أنـا ســجـــــيـن ومـنـتـــظر حـكــم الإعـــــــدام !!

[تاج القصيم]

[poem=font="Simplified Arabic,5,red,bold,normal" bkcolor="transparent" bkimage="http://forum.buraydh.com/attachment.php?attachmentid=23352&stc=1" border="double,6,darkblue" type=0 line=0 align=center use=ex num="0,black"]
أنا سجين ومنتظر حكم الإعدام
في سجن قلبك ياعسى الله يديمه
في حالتي كني كما حال ( صدام )
موتي حياة بس إعدامه عديمه
ذقنا العذاب وكل منا ماينلام
وعشنا حياة ماعرفنا النديمه
( صدام ) في حكمه عن الدم ماصام
والمجزره عنده صارت وليمه
ماهو كثير لو خذا حكم الإعدام
يكفيه ماجاه في حياته شتيمه
أما أنا مظلوم وتشهد الأيام
إني على درب النوايا السليمه
وش ذنب قلبي في عيونك لا هام
وأصبح بقلبك في عداد الغنيمه
يكفيك إنه في لياليه مانام
ودمع عيني سال من دون غيمه
في ناظري كنك كما الطير لا حام
أكيد إني صرت بعيونك وليمه
هذي حقيقة أو أحلام وأوهام
يوم إن حبي لك أصبح جريمه
مانيب شاعر ولا جاني إلهام
حتى ولو قلت أبيات يتيمه
الحب يدفع بالمشاعر قدام
والشعر دون الحب مافيه قيمه
يابنت رجعتين لماضي الأيام
ذاك الزمان والليالي القديمه
مادري متى حبيت وكيف دام
بس الأكيد إنه قبل المشيمه
الحب يتجدد من عام بعد عام
عندك توقف للحياة المديمه
يابسمة الدنيا لو تحت اللثام
من دون بسماتك حياتي يتيمه
واصل عذابك بس خلي لي عظام
تبكي عليها أمي وتذكر حميمه


محبكم
تاج القصيم[/poem]