يا متعب القلب .. قلي وش غلطاتـي
إن كنت أنا أقدر .. أعدلهـا .. بعدّلهـا
لا صرت تجهل عنا الدنيا .. و ضيقاتي
من دون ما أشرح لك أوضاعي .. تأمّلها
الوقت ضدي .. حرمني .. من ملذاتـي
و الصد .. بعدك ذبح روحي .. و كمّلهـا
لا .. لا يغرك كثير الصمت .. و سكاتي
خل المشاعر تقول .. الآآآهـ .. و إسألهـا
يسكنّي الحب .. واضح من عباراتـي
وش عاد لجلك حروفي .. لـو أدللها
عذبني الشوق .. و أسرفـت بخيالاتـي
روح ٍ تحبك .. دخيلك ليش .. تهملها
يا ليتك شويّ .. تشعـر فـي معاناتـي
دنياك يمكن عليك تضيـق .. بأكملهـا
الحزن .. كنّه سفيـري فـي علاقاتـي
و الهمّ .. خيّم على حالـي .. و طوّلهـا
أغديت دربي .. و تاهت فيـك خطواتـي
كل المواعيد .. مدري ليـش .. تجهلهـا
سنين أحاول .. و ضاعت كـل حيلاتـي
ما تدري إني .. حيـاة الـذّل .. ما أقبلهـا
لا جيتك .. أسال و أدوّر فيـك ضحكاتـي
كـنّـك تتعمّد .. بيديـك اليـوم .. تقتلهـا
لا تترك الظـن .. يلعـب .. بإحتمالاتـي
الكلمة .. اللي تحزّ بخاطـرك .. قلهـا
تعال شفني .. و حـسّ بحـال لوعاتـي
كنّ الدقايق بدونـك عـام .. ما أطولهـا
متى التباشير بقدوم .. الغـلا .. تاتـي
فرحة زماني بشوفـك .. مـا تتخيلهـا
خلاص .. صبري تعـدّى كـل هقواتـي
أتعبت نفسي .. أعزّيهـا .. و أعللها
أبيك تنسى .. و تدمـح كـل .. زلاتـي
بعض البشر صعب .. ما نقـدر نزعّلهـا
و الحين جيتك .. أبمسح كـل .. غلطاتـي
دنياي .. دونـك .. و ربـي .. ما أتحملهـا
العرض الشجري