( علموها ) هدية أولى

[فهد الفوزان]

[poet font="Simplified Arabic,4,black,bold,italic" bkcolor="transparent" bkimage="" border="none,4,gray" type=0 line=200% align=center use=ex length=0 char="" num="0,black" filter=""]
علموها تراني / ما كذبت بكلامي=
يوم أقول إنها / ست الحسن والدلال
ما أزيف / ولاني في قصيدي / حرامي=
كل حرفٍ كتبته / كاتبه بالحلال
كان شعري مخليها / تزيد إحترامي=
والله إني لا أجننها / وأطش العقال
ليه لا / دامها اللي نورت لي / ظلامي=
هبلت بي / وأنا مانيب / ناقص هبال
ما دريت إنها / رايح تثير إهتمامي=
وما دريت إنها بالوصف / فوق الخيال
كنت أظن إنها / ما راح تاصل مقامي=
وإن حبي لها / يا سعود / صعب المنال
لين جتني / وشفت الزين كله / أمامي=
ساطيه بالدلع / والغندره / والجمال
مدري جتني أو اللي جاني / بدر التمامي=
يعربية حلا / تسلب عقول الرجال
قلت : هي هذي اللي / شفتها في منامي=
افزعو يا عمامي / افزعو يالخوال
قالت : أهلين / قلت : اهلين / والجرح دامي=
وإرتكز عودها / ثم إنثنى لي / ومال
قالت : اسمي ( ... ) قلت : أحلى الأسامي=
وإنزفتني غلا / ثم إنزفتني وصال
إذبحتني ورااااحت / وإتركتني بهيامي=
والله إني بغيت أخطي / وأصلي شمال
[/poet]
.
السلام عليكم .....
.
.
مساءكم برحي
.
.
من جد أحب أتأسف على التاخير
.
والأسباب أكثرها اسباب فنيه ( يعني صارت مشاكل مع الجهاز )
.
.
عموما اتمنى تسامحوني وتتقبلون عذري
.
ومثلكم يعذر
.
الف شكر وما قصرتو الله يعطيكم العافيه
.
.
اخوكم /
.
فهد الفوزان