في وقت من الأوقات قد تشعر بأن كل من حولك ضدك..وأنك محارب
من الكل.. ولا تجد لك صديق مخلص أو قريب ناصح..فترى الناس وكأنهم
وحوش وأعداء من غير سبب واضح...
مررت بتلك الأحاسيس في أحد محطات حياتي.. ونظرا لأني لا أمتلك موهبة الشعر فقد خرجت الكلمات متواضعه في التعبير والعباره فأرجو من الشعراء بالذات أن لا يضحكوا عليه..
*((طبع البشر))*
أعيش مع ناس طبعهم أسود
وقولهم شين وفعلهم يشهد
الشر لي كله يحبونه*** والخير لي كله يكرهونه
والشين فيّ يدوّرونه*** والزين أبد ما يذكرونه
أعيش مع ناس طبعهم أسود
الشعور دايم يجرحونه*** والإحساس فيّ يهمشونه
والطموح لازم يقتلونه*** والأمل عندي يبددونه
أعيش مع ناس طبعهم أسود
الخطا مني يعظمونه*** والعذر لي ما يوجدونه
والسوء فيّه يظنونه *** لأن طبعي ما يعرفونه
أعيش مع ناس طبعهم أسود
إللي أبني يهدمونه*** وزرعي ليه يقلعونه
وسروري لازم يقلبونه*** بحزن وهم يشوفونه
أعيش مع ناس طبعهم أسود
إللي يحبني يطفشونه*** وبسيئاتي يوهمونه
وإللي أحبه يكرهونه*** ودايم بالسوء يوصفونه
أعيش مع ناس طبعهم أسود
الخير فيني يجحدونه*** والمعروف طبعا ينكرونه
الحقد شيء يتقنونه *** والظلم ياما يكيلونه
أعيش مع ناس طبعهم أسود
وقولهم شين وفعلهم يشهد
**************************************
قد يكون فيها بعض المبالغه في الوصف.. ولكن تحت وطأة الحاله
النفسيه يكون بالفعل هذا هو الشعور الذي يتملكك.. مع اعتقادي الدائم
بأن هذا حال الكثير من الناس.
العرض الشجري