صـدفــه .. للأبيـض النقـي ..

[نــف نــف]

قصيـدة .. لازلت منذ أيـام ..
أرددهـا ..
كتبهـا صاحب العزف المنفرد ..
الأسم الأبـرز والأهـم أن نحن رتبنا
الأسمـاء..
ذلك الأبيـض النقـي ..
توئـم المـاء ..
حقيقـة هي لاتحتـاج إلى مقدمـات
لذا أتنصل من أكمال مابدئته
لاأقول لكم النص هنـا ..
لـ فهـد المساعـد ..
((صــدفـــه))





الشوق ماله عمر , يفنى وينعاد
له في الضلوع أن عاد وأن غاب رجفه

مع كل فرقا , له ورى الجفن ميلاد
وأن ماتت الفرقا لقى الشوق حتفه

جيت أقتل الفرقا من بلاد لــ بلاد
ملّ الطريق يشيلني فوق كتفه

وأنا بعد مليت من كثر ما أرتاد
هالشارع اللي كان لك فيه شرفه

تظمأ عيوني شوفك , وتشبع سهاد
عيّا الزمن يقطع ظماها بـرشفه

لاوجهك أسقاها , ولا ذاقت رقاد
ماغير طيفك , طيفك اللي أعرفه

كنّه ظبي , وعيوني ظلال صيـاد
يجفل قبل يرتد للجفن طرفه

مشكلته أنه كل ما أشتقت يزداد
حتى ملا جدران وقتي وسقفه

وأصبحت أشوفه فــ أول الغيم لاجاد
وفــ أقصى الشفق لاطاحت الشمس خلفه

وفـي الأرض لانامت عقب صوت رعاد
وفي كل شباك ٍ صحت منه درفـه

أتعبت طيفك لوم , واللوم مافاد
ويوم الأمل في شوفتك مات نصفـه

نويت أسافر عنك بجروحٍ جداد
وعمر .. من أوراق الزمن حان قطفـه

نويت .. لكن جابني الشوق منقاد!!
وجابك حنينك .. والزمن سال عطفـه

شفتك تبـسّـم لي خجل مدري عناد
وفي نظرتك شوق ٍ من الظلم وصفـه

حسيت كني طفل , وعيونك أعياد
ياعيدي اللي له ورى الصدر رجفـه

سـمّ اللقا صدفة , وأسـمّيه ميعـاد
أنا أنتظرتـك .. وأنت مريت صدفـه


ودي


.