السلام عليكم ورحمة الله
صديقتي معي بالجامعة تكمل ماستر تبارك الله وعلى وجه تخرج
زوجها ضابط تبارك الله
لكن مشكلتها معه انه صحيح؟
يعني على نياته
والبنت كارهته عشان هالشيء
تقول مافي انسجام فكري ابد
هي طموحة متعلمة مثقفة تكتب وتقرأ وانسانة ودك بس تسمعينها وهي تسولف
وهو غيررررررررر صحيح ضابط بس على نياته
مهب غبي مرة بس اي واحد يحكي معه يدري انه على نياته
يعني مو تكانه , يفشلها احيانا لما يحكي مافي سوالف مشتركة بينهم في الاشياء اللي تحبها
ابد ابد مب لاقية نفسها معه
تقول ودي اتطلق دام توة مادخل علي
بس المشكلة اذا تطلقت هي بتضمن ماتطيح بواحد زيه؟؟
بتقولون ليش ماعرفت هالشيء قبل
اقولكم انتم تعرفون طريقة الزواج عندنا بالسعودية
الرجال ماتعرفينه الا لما تحكين معه وفي مجتمعنا مستحيل نحكي مع الخطيب ,, لازم بعد الملكة
بتقولون ليش اخوانها وابوها مانقلوا لها هالكلام
بقولكم للاسف مانقلوا لها الا انه طيب ؟؟ هذا تفسيرهم للصحيح او اللي على نياته
والرجال مايشوفون الا الظاهر شافوه ضابط مايدخن وماعيله مشاكل قالوا وضعه اوك
وهي الحين متورطة ضايق صدرها مررررة بداخلها ماتحترمة
شخصيتها تنسجم مع مثقف لبق راقي ذكي
ماتنسجم مع هالشخص
بنات اللي زوجها صحيح او على نياته
وهي متعلمة ومثقفة
هل حبيتيه بعدين
هل انسجمتوا؟
ماتحسين نفسك تفشلين منه اذا تكلم ؟
وش رايكم ؟؟ شوروا عليها
وياليت اللي تشور تكون مجربة
انا قتلها ممكن تعدلينه انتي
بس ياترى العقل والمخ والذكاء يتعدلون
يعني هالاشياء وراثية مب مكتسبة
صح
بصراحه انا عني مستحيييييييييل انسجم مع شخص زي كذا
فما عرفت انصحها بالعكس قلتلها انفصلي
انتم وش رايكم
الف شكر
فعلاً التوافق الفكري حتى ولو لم يكن هناك اي مشاكل بذاك الحجم التي تسبب الطلاق لكنها تنغص على الطرفين إنسجامهما
فهل هذا السبب يوجب الطلاق ؟
الحقيقه سالفة وحده قريتها في احد المنتديات ورائت ردود بعض النساء عليها قلت خلونا نشوف ردود الأخوه والأخوات هنا
فما رائيكم انتم
العرض الشجري