عنست وما جاء تثبيتي

[اسم العضو]

اقتباس:  المشاركة الأصلية كتبت بواسطة وليد الطريقي     اسال الله العظيم ان ييسر امرك ويفك عنوستك .. لا تخف يا اخي فرزقك لابد وان تاخذه كتاباً مكتوب ورزق موزع فابشر تبي تتزوج وتعيل وتيسر امورك باذن الله تحياتي

وليدوه

الله يجزاك خير وسعت صدري

سلام...

[اسم العضو]

اقتباس:  المشاركة الأصلية كتبت بواسطة جمان البحر     المسأله بشكل كامل ترجع الى شريكة حياتك .. فان كانت مرباة تربيه سليمه وتعرف قيمة القرش راح تكون لك عون على مواجهة الحياة .. أما اذا تزوجت وحده لا يهمها الا صرف الأموال على الغالي والرخيص فلا أنصحك بالزواج .. وترا هذا مايعني اني أقول اختار بنات اللي حالهم على قدهم لا .. شفنا كثير من البنات أهاليهم على قدهم ومع ذلك يطالبونهم بأكثر من طاقتهم ..أو اذا تزوجت تبدأ تعوض النقص اللي حست فيه قبل زواجها ولا يهمها حالة زوجها الماديه .. وشفنا بنات تجار لكن مع ذلك تجدها تفكر قبل لاتصرف فلوسها وين راح تصرفها وهل هي محتاجه لهالشيء بشكل ضروري ولالا .. وقد تقتلب الصوره فتكون بنت قليلي المال أفضل من بنت التجار .. يعني أهم شيء التربيه وطريقة تفكير الزوجه ... وأيظاً كما قالت الأخت تلميذه يجب عليك أنت أن تعرف أين تصرف أموالك وكيف تدبرها ..

لالالا راح مخك بعيد انا ما أقصد نوعية الزوجة انا أقصد يلي مامعوش مايلزموش

فهمتي يابنت الناس


سلام...

[اسم العضو]

اقتباس:  المشاركة الأصلية كتبت بواسطة غلا عمري     السلام عليكم ورحمه الله وبركاته اخي اسم العضو - بصراحه اول مره اشارك بصفحتك الجميلة ولكن رايت عنوانك فاحببت ان اساعدك شف اخوووي اذا انت بمجال وزارة التربية والتعليم -سوف اخبرك انه تم تثبيت دفعه اولى وبقي الثانيه بعد اعلان الميزانيه اوسط شهر 12 - لاتاايس ونا اخوووك كثير دوائر حكوميه تثبتووو وفي وزارات ومصلحات - لا وازيدك على هذا اذا انت بمجال وزارة التربية والتعليم عليك زياره منتدى شوون الموظفين به تحيتي لك وربي يوفقك ويوسع اموووووورك ويرزقك بنت الحلال الي تسعدك ماجد

اشكرك اخي ماجد وشعورك المتدفق كله حنية

يسعدك ربي

سلام..

[اسم العضو]

اقتباس:  المشاركة الأصلية كتبت بواسطة احترامي2006     اتزوج وراح ربي يرزقك ويزيدك ممكن يكون الخير والرزق يجيم معها والنبي محمد (ص) ارشدنا الى الطريق الصحيح ولا تشاور احد في هذه الدنيا . وراح تنبسط .................................................. .................اكثر . والله يوفقك ويوفقك ابناء المسلمين

لاياطيب شوف ما أقتنعت ولا راح اقتنع الحياة ماهي سهلة
كما صورتها!!!

سلام...

[اسم العضو]

اقتباس:  المشاركة الأصلية كتبت بواسطة خـــــــــــــــالـــــــــد     اخي اسم العضو قناعتي الشخصيه عدم الاقدام على الزواج الا عند القدره الماديه عليه براتب ثابت فالالتزامات الماديه اصبحت مكلفه اكثر و ما دمت موظفا على البند فانت مسكت اول خيط الحياه العمليه , و معظم الفتيات موظفات فاختر موظفه تكن عونا لك على متطلبات الحياه و اكمل نصف دينك

الله يكملك بعقلك هذا الكلام المنطقي يعني نصبر لين الترسيم

سلام..

[اسم العضو]

اقتباس:  المشاركة الأصلية كتبت بواسطة رحيل     ياشيخ اللي رادك إنك على بند يعني فيه وظيفه ودخل مادي ربنا ولك الحمد تزوج وريح بالك وأستقر والأرزاق على رب العالمين وإنشاء الله أم عبدالله بتصير فاتحة خير عليك >>>قل تم الولد عبدالله يافيه ناس ماعندهم وظايف ومتزوجين يعني أنت الحمدلله والشكر بس أتكل على الله أنت و توكل والله يعينك ويسر أمرك ولاتنسى تعزمنا وإذا تبي أدور لك من هالحين تراي أشتغل خطابه ولك ماراح أخذ عموله بس أبي الولد تسميه عابد تراي ملزمه

اهلين ام عبدالله والولد عبدالله وانا ابو عبدالله
وماسكن مع طوق علباتي طيب شوي شوي على هونك علي
خنقتن خلن أتنفس !!!

