صرت أخاف من الكلآم .. تصدقين !!
صرت أخاف ..
ياخذوني في غباء ويستلّذوني جهل ..
صدقيني صرت أقول لكل طاري شعر يطري لي تمهّل ..
مو على كيفك تجيني
تاخذ الوجد المعتّق من حنيني ..
تاخذه منّي وأنا محتاج أشمّه في ثيآب اللي يمروني عشان إت ْحس ب شوّية أمان ..
تعطّر أجواء المكان ..
صدقيني كنت شاعر بس شآعر في زمان ..
مايبي شاعر يبي تهريج ضوضاء وصرآخ
صدقيني ..أقدر أصيّح وأكون الأول بعين الجميع .!
صدقيني .. أقدر أمدح لي وضيع .!
صدقيني .. أقدر أخفض لي رفيع .!
صدقيني أقدر وأقدر وأقدر
أقدر أخلق لك من ال لآ شعر شعر .!
أقدر آسوّغ من ال لآفكر فكر .!
أقدر آسوّي كثير .
بس لوتدرين يحكمني كثير
القناعه قيد وأحلآمي كبار
ودي أخرج من قفص نفسي وأطير
ودي أكسر ماتراكم من حصار
ودي أفرش قلبي بغير الحصير
ودي ألقى نفسي بضحك الصغار
ودي ألقى بعين أبوي إني قدير
وأقدر أخذ ذود جدّي للقفار
ودي أسرح كل صبح لكل خير
ودي إني لآ عطيت أعطي كثار
ودي أمي يوم .. تفرح بي تصير
ماتشيل هموم غيبه وإنتظار
بس يشوفوني مثل عمري كبير
لو يديني عن أمانييّ قصار
ما يهم .. اللي يهم إني جدير
أورث التاريخ وأورّث دمار
مالك بطول السوالف والكلآم اللي يطول
تْجين ننسى الجهل في بعض العقول .!
تْجين أغنّي لك مواويلي حزن .!
تْجين نخرج من تفاهات الوزن .!
تجين أحبّك من هنا لين الورق .. للحب يآ.. يا أنسه عدّة طرق
يا نكون أحباب .. لكن ما نحب !!
يا نكون أصحاب .. طبعاً مانحب !!
ليه هالليله حزينه ..؟
مدري ليه !
بس أحس بحاجه لأنسان أفضفض له لقيت
إنك أقرب من يحس ( أو هكذا كنت أعتقد )
لآيهمك ..
كنت بس بحاجه لبعض البكى
وأنتي لآتطرين لأحد من بكى
(خايف إني من عيون الناس أطيح )
شفتي إني صدق أخاف من الكلآم .!
شفتي شلون أتوارى ف الزحام .!
شفتي الشاعر إليا منه كتب
لآ تحدينه يغنّي
مو طرب لكن يغني
(مو حزن لكن حزين )
وإنتي كنك تستلذين الغناء
أو تحسبيني أفضفض لك لأني
بالأخير آقول أحبّك ؟
.... :
أيه أحبّك ..!
بس أحبّك تسمعين
أيه أحبّك ..
بس أحبّك تقنعين
إني شآعر ما بقى بقلبه مكان
وأنك أغلى بنت ما حبيتها
وأنك أرقى بنت قد حاكيتها
أيه أنا وياك يجمعنا كثير
الكلام اللي حكينا
كان رابط بيننا
وآنا أحبّك بس مثلي تقدرين .!
من بعيد الحب يعني .. عيد .. حب .. وشمعتين وترسلين .!
بيت شعر وكل عام وأنت غير
أنت روحي وأنت قلبي وأنت غير
إيه غير
إيه غير
شفت كيف أحباب .. لكن ما نحب !!
العرض الشجري