أحبك حب لو يدري عنه كل البشر مـا نـام
سهر كل البشر ليلـه يفكـر كيـف حبيتـك
أحبك والمشاعر كلها صوبـك ولـه وهيـام
احبك وانت تدري بي وتـدري كـم تمنيتـك
رسمتك صوره بقلبي بلا ريشـه ولا رسـام
وشلتك داخل اعماقي ووسط القلب حطيتـك
بنيت لك بحنايا خافقـي بستـان بالأحـلام
وكتبت القلب باسمك واعتبرت القلب هو بيتك
وانا لو غبت عنك يوم والا شهـر والا عـام
تأكـد كـل لحظـه تمـر بغيابـك تحريتـك
سنين العمر لو راحت فداك وتعبـت الأقـدام
صحيح العمر غالي بس لعيونك انـا فديتـك
وانا لو جيت باتكلم وباكتب جفـت الأقـلام
وانا في ذمتي مهما كتبت وقلت مـا اوفيتـك
أبا اوفي لك وباخلص لك مدام ان العمر قدام
واكون اكذب على نفسي ان قلت اني تناسيتك
حبيبي عش معي لحظة حقيقه واترك الأوهام
تذكـر كلمـة أحبـك تذكـر يـوم ناديتـك
حبيبي وان تلاقينا تبـي تثبـت لـك الأيـام
تبي تثبت كثر حبي وشوقي لك ليـا جيتـك
الشاعر/ سعيد عيد الرشيدي
العرض الشجري