موعد على باب انتحار الكتابة
ألف حاجز يحجز عيونك و تطويك الكآبة
يا ما يا ناشد عن الحق اختلفنا
أينا الصادق وبالكذب اعترفنا
نحرق العمر.. بسيجاره من أرق
ونشرب الخمر .. بكتابه يا ورق
من و طا ها لجمر يكفيه احترق
عاش .. من صالح زمانه بالمصالح
كاش.. يدفع بابتسامه نادرة أخفت ملامح
وجه آآآآآآآه أو وجه حزن
واصبح التمثيل فن
بين جاه ويبن ظن
يفضح التقببيل سن
طال عمرك يا طويل العمر وتقبيل الخشوم
هات أمرك وآمر أمر كنها دامت وهي صعبه تدوم
هو طويل العمر إبليس اللعين
كلمةٍ قالها من يطلب و ساطه يستعين
يااااااااااااااااااا غجــــــــــر
يامنابيع التخلف و الضجر
الشجــــــــــــــر
مات واقف ما انحنى ليل وفجر
وهنـــــاك.. قصة البيعه لتاريخ وتشوه
وهنـــــاك .. كل طفلٍ مات واستشهد تأوه
وهنـــــاك .. كلنا صرنا نغني للحبايب "لو ولو ولــوّه "
صوت ريح
والصدى تجريح
واستريح ما لهمك عندهم ربع الثمن ؟؟
لا تصيح
ألف غيرك حاول التصحيح
كن صريح
كل شي يهون في رفعة وطن
"ص د ى "
كل شي يهون في رفعة وطن
كل شي يهون في رفعة وطن
...
لعبة الكرسي .. لعبناها وكنا صغار وعلى الكرسي ندور
من يبي يرسي .. ويتغطرس على ظلم و فجور
العطور.. و..
البخور.. و..
العيون الحور
كلها زينه إلا ذابت على الهامش تدور
القرف.. مرقص وعشاقه حيارى
والشرف.. عندي وبالمرقص سكارى
ياااا بنت الليل .. نقوطك كان من مال الأرامل واليتيم
رقصتي حيل .. وهو يدفع بلا حس وبلا تقييم
وأخيراً ؟؟؟؟؟؟
يقلب المرقص وهو يسمع غلط!!
ويفهم غلط !! وينفق غلط!! ويروح للشقه غلط!!
ويقول أنا الفاهم و اسافر كل يوم
هنا بعض المعاني با ئسه
والعيون اللي حكت لك يا ئسه
عاشت على موعد فرح... تبكي الموادع تنجرح
تبكي مفارق من جرح
حتى تمل.. حتى تضيع
غدر ويسل.. غدر الجميع
المجتمع رمز القيم
وين المبادئ والشيم
ماعاد باقي غير كذب .. وابتذال وللأسف كله رخيص
من يبي يبحث بألآف الكتب.. من يبي يفهم وهو فعلا حريص
من يبي تغيير كوكب عن مساره
من فهم إن التجاره هي شطاره
من يبي بالردى بنت جاره
واخسارة وا خسارة وا خسارة
"ص د ى "
واخسارة واخسارة واخسارة
واخسارة واخسارة واخسارة
...
ها لوطن ربا على ترابه حقود
وألف نجس وألف حاقد مع حسود
ياديار النشاما والذيابه والأسود
يانجد دونك كلنا صرنا جنود
عشق والموعد ثراك ... انتقدنا بس كله من غلاك
المجد اسمه نجـــــــــــد
والعز عاش بنجــــــــــد
ولا قيل وين الفخر قلنا هنا .. قلنا هنا
قلنا هنا
عاش الفخر في نجد
عشنا الشجاعه والقروم قروم
فينا الكرم ماله حدود ولا عزوم
لا شرينا زدنا على السايم بسوم
تاريخنا كله شرف
ماعشنا نطلب هالترف
إجازه ومعها "جواز السفر"
الجيم : جنون ومتعه وتقييم.. وسبع الفوايد مالقت تنظيم.. سفر فوق السما والغيم
ولامنّــــــــه مفر
وهذا غلا روحي
الواو: اذا قال الخواجه هاو .. مثل ليلة هجوم الفاو .. مع الرحله طواني طاو
بنا قبــــــــر وحفر
وهذا شخص مايوحي
الألف: أنت وحدك مختلف .. لا تدور ولا تلف.. والسلف قالوا تلف
وذنبــــــه تعلق بالسفر
وهذا أقدم صروحي
الزاء: استهــــــزاء.. مثل الجزاء .. وقت العزاء
يسار الرقم ماينفع صفر
وهذا للأسف نوحي
اللام : سبع اقلام .. صحف واعلام .. ولا ينلام
من حاول يفر
وهذا ضحكي ومزوحي
السين : إِلين الحين .. ثمان سنين .. ولا ينفع بك التخمين
صديق ؟؟ وين باقي نفر
وهذا كان مصلوحي
الفاء : إعفاء .. من الجمارك واسطه واخفاء.. بقت ناري بدون اطفاء
وذا عمده ويامر له غفر
وهذا آخر جروحي
الراء: استقراء .. في عيون اغراء .. وهو قانون بس اجراء
من هالقدر هل لك مفر
وهذا شي من بوحي
...
" الفقـــــــر"
الألف: الهي خلني أفقر فقير .. واعيش بالحب الوفير .. أحلم وباحلامي أطير
مابي أكون المختلف
مثلي مثل همزة ألف
الفاء: فديت عيونك الخجلا حبيبي .. لمست الجرح وبعيونك يطيبي .. تعال وداوني ياخر طبيبي
تعال وعلّم عيوني الوفا
أنا البردان وعيونك دفا
القاف: قوّم النايم بصح النوم .. مابعد شفنا معاك هموم .. ومن عشق لازم يشيل هموم
ومثلك للغلا وقاف
شعورك حركه هالقاف
الراء: رجعنا مالمسنا الصمت.. أنا الحالم ولو ماهمت .. أطير وبالسما كم حمت
وفي صوتي كذب واطراء
وفي صوتك لمحت اغراء ...
نعم موعد .. وعطري إنتحار الحب
أبي أبعد.. عن عيونك واشوف السحب
وهي تحتي .. وانا أتخيلك طاير
ولك أنتي .. يموت من الغلا شاعر
وكم ماتت معه دمعه
وكم ذابت بعد شمعه
وانا الموعد بكيته في زفافك جرح
ابي أفرح أمانه هو بقى لي فرح
احكميني
واسأليني
واجرحيني
وعذبيني
بس قبل
لا تقتليني
أمانه
أمانه
أمانه
ودعيني
أنا ما زلت أبي الموعد
أنا مازلت أبي الموعد
أنا مازلت أبي الموعد
....
للأديب صدى البوح
العرض الشجري