .. اصحابي

من زود صدمات عمري صرت ما أشره
000 اضيق .. و ارضى .. و لحد ٍ يسمع عتابي

يا مشعل الناس تنسى .. و الالــم يـوفي
000 والطيب جمر ٍ ضويته و احرق اعصابي

ماني ضعيف اشتكي من هيــّـن الضيقه
000 عز الله اني صبـور و ربي .. ادرا بي

الصبر بيــر ٍ رواني .. لين يبــّـسـته
000 يا كم ّ اجي له و انوّخ عنده إركابي


يا مشعل ان مــت ّ ..؟ غيري مات .. لكنـّـي ..
000 اخاف محد ٍ يحس ّ إن مت ّ .. بغيابي


و انا .. و رب الأنـــا ماقصــّـر بفزعـه
000 و ان زلــّـوا اصحاب ..!! .. قلت : اصحابي اصحابي

و ان ماظهر خير منـّـي .. ما ظهر شرّي
000 و اتعب و لاقول للعالم .. وش اتعابي

من صغري الصمت .. يطربني .. و اغنـّـي به
000 شف عاد صمت الطفوله ويش سوّا بي

كبرت وشفت الهموم تزيد .. مع كبري
000 و عرفت .. سر الحزن .. بعيون شيــّـابي

يا مشعل ان مــت ّ و الا صابني صايب
000 ابيك تاقف .. و تجمع حولك احبابي

اسألهم ان كنت ما استاهل .. محبتهم
000او اني قد خنت هقوة .. من تهقوا بي

و تعرف ليه إن لفيتك .. ساكت و سارح
000 اني مجــرّد .. هموم ٍ .. تلبس ثيابي

حتى القصيد ان بديته .. قمت أهيجن به
000 و اليا انتهيت .. اشطبه .. و اكذّب اعجابي

و اقول ما للقصيد الا يذكــّـرني ..
000 .. بالهم ّ .. و الهمّ خله داخل كتابي

يا مشعل الوقت .. طفل ٍ يكسر الخاطر
000 خلــّـك على ضحكته .. أقسى من أعرابـي

يا مشعل مت ّ .. شف كم .. ( هم ّ ) فاقدني
000 هو فيه غير .. الهمـووم .. يحس ّ بغيــابي ..!

[طبيبة القلوب]

[align=right]أبيآآت,,

تحمل في طيآآت نوعآ من الآلم ,,
ربي يبعد عنك الضيقهـ والآلم ,,

تسلم يمينكـ
ذآآئقهـ رآآآئعهـ
كرووعتكـ ,,,[/align]

[عادل الحبيتر]

كلمااات وحرووف اعجبتني

اشكرك من قلبي


تحياتي لك

[بطلة العالم]

كلمات تحمل الكثير من معاني الالم

رائع طرحك

شكرا لك

[pepsi]

شاكره لكم تواجدكم الف عافيه لكم