حديقه قوافي خيمه الشعر

[كروومه]

☜✾↓•

بـعض الـبشر لامـن تكلم كلامه
فيه الادب والذوق واسما معانيه

يـفرض عـليا حـشمته وإحترامه
وافــز لــه لامــن لـفـاني وحـيـيه

وبعض البشر لا من تكلم كلامه
يـكـدر الـخـاطر وكثره مشاريه

الـسم فـي لـفضه وحدة سهامه
فـضاً غليظ القول ماطيق طاريه

نـفـسي عـلى زولـه تـقلل مـقامه
والـعين مـاتنظر لشخصه وترنيه

قـل الـكلام افـضل وزوده ملامه
وقـياس كـل انـسان فـيما يـدليه

[e7sas]

اقتباس:  المشاركة الأصلية كتبت بواسطة طاري الشوق     حبيبتي يالي لك الشوق زايد فزتي بتاج الروح من دون تصويت كتبت لك في الحب اغلا القصايد سطرتها بالقلب بيت ورابيت الين صار القلب مثل الجـرايد في كل خفقة لك حكاية ولك صيت بوحي

ياسلام عليك
صح بوحك
👌

[طاري الشوق]

لاتشوف الجو من حجرة مكانك
اشرف المرقاب وتشوف المكان
زاوية ماتشكف الأمن وأمانك
ناظر بكل الزوايا للأمان
بوحي

[طاري الشوق]

e7sas
صح بدنك على اعجابك واهتمامك وتسلم على التعليقات الجميلة تحياتي لك

[طاري الشوق]

للهوى والشوق وعيون السهر
قصة تحكي معاناة الحنين
تستمع لفصولها دمعة قهر
تنتظرقصة بها الفرحة تبين
لكن الي ينتظر فجره ظهر
ياحكاية كل ليلة تبتدين
ياحكاية من حكايات الدهر
كم بقى لآخر سطورك من سنين

بوحي

[e7sas]

ياحكاية كل ليلة تبتدين
ياحكاية من حكايات الدهر
كم بقى لآخر سطورك من سنين
كم بقى لآخر سطورك من سنين !!!

.
.
.

بالصميييييييييييييييم 💘😣

[طاري الشوق]

e7sas
صح بدنك على اعجابك واهتمامك وتسلم على التعليقات الجميلة تحياتي لك

[طاري الشوق]

التفت وما لقيت الا انا
في متاهات الخطاوي والدروب
مابه الا ليل يتبع هالعنا
والقمرلونه بهالليله شحوب
وينه الي يشعل الرفقة سنا
خطوته صارت مع الطرقة تذوب


بوحي

[رباب]

مَـدري هي الموضة زَعَـل و الا الخواطر به بلاء
‏شيٍ يعالجه العَـتَـب و العذر .. ليه تكبّـره ؟

‏إن كان قلبك ممتلي قلبي يشيل و ما امتلأ
‏و ان كان صبرك منتهي قل لي و اجيك اصَـبّـره

[طاري الشوق]

قصة دموع الغيم احلى حكاية
تنزل على خد الثرى وتحكيها
تروي على نبت الربيع الرواية
الين عطشان الزهر يرتويها
وتسولف بعشق الفياض البداية
لاصار براق الحيا يبتديها
يازينها لاصار فصل النهاية
باطيب عطور ورودها منتهيها
بوحي

[كروومه]

عندي على بعض العلاقات تشطيب
‏بعض أصـدقاي اللي تغيّر شطبته

‏من لا حسبنـي في كبار المــواجيب
‏طـال الزمـــن والا قصـر ما حسبته

[طاري الشوق]

على هدوء الليل ياخافقي هد
تلقى بجو الليل جو السكينه
خذ راحتك ياقلب فيه وتنهد
واجذب ونينك لين يقضي ونينه
واترك نجوم الليل ياقلب تشهد
وابعدعن اجواء البشروالمدينه

بوحي

[كروومه]

في قلب ملهوفك من آلشوق دآعي
‏تســـوقه آلأفكـآر و آلشـوق يدعيـه

‏و إن كآن ضآقت في لقآك آلمسآعي
‏يبقــى خيـآلك شيّ مٰــآنيب نــآسيه .

[طاري الشوق]

امطري ياغيمة الطهر العفيف
واغسلي قلب من الهم امتلا
بلليه بهون يالمزن النظيف
وامسحي ضيق على القلب اعتلا
قلبي الملتاع احساسه رهيف
كم تجرح من سكاكين الملا
كم تحطم فيه من شوق عنيف
لين ماتت داخله روح الغلا

بوحي

[رباب]

اقتباس:  المشاركة الأصلية كتبت بواسطة طاري الشوق     امطري ياغيمة الطهر العفيف واغسلي قلب من الهم امتلا بلليه بهون يالمزن النظيف وامسحي ضيق على القلب اعتلا قلبي الملتاع احساسه رهيف كم تجرح من سكاكين الملا كم تحطم فيه من شوق عنيف لين ماتت داخله روح الغلا بوحي

من نعم الله
المطر
يريح النفس بكل حالاتها