مدخل :-
كانت الليلة كئيبة والقهر ... محتاج باب
كانت العتمة مُريبة والضّيا همسه خفيف
زحمة من حولي تناثر بينهم شفتك سراب
كلما ألهي بصدّي [هبّت الذكرى] خريف
،
،
ليه ياضيقي تجي دايم | حنون !
عكس فرحي لاوصل كِنّه حزين ,
تمتلي بي نبض وأصرخ بك تمون ,
إيه خذني لك : ابسلى بك سنين !
ودّي أنسى في متاهاتك | ظنون ,
ودّي أرحل عن بقايا الـ عابرين !
ودّي أخلق لي فضا يمكن أكون ,
أمنية طارت ولا تدري لـ وين !
من رحل عنّي تلبّست الـ سكون ,
لا دمع ينزل سوى عبرة | تبين !
إن نسيته قصد هزّتني الـ طعون ,
وإن ذكرته كل ماحولي : يشين !
بي حقيقة وصّلتني للـ جنون ,
لين كلّي تاه ب أنفاس الـ آنين !
دايم الأوفى مقدر له : يخون ,
كل فرح ويحضن الذكرى | حنين !
-: مخرج
الأغاني صارت أقسى والأماني ، شمع ذاب
والفَقِدْ إني أشوفك بس كيف أُوصلك ، كيف
تدري هالليلة طويلة وإحتياجي لك ، عذاب
كل ماناديت عجّل رددت ظلماي :- طيف
العرض الشجري