تـــــــــرى (الكـــــــــذاب يـــــــروح لنـــــــــار)..........

[بسكاتي اذلك]

شاعر كـتب هذه القصيده في الفتاة التي احبها من الصغر
وعندما كبر تواعدا على الزواج بعد ان يعود من رحلته للدراسه
ولكنه عندما عاد تفاجاء انـها تزوجت من شخص اخر...!!!!


على ذاكـ الرصيف أســهـر وأنادي بكل جنون القار..
أكـلـم شــارع خـالي ســواده مـن سـواد الليــل..

تــرى ماهـــو فلـــس ولا بقلـبـــي قلـــت الأشعــار..
ولكـن واقـعي يفـرض عـلي أكتـب بــلا تعديـل..

أنا راح العـقــل منـي وعنـدي للجنــون أعــذار..
معـانـاتي إذا بوصف يفوق الـوصـف والتعليل..

من اللـي قد وقــف مثــلي يـواجه لــعنــة الأقـدار..
رضى يبقـى ويتحمل..عشر أضعاف همه يشيل..

مــن الـلـــي ثبــت أقــدامـــه يــقـــاوم شـــدة الــتــيــار؟!
ويعـرف ان النخل وهو النخل راح وجرفه السيل..

من اللـي حـب له(طـفــله)وحلم من كانـو صـغار..
يتــوج حبــه بـفـرحـه وأمــه تحـضنــه بتـهلــيل..

يمـر الوقـت وسنـينــه تـمـــر ويـســتـوون كـبــار..!!
ويتـغرب لجـل حلـمـه يسـابـق كـل شبـاب الجيـل..

ويرجـع رافــع راســه بعــد مــاصـار هـو طيــار..
وبـقى من حلمه الوردي زفـاف يرفض التأجيل..

يـجيــهـا يقـول حـان الوقـت تعـالي نكـشـف الأســرار..
طفـح كيل الصبر ماعاد في صبري وصبرك كيل..

ويذكـرها بوقـت صـار مـع مــر الـزمــن تـذكــار..
بـأيـام الطـفــوله يـوم يـغــرقـهــا غــلا وتـدلـيـــل..

يـمـازحـها وتـردد لـه(تــرى الـكــذاب يـروح الـنــار)..
يجافيـها وتهـمس له(أعرف إن الجـفاء تمـثـيل!)..

وتـدمــع عـيـــنهـم الأثنـيـن يـهـلـــون الــدمـــع مـــدرار..
تـرى الذكـرى ولـو حلـوة طـواريـهـا تـهـد الـحيـل..

وتسـرح فـي وسـط عيــنه..تـفـكر..ترتجـف..تحتـار..
يسألـها عسى مـاشـر.؟ ويطـيح مـن إيديهـا المنديل..

وتنزل على الركــب وتقول تسامحـني على اللي صـار؟؟
حـشـا والله ماخنـتــكـ ولكنــه حـصـل تبـــديــل..

تـراهـا غيـبــتـكـ طــالــت وتــدري وقـتــنـا غـــدار..
كبـرت وخفــت تتأخر وخـير الـبر بالتعـجـيل..

ويشــهق يلمـح الخـاتـم..يحـس القـاع تحتـه دار..
ولا يستـوعب المـوقف بليـا شـرح أو تحلـيل..

يســود الصـمت..ولا كلـمــه ونظــره كلهــا أستـنــكار..
شـلل صـاب اللسـان وصـاب كفيـن العـتب تكبـيل..

دقـيـقـه تـمـر..طـعـمـهـا مــر.نــهايــة عــمـر..مــوت أزهــار..
خسارة حـب..ضياع فدرب..نار تشب..عذاب وويل..

ويســرح لـوبـعـيده تهــون ولــكـن كيــف بنــت الـجــــار..!!
ويكـسر صمتــه بصــرخه تعــدت فـي مـداهـا سهيـل..

ويفــقــد وعــيـه ويـنــزل علــى قــــاع الـثـــرى مـنـــهار..
مصيـبـه كـيـف يتـحمـل؟!ترى مـا بالأمـر تسـهـيل..

مابـيـنــه وبــيـن غـرفـتـــها..مـمــر..ونخـلـه..وجــدار..
وهـــذا اللـــي يعـــذبـه ويــــزود طـيـنه تــبــلــيــل..

يـشـوف اللــي ســرق عمــره سـكــن ويـــاها نفـس الـدار..
غـدى جـار ولــه حــق نـزل فـي محــكـم التـنزيل..

ويـتـخـيـلـه يـغـــازلــهـا ويـــقــول أنــــه عـلــــيـها يــغــار..
ويـتردد صــدى همـــسـه ولـمـســه وضحـــكه وتقــبــيل..

ينـاظــر دارهــا وفـكــره ورا ذيـــكـ الــســتـايــر حــــار..
وشبــاكـ الهــوى عتــمـه بعــد مـازادوا التــظلــيل..

يـقـــرر زوجــها يـبـني ويــرفـــع مـســتـوى الأســــوار..
ويتصــرف علـى كــيفه عنــده منــهم توكـيـل..

ومكــســور الجــنـاح اللــي بــلا ذنــب يـذوق أمــرار..
يـصارع حـسرتـه ويـجـر بــعد ذيـكـ الهزيمه ذيــل..

يـفـكـر كيـف طـاوعهـا الضمـيـر تــكون شــي ضــار.!!؟
بـعد مـاكـانـت لعـمـره عـمر يحــسـب مــداه طـويـل..

خـذت كـل مـابـقـى مـنـه ومـن عـقـله خـذت ألأفــكــار..
وبـرواز الــوعـد مـايـل خـذتــه تــخاف قــال وقيــل..

عـطـت بـروازه لغــيـره وخـلـت فـي الحــشاء مـسمــار..
وآخـــر كلمــه قـالـتــها رجــاء مــاأبـيـكـ تـعـيـل..

ورد بـكـل غـضـب يـسـأل تـحـسبـيني من أهــل الثار..؟؟
أنا وقـتـي غــدا مـلـكـي ولا يــتحمــل التــعــطــيل..


وداع الله إذا بـــعدكـ مــرض أيـــمــانــي العـــــطــار..
أنا لــي رب مــا يهمــل بـقراء كـتــابــه بـتـرتـيـل..

وإذا كــانـت مـــســافــات المــــنــازل بـيـــنــنـا أشــبــار..
لخلــيهـا سفـر أيـام وأسـاوي كـل شبـر بمــيـل..

وإذا قالو علي مجـنون او ملــبوس او صــابه زار..
لنــاجـي شــارع خــالي لـوحـده في توالي الليل..

يـقول ان الجنون أرحـم كـتـبـت من الجنون أشـعـار..
وصـدق شـعـري يتـحـدى الذي قـال الشعـر تمثـيل..

وأعـيـش العمـر أرددهـــا(تـرى الكـذاب يـروح النـار)..
بــراءه كـانـت الـجـمـله ولـكـنـه حـصـل تـبـديـل..