قال من يقدح على الطرس وهواها
يوم عينه طرزت مكنون ماها ...
ماعلى الدنيا عتب والا تشّره
والردي ماهمه النفس وغثاها
ماعلى المعروف بالدنيا حسوفه
لكن نفوس الردى بين رداها ,,
خلّوا الصدر الشمالي ضايقن به !!
كل فج .. وكل تلة .. هو رقاها
موّتوا أصل المروّه والشهامــه
تاهوا بعصر عطا ..الحشمة قفاها
لامبادئ تكسر الشر وتصده ...
ولاقيم تدفع عن الصدفة بلاها ..
من جفورٍ هبــهبت فيها الهبايب
لادحادير" خفا غيري نباها
مشكلة بعض النماذج في زمنا؟
ضيعوا حتى اللغاوي في جداها
هاموا بهبات جوجل والموادم
وأهدوا الكيبورد بوساتٍ صداها .......!
بيّنت بأحقادهم شاشات ويندوز ..
والمعادن بيّنت قلة حيــــــــــــــــاها ...
مادروا عن لفّة الدنيا الدنية ..
أشبعوا نفس الهوى شهوة هواها ..
لاياصبر القاع وأسوار الشوارع ..
قل ياحلم الله على النفس وخطاها ..
ودي أكتب لكن أخشى من خيانة ..
هندسة فكري والأحلام ومُناهــا ..
وودي أسكت لكن الحر يتخوّف ..
تستعر روووحه .. وتبلغ منتهاهـــــا ..
وش يقول اللي له طبوعٍ كثيرة ..!
دونها نفسه ..تعدّت مستواها ...
صار يطمح من وراء سهيل اليماني
والثريا عام الأول ذاق ماهــــــا ..
خبّروا شيبٍ ظهر في مفرقينه..
أن باقي للصبر حشمة وجاها ..
مايلقّى المكرمة من باع نفسه ..
كود من غرغر بغيضه مغتثاها ..
هي كذا الدنيا ترى وألا تراني ..؟
ماصبرت أكضم على روحي حشاها ..
والردي يبطي عظم كانه تمادى ..
يحفر أبيار الخيانة ويتباهـــــا ..
ربنا حط العقول العبقريـــة ...
وأشرقت شمس النوايا في سماها ..
زينةٍ ماهي عبث ربي خلقها ..
والدلالة بالبشـــــــر يفرق لغاها ..
قالها من غضّت أبصاره ... ويفهم !
يوم فرّت دنيته جـــرّة رحاها ..
وأمتطى الحلم العظيم وومبدءٍ له
وأغتنى عن منّة الناااااس ورداها ...
ودام ربي موكلي في كل حـــزة ..
بلّغت روحي لـ (حكمهـ) مرتضاها ...
ذاك قنديلي على دربي تلا لا ...
نجمةٍ شعّت على الظلمة سنااها ..
ماعلى عرشي ومركاي المخاوف ...
دام قلبي يشبه الشمس وضياااااها ....
منقول
العرض الشجري