[frame="9 80"]يانجـد أنـا بغليـك ولا تنشديـنـي
ليه الغلى ليه الغـزل ليـه الأشعـار
يكفيـك يسكـن فيـك سكـان عينـي
ولو كان فيكي عج وسمـوم وغبـار
وحتـى ولـو مافيهـم الـي يبينـي
أحبهم حب البـدوا شـوف الأمطـار
يمكن على الله شخص غالـي يجينـي
عقب البطى وآخذ منه كـل الأخبـار
وأخبـره بالـي فعلـبـي حنيـنـي
سوابـي الـي فالمحبيـن مـاصـار
عز الله إنـي عفـت باقـي سنينـي
ماعاد أريد العيـش مابيـن الأخطـار
هـم وسهـر وآهـات سكـان فينـي
وباقي حطب في داخلي يشتعـل نـار
عافوني الي ما إنشـدوا نـاس وينـي
غايب ولو جسمي مع أجساد حظـار
لكـن رغـم مـاصـار يامهمليـنـي
والله ما أغسل الثـار لا ثـار بالثـار
إلكـم عليـه حـق فكتـاب ديـنـي
وإلكـم بقلبـي حـب باقيلـه آثــار
والـي جمعكـم بيـن قلبـي وبينـي
نجد وليال ٍ عشتهـا عنـد الأسحـار
ويشـهـد عـلـي الله يامتعبـيـنـي
ما أرخص غلاكم وأقتل ورود وأزهار
تبقـون عشقـي ياغـلاي الدفيـنـي
ويبقى لكـم عـز وكرامـة ومقـدار
والله علـى كبـر الخسـاره يعينـي
فاقد حبيـب وتايـه ٍ بيـن الأقطـار
وأكتب رساله حبرها دمـوع عينـي
وعنوانها يانجد مـا أبغيلـك أعـذار
أبغي خبر ياصل علـى مرخصينـي
قولي لهم مشتـاق شوقـي للأمطـار [/frame]
( عنوانها يانجد ما أبغيلك أعذار )
[/align]
العرض الشجري