أصير عانس أبرك فكينا يكفي

بلا عابد بلا عيد


سلام,,,

[اسم العضو]

اقتباس:  المشاركة الأصلية كتبت بواسطة الزعيم     الله يرزقك الزوجه الصالحه التي تكون خير معين لك .. مصاريف الحياه وأعباء تأسيس البيت الجديد مكلفه ومرهقه لكنها تتيسر بتكاتف الأخوه والأقارب ولجان الإعانه على الزواج الله ييسر أمورك

بس هذا يلي عندك
على العموم الله يجزاك خير ويحسن الأحوال ويجي الترسيم

سلام...

[عاشق ديرتي بريده]

شف عندي لك حلين اختر واحد !!

الاول تزوج مسيار ومش حالك لين الله يرزقك واعلن الزواج !!

الثاني يقولون بعنيزه مليان مديرات مدارس والا معلمات كبار بالسن ولاتزوجن ومليانات قروش تنازل شوي عن العمر وخذلك وحده من العجز !!

[قلب الأسد]

اقتباس:  المشاركة الأصلية كتبت بواسطة اسم العضو     تعال ياقلب الضب قلي ايش دخل هايبر والهرم والمبارك ولا تبيني اسعسع وأشغل بنات خلق الله مشكلتي القروش والوظيفه.. فهمت !!1 سلام..

حبيب قلبي انت يا اسم العضو

انا قصدي ان هالاسواق اذا تزوجت تبي تصرف يعني المدام
مره هالسوق ومره هالسوق وانت لاوظيفه ولا قروش هذا
اللي قصدته.بس مايجي طاري سوق لازم بغزل . الله يرجك بس
لكن قل امين الله يوفقك بأحسن وظيفه وزوجه .

للتنبيه .

[مياسة]

هههه اول مرة اسمع ولد عانس !! احسبها كلمة خاصة للبنات

من رايي تصبر لين يجي الفرج قريب بإذن الله .. بس تتزوج وحالتك المادية مش متكامله راح تتعب ولا تتهنى

اتمنى لك وللجميع التوفيق

[رحيل]

[align=center]

اقتباس:  المشاركة الأصلية كتبت بواسطة اسم العضو     اهلين ام عبدالله والولد عبدالله وانا ابو عبدالله وماسكن مع طوق علباتي طيب شوي شوي على هونك علي خنقتن خلن أتنفس !!! أصير عانس أبرك فكينا يكفي بلا عابد بلا عيد سلام,,,

<<<< لا أنا أم فهد منب عبدالله(وحده على نيتها)
تراني قلت تسمي ولدك عبدالله مو علشان نفس أسم ولدي لا هذي بعيده عليك
قلت لك ولزمت عليك أبيك تسمي ولدك على هندي مزرعتنا _يالله من قدك_

لا عاد صدق تراه إذا صعبت أمورك بتصعب عليك
هونها وتهون[/align]

[مــنــال]

الله ييسر أمورك و يعينك و يرزقك بالتثبيت و الزوجة الصالحة .. يارب ..

[اسم العضو]

اقتباس:  المشاركة الأصلية كتبت بواسطة عاشق ديرتي بريده     شف عندي لك حلين اختر واحد !! الاول تزوج مسيار ومش حالك لين الله يرزقك واعلن الزواج !! الثاني يقولون بعنيزه مليان مديرات مدارس والا معلمات كبار بالسن ولاتزوجن ومليانات قروش تنازل شوي عن العمر وخذلك وحده من العجز !!

عاشق

صحيح عاااانس لكن ماني باير وحليوه بس مشكلتي القروش

والقروش تيجي وتروح

تحسب العمر بعزقه صبري على نفسي ولا صبر العجز عليه



سلام...

[الحنتريش]

[align=center]

اقتباس:  المشاركة الأصلية كتبت بواسطة مياسة     [align=center]هههه اول مرة اسمع ولد عانس !! احسبها كلمة خاصة للبنات [/align]

ههههههههههههههههههههههه واجد العوانس من الجذعان يامياسه
احس انتس على نياتس وماتحسين بالعالم من حولتس
انا عنست وانا توي بعمر الزهور بس من الاحباط والتأييس
وزودن على هذا كل يوم والثاني يفتحون سوق حريم عندنا ببريده ويجين احباط زود[/align]

[فور يو]

اخي اسم العضو

توكل على الله وابحث لك عن بنت الحلال ...

اعذب تحيه للكل .