على الريحه ..

[عـــذاااري]

على الريحه ..

لاترتجين الجريح .. ولا تحرينه ..

لو زدتي الروح عله فوق علتها ..

يا ما ترجاك .. يا العنقا تحنينه ..

ويا ما تحرى مرويحك وطلتها ..

يبيك يا سارة الحرمان تروينه ..

من حالي العقربيه ليل هلتها ..

مير انتي انهيتي اللي بينك وبينه ..

في خرسك اللي سيوف البعد سلتها ..

عليك اساليب لا شينه ولا زينه ..

وعليك طلعات عزة سواتك بذلتها ..

وش عاد عقب اللي سويتيه ترجينه ..

كرهني نفسي بنفسك من تولتها ..

والخافق اللي علي الريحه تخبرينه ..

ما هزته هزة اشواقه وتلتها ..

ولا هضم عذرك اللي زود الطينه ..

يقول يا ما سمحت وشت زلتها ..

مادام نفس الخطا الأول تعيدينه ..

وش تنفع اعذارك اللي زي قلتها ؟؟

ارجو انها تنال اعجابكم ..

تحياتي ..