السلام عليكم كلكم
قالت تضيق إن غبت بالحيل قلت أيه
أكـره حياتـي كلهـا فـي غيابـك
وشلون وأنتي قلب (دحيم) ملكتيـه
أكيد نبضـه يختلـف فـي ذهابـك
قالت صحيح..؟وقلت ياغايتـي ليـه
ماتعرفيـن أنـي أمـوت بجنابـك
أعشق وصالك وأكره الهجر طاريـه
وأعيش لحظات الغلا فـي رحابـك
والليل في ذكراك تطـرب مساريـه
ويشوقني بالحـب لحظـة عتابـك
والقلب لو بيـدك جرحتيـه منّيـه
ما قول غيـر إلا هـلا مرحبـا بـك
القلب وعيوني وروحـي وراعيـه
كلهن رصيد مسجّـل فـي حسابـك
يفداك من تمشي على الأرض رجليه
ويفداك من ذاق الغلا واعتزى بـك
قالـت حبيبي,,وقلـت لبّيـه لبّيـه
لبّا الخدود اللي زهت فـي شبابـك
قالت أحبك والغـلا شـف مواريـه
وسط العيون السود يشكي عذابـك
أنت الحبيب وباقي الناس مـا بيـه
أموت في لاماك وأعشـق أترابـك
الحب في عيونك غرقـت بموانيـه
والشوق وقّف بي على حـد بابـك
ولو تلحق الشرهه حبيبي مشاريـه
مابيع حبّك دام قلبـي رضـى بـك
ميرالدلـع مابيـن غالـي وغاليـه
أنـا أدرى أنـه مايزعّـل جنابـك
قلت الدلع والزيـن عنـدك مباديـه
والعشق يحيا لأرتوى من سحابـك
يااللي ورود الحب فينـي زرعتيـه
وأنا كتبت الشـوق داخـل كتابـك
لين الغلا من نهـر حبـي سقيتيـه
وأحيى بساتين الغلا وأرتـوى بـك
يافرحة الحاضـر بنكهـات ماضيـه
أكـره حياتـي كلهـا فـي غيابـك
منقووول ,, ومشكووورين..
القلب وعيوني وروحـي وراعيـه ,,, كلهن رصيد مسجّـل فـي حسابـك
العرض العادي
