الليله هذي واضحه ليلة فراق ؟؟؟؟؟؟؟؟؟؟؟؟؟؟

[الراااايق]

[align=center]الليله هذي واضحه ليلة فراق
حاولت أعديها وعيت تعدي

ظروف ما تنطاق ولا راح تنطاق
صد القدر ماهو بصدك وصدي

تعال أخذني بيت أياديك مشتاق
قبل نتفارق حط يدك بيدي

بجلس معك ساعه حبايب وعشاق
من بعدها كيفك ولو صرت ضدي

فيني خليط أشواق بأشواق بأشواق
واصل معك من كثرة الشوق حدي

ودي ألمك وأحضنك حضنة عناق
يا شيب عيني كل ما قلت ودي

في خاطري وش خاطري خاطري ضاق
الكون كله ضاق ماهو بقدي

حتى الدموع اللي فتحت كبر واخلاق
تساقطت من فوق خدك وخدي

لوحة شعر تبكي على بيض الاوراق
بيحت فيها من ردى الحظ سدي

ليلة جفا وفراق ما مثله فراق
حاولت أعديها وعيت تعدي[/align]